復興粥品

營業中

休息中

事源今朝去買皮蛋瘦肉粥，等緊拎時見到阿姐「不」緊蔥花時打乞嗤，但佢無擰歪面而係對正我碗打開咗蓋嘅粥打乞嗤…當時要求佢換過碗，阿姐聲大夾惡話佢有戴口罩，我話唔換咁退錢啦，我唔會食。收銀阿姐話退唔到錢架，然後打乞嗤阿姐話：唉 好煩呀你 唔要就擺低。然後塞咗另一碗比我：唉 換比你喇換比你喇，多謝你施捨！🙂 然後我走時仲聽到佢地大大聲鬧我，我返到去發現佢專登無比匙羹我，好彩平時有keep起備用，真係開心。食到一半好頸渴掉咗，成肚火，永不光顧！！！！完～

之前病病地，唔係好食到嘢，就去左呢度買粥加炸兩。我食左個皮蛋碎牛粥，啲粥好綿，料又究多，食完唔會太口渴。而個炸兩都掂，裏面條油炸鬼都仲脆脆地。價錢就比連鎖粥店平，幾抵食

呢間粥舖係蝴蝶街市裝修完嘅第一間食店, 可惜一直都未有幫襯, 因為間舖實在唔大, 而且全部都係面壁嘅座位, 要同時間一家三口入去座, 確實要等緣份到. 今日終於有緣排排坐入去試喇.及第粥 $28.00--粥料尚算豐富, 有豬心, 豬潤, 豬肚, 粉腸各2件 肉丸1粒,  豬內臟無臭味, 但唔知點解味道越食越咸, 食完要即時出去買嘢飲.魚腩粥 $32.00--魚腩新鮮, 薑味濃, 可惜粥底疑似用粉漿開, 即時大打折扣.粟米碎牛粥 $21.00--食到粟米嘅雪藏味, 麻麻地炸兩 $12.00--呢個應係新鮮整,  腸粉皮滑, 入口非常脆, 配上麻醬, 甜醬, 芝麻 , 一流!炒米粉 $10.00-- 味道唔太咸, OK啦!埋單 $103.00