德國熱狗 (已結業)

警世劣評——「德國熱狗」食物比狗- 近排出咗個世界盃套餐，咁28蚊都幾抵，就試吓啦，叫咗個「脆皮煙肉火腿腸熱狗」，但係張單就寫係普通珍寶熱狗，出到嚟條腸又扁又乾，醬都唔多滴，問佢仲話係煙肉系入面，咁條腸係火腿定煙肉腸？（食落兩隻都唔係，就普通IKEA熱狗）咁我不如去IKEA買幾十粒，街坊讓個檔位比我28蚊2條腸啦- 店員呀嬸態度極度惡劣。屋邨生意，唔求大發，我都唔係想你比倒酒樓質素，但比得小財你賺，連最基本courtesy都冇，當人係鬼都不如，禁唔想做就收檔啦。行埋去落單，佢鬼食泥咁講幾聲muffled到聽唔到，重覆就躁躁地叫我等，話要趕比個客。果下有啲愕然，咁聽唔到都唔洗咁吓？之後落單話B，佢又大大聲repeat「D for dog」牙？果句除咗一聲仲有好多不滿同唔耐煩，我就大聲答番「B for Boy」呀，佢呢個時候就怒顏上面，兇番我話「聽唔倒呀！」我禁𠹌近講你聽唔到就正常，一開始隔禁遠答個客就有禮貌、expect人聽到嘅?

Geo條👅評分：⭐️⭐️⭐️⭐️(5⭐️最高）馳名港狗 $43+ 細薯條同飲品 $12喺屋企附近買個熱狗🌭️食吓先，今次食德國熱狗嘅馳名港狗，呢個又幾正，有腸，有蛋，有煙肉再加少少沙律醬，呢個熱狗啲料雖然簡簡單單，但夾埋一齊又幾好食💛可能因爲我係港仔😂加咗細薯條同可樂，一個人細薯條已經好夠，個姐姐俾咗好多我😂

帶小朋友食午餐，他們通常都吾想正正經經食餐飯麵，所以今日去食大熱狗。上次到過秦石新街市有驚喜，今日就去試食德國熱狗。適逢午餐時間，個食街都有點人龍，但目標食肆都不算等得耐。熱狗種類都不少，但價錢都不低，最平都要4x元單包，如要有薯條有飲品就要加平均十多元，即套餐至少60元，性價比確實不高。我叫了個馳名港狗給女兒，比預期中大件，樣貌都討好，但始終是最基本的蛋，煙肉，腸，40多元有點貴。孩子食得開心都滿足的。但以這個學生場來計，難免不敵其他店多客。

好開心，今日細佬話買野比我食原來熱狗有買一送一嘩好抵 兩個餐都係$60我叫咗個「夏蕙姨」餐薯條真係好好味係咁食到唔停口好香脆個熱狗好多醬車打芝士/煙肉粒同菠蘿好正芝士好香

Geo條👅評分：⭐️⭐️⭐️⭐️ (5⭐️最高）日耳曼經典 $43前幾日喺屋企唔知食咩，阿媽就幫我買咗個熱狗🌭️返嚟😂今次試吓德國熱狗嘅日耳曼經典！熱狗用法蘭克福腸，肉都幾嫩，豬肉味道唔算太濃，易入口，加上德國酸菜同酸瓜，超級開胃！個包唔會太硬，啱啱烘過，外有少少脆皮，唔錯🤤

秦石街市裝修完之後，多咗好多唔同種類嘅食肆，德國熱狗係其中之一，偶爾經過都會幫襯，試吓佢地唔同嘅熱狗。今日叫左瑞士碎肉牛角包，加左少少錢加配細薯條同白檸。呢個包非常特別地用左牛角包取代平時嘅熱狗包，一層層牛角包酥皮非常香口，而且熱辣辣。中間嘅切肉望落好似午餐肉，但食落好似pizza嘅辣肉腸味。而上面嘅芝士更加係精髓，溶化嘅芝士同切肉、牛角包融為一體，每咬一啖都非常滿足。成個包都好大份，對女仔黎講非常飽肚。而細薯條則係港式茶餐廳下午茶常見個種厚身薯條。配上嘅蕃茄醬似乎係自家製，食得出鮮蕃茄味，同一包包嘅茄醬好唔同。雖然有人覺得德國熱狗價錢比較貴，但一分錢一分貨，有份量又足料嘅熱狗，其實都算係物有所值。

最近見其他group 友提供飲食情報XD 原來秦石街市已經裝修完， 入面仲有兩間好味嘅店舖可以幫襯，所以特意黎支持一吓🥰新式街市設計，有十多張小圓桌，比人買完野食即場坐底～之前有朋友提及過"德國熱狗"話好味，今次終於試到～比想像中多款式（選擇困難發作😂）最後叫左"馳名港狗"同"冰嶋風味"~ "馳名港狗"，餡料豐富，有脆皮豬肉腸，仲有煙肉同滑蛋，食一個已經夠飽肚😚另外，"冰嶋風味"就係雞肉腸配牛油蒜蓉，配搭較特別～熱狗飽軟熟香脆，熱狗腸大份，每啖都食到腸仔😂好滿足呢～最後配埋隔離店嘅飲品XD 好正呀～