德利美食

營業中

休息中

黃埔紅磡基本上係小店嘅區，特別係蕪湖街同觀音廟附近，出名嘅舖頭非常多。有拉麵店，越南河粉店，豆漿店，魚蛋燒賣等小食店等等，大部分都係名店，一個月唔重覆都可以食好耐。有人推薦我呢個德利美食，主力食串燒。一個人試左幾樣。最好一定係雞翼，惹味得很。海膽丸加辣後，燒得夠熱。雞肉同腸又係燒得好好，食足兩串。飲杯五花茶下火，食串燒唔一定飲啤酒。整體感覺不錯，唔算太貴，坐外面又最好，地方夠空曠，食串燒又唔會有味，大推。如果下次再食，就要食下海鮮，感受有冇分別。