影片
港鐵何文田站 A1 出口, 步行約5分鐘
繼續閱讀
電話號碼
90912044
營業時間
今日營業
18:00 - 02:00
星期一至日
18:00 - 02:00
以上資料只供參考, 請與餐廳確認詳情
走入去呢間店，空氣中已經飄嚟陣陣烤物嘅香味，令人垂涎三尺。首先，佢哋嘅蒜香燒扇貝真係得意得嚟，一咬落去扇貝嘅鮮味同蒜蓉嘅香氣就喺口腔中瀰漫，賣相又靚，真係令人一試難忘。接著啲燒韭菜、燒蒜芯、燒翠玉瓜，每樣蔬菜都烤得恰到好處，尤其係翠玉瓜啲肉質爽脆同燒烤出嚟嘅香味美妙融合，好食爆！而家啲火雞腎滿噹噹，咬落去彈牙又唔會過硬，魷魚鬚燒得外脆內軟，鹹香味剛剛好，唔會好似有啲地方噁心鹹口。另外，台灣腸同牛舌都係必試款，牛舌燒得外邊微焦咁，入口即化，十分過癮👍。燒海鱔片段滑溜，外皮烤得啱啱好，薄脆魚皮包住不同於平時嘅鮮味，成品質感極佳。最後，蒜香牛油焗娃娃菜雖然味道算係對路，但係蒜同牛油味稍咸，如果攪和能再均勻啲就Perfect！整體黎講，喺呢個不起眼嘅角落，燒得一手好串，啖啖肉，口口爽，實在係好正🤤！下次探食，仲要叫多幾樣新嘢試下！
繼續閱讀
搬左黎何文田2個月，返工每逢收夜第二日放假就會去呢間串燒店食晚飯，因為懶得煮男朋友都會陪我黎呢到食，已經食左4,5次了，最想推介呢到新推出既炒腸粉，超超超級好食，因為本身on diet, 所以唔敢食咁多澱粉質，但真係食唔到口，D客唔知係咪老闆既朋友，好nice，又會一齊啤啤酒又吹吹水。。。。最緊要係隻可愛嘅貓貓皮蛋，有時幾可愛好癡人，有時又咬下你咁，仲之就好cute呢間變左我地既食堂會繼續幫襯順帶提一提，雞扒、鱔魚都好好味😋
繼續閱讀
叫左十幾串串燒，有生蠔、菠蘿、韭菜、雞皮、一口牛、羊架、魷魚等等。佢竟然用一個大發泡膠盒裝哂全部！蔬菜果啲明顯會出水、有汁，完全浸哂其他要脆既食物（例如雞皮，魷魚）。成堆野炒埋一堆，我完全唔知食緊咩，咩味打咩味。 再講，9成串燒都係燒焦既味道，好誇張。其實，店員燒完自己睇都應該見到出事啦？點解仲可以比人食？太過分了
繼續閱讀
🤭️✍🏽太多好食寫唔到咁多 特別推薦大家✅鴨舌✅雞皮✅雞軟骨✅火雞腎✅燒豬頸肉✅燒魷魚鬚✅原條茄子✅燒翠玉瓜✅燒大啡菇《鴨舌》厚肉又香口🦆👅，孜然味又唔會太濃，肉又嫩，好好食，叫杯酒就一流🍺 💰$28《雞皮》燒到冇晒脂肪，好脆🐥，食落完全唔覺得肥，好似薯片咁😌，so yumm😋💰$24/2串《雞軟骨》骨夠軟🐤🦴，好咬口又香口，口感一流👍🏻💰$24/2串《火雞腎》好爽口✌🏻💰$18❗️《燒豬頸肉》❗️豬頸肉有少少肥🐷，入口溶化，肉質勁嫩，一啖食落去會爆汁出嚟💦，好好食🤤💰$20《燒魷魚鬚》魷魚鬚彈牙🦷，容易咬開💰$18《原條茄子》超多蒜蓉🧄🧄，成個茄子比較濃味🍆，好香又軟，一絲絲咁食☺️💰$36《燒翠玉瓜》未食過咁juicy嘅翠玉瓜串😍‼️超多汁，一咬爆汁，又唔會淋晒🤩💰$12《燒大啡菇》好多蒜蓉🧄，燒到唔係乾晒🍄，係juicy架，唔會過咸，好正呀🤫💰$18*💰$20蜜糖燒菠蘿🍍、💰$20蒜香牛油焗金菇and💰$20娃娃菜都非常唔錯，酸酸甜甜、juicy、清清地，解下膩又再食過👄👄**飲品建議大家叫💰$18自家製酸梅湯🤗，好夠味，💰$20自家製樽仔奶茶都唔錯***❌雞翼就唔建議大家叫，冇乜特別，留返個肚食其他嘢****得1個人燒同即叫即整👨🏻🍳，等嘅時間會耐d👥，不過係值得食，可以慢慢食😋😋*****串燒店唔係好大，有人先會開摺櫈摺檯，唔建議落雨食😂
繼續閱讀
黃埔紅磡基本上係小店嘅區，特別係蕪湖街同觀音廟附近，出名嘅舖頭非常多。有拉麵店，越南河粉店，豆漿店，魚蛋燒賣等小食店等等，大部分都係名店，一個月唔重覆都可以食好耐。有人推薦我呢個德利美食，主力食串燒。一個人試左幾樣。最好一定係雞翼，惹味得很。海膽丸加辣後，燒得夠熱。雞肉同腸又係燒得好好，食足兩串。飲杯五花茶下火，食串燒唔一定飲啤酒。整體感覺不錯，唔算太貴，坐外面又最好，地方夠空曠，食串燒又唔會有味，大推。如果下次再食，就要食下海鮮，感受有冇分別。
繼續閱讀