影片
以上資料只供參考, 請與餐廳確認詳情
放假個日 我就當然係屋企宅啦男朋友就岀左元朗拎野由於我地太經常係元朗覓食已經諗唔到可以食乜就醒起為食街隔離有呢間黃店熱狗既然冇idea食乜 不如就試下食呢間外賣自取當然要用黃店專屬既lingduck有優惠仲可以支持黃既外賣平台啊~~嗌左2個熱狗一個係冰島風味熱狗係有洋蔥粒既咖哩汁加埋雞肉熱狗拎到翻黎個樣係扁晒咁 得1pat醬同埋睇落幾乾既包同熱狗食落同外觀既感覺係一致 就係好乾男朋友話冇乜味 佢拎個時係叫左店員用佢地覺得最好味既配方整所以冇落其他醬 可能因為咁所以好乾一個係墨西膠 即係辣肉醬熱狗個肉醬都係一般 話辣但冇辣味茄味係夠既 但唔夠濃郁同燃味棧個肉醬熱狗比 都真係冇得比完全唔係同一個level😣😣😣本身對呢間舖幾有好感架佢裝修同啲產品名都好有香港本土味但可能我唔好彩 個日食到既岀品味道都麻麻薯條係好食既 滿滿薯肉但茄汁用左茄膏 我同男朋友都表示不解 點落真係冇乜味 茄膏(茸)真係唔適合用黎做點醬lol
繼續閱讀
上完堂之後就自己黎左呢間熱狗店食，佢地都幾多外賣order，星期六中午做唔停咁，所以落單都等左陣，不過係值得既。我叫左亞美利堅熱狗，加12蚊變餐，有得簡薯條/薯餅配罐裝野飲，咁我就簡左薯條。薯條係即叫即炸，係我食過最好味既薯條，不停咁食之後就講下個熱狗，正所謂一分錢一分貨，$60，自然入面好多料，腸已經有兩款係入面，入面仲要有煙肉，你話凈係咁已經幾邪惡，入面仲有芝士，面頭仲有肉醬再有茄醬加芥末醬，相當相當豐富，食落會好滿足，我女仔黎講食一半已經feel到飽。絕對值得有下次。
繼續閱讀
行經元朗，超級肚餓。經過呢間熱狗🌭️店，俾佢嘅霓虹燈招牌吸引咗，本來諗住入去睇下，然後我見到超級多💛poster, 就知道唔使諗一定要幫襯。好多選擇、好多配料，我睇咗成3分鐘都唔知應該揀乜好，然後俾我見到有一個選擇叫「是狗但」($50)。是狗但即係廚師發板，喺唔知叫乜嘢好嘅情況之下，我就決定叫呢一個。收銀哥哥問我有冇啲乜嘢唔食，因為基本上我乜嘢都食，所以我就答佢乜嘢配料都可以加入去😆最後仲同佢講咗，因為我鍾意芝士，可唔可以多芝士🧀😂到個熱狗整好咗，一拎上手，已經見到係好大個！因為係廚師發板，所以我都好期待係乜嘢。個包同埋條腸仔都好脆好香好正🤤醬汁係好多嘅肉醬，仲有芥辣同埋沙律醬，配料有洋蔥同我order左嘅多芝士，食完真係超滿足。食完，閂埋個盒蓋時仲有驚喜，個盒印咗一個好懷舊嘅圖案喺度，超啱打卡用😂個盒remind我喺等緊是狗但嘅時候，舖頭上面嘅電視機，就播緊呢間熱狗店幾代嘅老闆點樣經營呢間熱狗店。呢間熱狗店，喺好多細節位，都見到佢想營造返個懷舊嘅感覺，包括鋪頭內poster 嘅 style, 熱狗盒個懷舊圖案，仲有熱狗盒入面張吸油紙，呢啲所有嘅嘢都睇得出個心思。臨走時見到隔離個叔叔點左一份熱狗個樣好好食，問店員呢個係邊一隻，佢就話係馳名熱狗。黃店+好食熱狗+好有禮貌嘅店員，一定會再黎😆下次再黎，一於就食呢個！
繼續閱讀
今日去到元朗見到有間門面已經好搶眼嘅霓虹燈熱狗店💡店內大量正Poster💛店員熱情又有禮😳間嘢Menu多野到令人眼都花😂😂唯有揀推介Top 1 - 馳名港狗🌭套餐跟薯條同罐裝飲品 盛惠$66包裝盒都幾盞鬼 有Design 過㗎下😎打開見到忍唔住嘩一聲 咁大個嘅🤩多多沙律醬 滑捋捋嘅蛋蛋 香口嘅煙肉 長長嘅德國腸 足料呀下😋總體嚟講 無嘢可以彈 😽又係黃店 店員又靚仔 食物又好食 裝修又打卡able 貴少少都值💯
繼續閱讀