影片
港鐵何文田站 A1 出口, 步行約7分鐘
繼續閱讀
營業時間
星期一至日
11:00 - 23:00
公眾假期
11:00 - 23:00
公眾假期前夕
11:00 - 23:00
以上資料只供參考, 請與餐廳確認詳情
呢間台式飲品有好多選擇，最平嘅$16有杯純茶，有芝士奶蓋鮮果沙冰，鮮果茶，奶蓋茶，髒髒茶，奶茶，黑糖系列，蛋糕雪頂，非常多新奇特別嘅嘢飲，價錢都唔貴。想再省少少，可以用外賣平台外賣自取，可以省$3㗎，意外發現外賣平台平幾蚊，何樂不為呢😆🧃粉桃酪酪 $35 (food panda $32) 走冰三分甜 俾我見到店員係切咗半個桃駁李，omg以為係普通桃😂大家都知桃駁梨偏酸…….第一啖飲落好fresh，三分甜係偏酸嘅但好開胃，有果肉，似食緊桃駁李，果味突出，欣賞佢用鮮果打嘅，但用正常桃會好啲，冇咁酸。今次芝士奶蓋好少，芝士味唔濃，有啲啲芝士味但未到好香，鹹鹹哋。之前飲過密瓜同芒果都好飲，唔推薦桃😂可以飲下其他！推薦指數: 7/10大大杯，抵飲，用料實在！
繼續閱讀
夏日熱辣辣，一定要飲返杯手搖消下暑🥳今日經過紅磡，就試左呢間新開嘅手搖飲品😌粉桃酪酪（$35）芝士奶蓋超級濃，係偏鹹嘅芝士味，好邪惡呀🤤下面係桃味嘅沙冰，靚得黎仲非常消暑🥶😌桃味唔算好濃，但顏色夠晒靚🤩黑糖布丁奶茶（$25）之後就要飲返個好hit嘅黑糖奶茶🥤仲加左我最愛嘅布丁😋奶茶好香滑，重奶味、布丁就偏甜，下次可以叫少甜😌呢兩杯都打卡度高又好飲，經過一定要試下～#御黑堂 #紅磡 #手搖飲品
繼續閱讀
平時出開紅磡，都成日見到呢間鋪，但今日先第一次去試，感覺係頗為驚喜，尤其係佢個奶蓋。🤗芒果酪酪 ($35)呢杯野上面有奶蓋，只要有奶蓋既飲品，我都一定係試左個奶蓋先。呢個奶蓋比較流質，但芝士味好濃郁，奶蓋方面我係超鍾意！😍飲料方面，我叫左小甜，甜度適中，芒果味亦十足，好味道！😙夏天咁熱飲呢杯真係好清爽，佢係有沙冰質感，但又唔會驚太冰凍親，非常好！😆三喜奶茶（$25）呢杯野飲入面有布甸、紅豆同珍珠，多重口感🤩，因為布甸比較甜我就叫左半糖。隻奶茶比較淡，茶味唔算出，所以啲主角嘅味道會突出啲😌佢隻珍珠好煙韌好有咬口，鍾意珍珠奶茶嘅大家都可以試下😋
繼續閱讀
Lunch 時間同同事想買啲嘢飲返公司飲同事話想試下御黑堂就order左兩杯😌離港鐵站都唔算行好遠 都方便穩到店舖飲品選擇種類繁多 咩都想試下😛夏天飲啲凍嘢飲 簡直爽呀😚😚😚-蛋糕芒果雪頂 $38粒粒芒果肉😋再加上香滑忌廉裏面仲有清涼雪頂❤️係呢個又濕又熱天氣 清暑解渴首選🥰.火龍果臟臟茶 $30充滿香甜火龍果肉 同埋 清香茶底火龍果味道好香❤️仲加上香蕉加奶打勻茶味有回甘感覺好好飲嘅火龍果飲品🥰.
繼續閱讀
今朝好大雨，連仔仔下晝試堂都要取消，但之前應承咗上堂之前帶佢去買果汁，咁見lunch之後差唔多停雨， 就一家人去咗屋企附近嘅御黑堂買飲品。仔仔去到就嚷著老公抱住揀飲品，種類好多 ，仔仔見到啲相，一睇就指住揀咗滿杯大橙子，老公就揀左嘿鳳梨， 買完之後就好滿足回家飲。滿杯大橙子 - 仔仔係咁話好好飲， 我飲過幾啖唔會太甜，味道清香。嘿鳳梨 - 老公話鳳梨及茶味比例均勻， 而且有大大粒鳳梨肉，好有口感。呢度嘅飲品可以自選甜度及冰的多少。
繼續閱讀