德聲酒家

營業中

休息中

試左個三餸餐（菠蘿咕嚕肉 通菜炒牛肉 紅燒茄子斑腩) 菠蘿咕嚕肉份量勁少 通菜炒牛肉尚算合格 紅燒茄子斑腩完全唔掂 啲魚勁腥 仲要比埋d魚頭魚尾同無肉得骨既魚鰭 一舊班腩都無 唔會再去！

前幾日去左石門覓食🤤見附近有幾間酒樓就去左食點心🥢·叫咗好多嘢食🥰蟹子燒賣 鮮蝦餃 鮮蝦餃拼粉果 鮮蝦春卷薑汁糕 叉燒腸 牛肉球 鮮竹卷 紅燒乳鴿 鹹水角·值得一讚嘅係佢個蝦餃🦐皮夠薄👍🏻蝦又彈牙燒賣食落都好有口感清爽😋唔會肥膩薑汁糕好重薑汁味🤤未食之前已經聞到好yum yum🤤😋 ·鮮蝦春卷同叉燒腸份量較少 CP值低 可以試過第二樣

即興去朋友屋企玩～玩完近近地落樓下晚飯！酒樓光猛，地方寬敞，4大人3小朋友，每個小朋友一張bb櫈，仲坐得好鬆動，員工亦好親切。一嚟點左特價小菜清蒸金花尾俾小朋友，$48咋！自己去街市買都冇咁抵！岩岩好熟，都幾滑～另外仲有晚飯孖寶C餐$338：-金裝四式拼盤（燒腩仔，青瓜，燒鵝，叉燒 - 青瓜唔夠凍同淡左啲，燒鵝ok但不是脆皮，叉燒偏甜，燒腩仔不錯但個人唔太鍾意浸住啲汁）-上湯焗美國龍蝦（龍蝦好細隻冇乜肉，伊麵ok)炒菜心-油左啲干燒伊麵-唔算油，味道不錯，要encore下次再嚟玩要試下啲煲仔菜！

夜晚諗住去石門搵野食，搵極都搵唔到位泊車，兜黎兜去都近唔到京端廣場落車，最尾石門村附近泊底左，諗住入到去求其搵間食店就算。入到商場原來鋪頭唔算多，無咩人，店又好似唔多，行行下見到間酒樓德聲，未聽過嗰名，不過酒樓間間差唔多啦，就入去試下。入到去好多枱吉嘅，可能個商場本身都太冷清，但係呢度同商場一樣新開嘅，裝修好新淨，環境幾好，套餐份量好似太多，叫左幾樣菜就算。生炒骨好味，d菠蘿好新鮮，個龍蝦伊麵同魚煲都好味，燒鴨少少油，但ok, 仲比左肶位我，唔錯。實體值得下次再幫襯，下次人多d叫套餐試下

話說上午食咗個超難食嘅早餐，下午茶唯有搵返間有信心嘅嚟補飛，屋企樓下呢間酒樓就啱喇，呢度飲下午茶唔叫乳鴿真係唔得，20.8一隻熱辣辣又好味，去邊度搵呀?加個炒米粉，雖然炒得油咗小小，但好味道嘅 ；煎薄撐唔會好似食麵粉咁；燒賣雖然唔算特別好食但唔差；特別推薦娥姐蒸粉果，唔同潮州粉果咁厚皮，非常好味，一定要食呀!

放假入沙田同婆婆去茶樓嘆番一盅兩件，在碩門商場有間酒樓做緊長者優惠，星期一茶錢兩蚊，見到大部份都是長者來飲茶。炸煎堆仔，熱辣辣好脆口，內裡煙煙韌韌好香甜。叉燒湯瀨粉，一碗份量都幾多叉燒少少瘦，如果半肥瘦就更加好味。蜜汁叉燒包，點心即叫即蒸叉燒包夠軟熟唔會硬皮，叉燒餡料好足。上湯鮮竹卷，上湯湯底清甜仲有幾粒杞子，鮮竹卷餡料新鮮有木耳絲豬肉絲紅蘿蔔絲等。鮮蝦菜苗餃，熱辣辣皮薄餡靚，一籠三件每件都脹卜卜，鮮蝦大隻彈牙好爽甜。

估唔到屋邨仔都會有間咁好食嘅酒樓 因為之前食過所以今次做節都叫家人過嚟石門 食飯餐 估唔到臨近中秋節佢仍然有做特價小菜， 我特別欣賞黃金蟹子粉絲煲 佢個粉絲係用韓國嗰隻粉絲粗條嗰隻 好好味呀 黃金五層肉，係個肉質鞋咗少少但係個醬汁唔錯， 正宗客家窖雞， 呢個好入味，隻雞一D都唔鞋， 另外再叫咗個茄子煲， 茄子煲茄子係冇皮㗎， 豆腐班頭腩，波蘿咕嚕肉 佢係用新鮮菠蘿，酸酸甜甜好好味， 順帶一提酒樓仲未有 酒牌， 如果要飲酒就要自己帶去呀

早兩日接完阿仔放學 同佢玩咗陣就諗住 食晏 點知原來都點半 差唔多到下午茶時間 佢大大聲話要飲茶， 是但啦就同佢飲茶 入到去 招呼都唔錯 見到有小朋友已經即刻問需唔需要bb凳， 跟住坐低睇睇餐牌 乳鴿居然 20蚊一隻 晚市要買成58蚊， 當然唔放過叫一隻再嗌多個炒飯 再叫多一個點心 應該夠曬食 乳鴿非常美味 皮脆肉嫩 我覺得值60蚊 我個仔直情揸住隻脾， 係咁食 炒飯都炒得乾爽唔濕 味道 略嫌鹹咗少少 另外雞紮都好味嘅， 因為人少食唔到其他我應該下次會再幫襯

等咗N年，終於派到老婆最鍾意嘅沙田公屋，仲要喺全新嘅碩門邨，裝修得差不多，返去清潔一吓，清到下午茶時間先醒起未食午餐，落商場搵嘢食，見到酒樓梗係要入去試吓啦，我最愛就係點心，好耐冇食過鮮蝦粉果，皮夠薄，裡面爽口彈牙，好正好正；叉燒腸皮夠薄夠滑，叉燒唔硬份量足；燒賣其實不差，但好多地方都食到好味燒賣，所以唔使介紹；薄撐比起好多好似食麵粉咁又係難得；反而最後老婆見到人食先叫嘅腐皮卷，皮夠熱夠脆，但餡較鹹，唯一失手一樣，冇影相嘅馬拉糕蛋香十足，甜度適中，喺屋企樓下有一間咁好食嘅酒樓，真係好幸運，特別一提，樓面服務態度非常好，個個笑容滿面，真係可以留到客㗎

親友聚餐見面，約去酒樓飲茶食點心，貪其多選擇，今次試試石門新開商場內的酒樓。下午茶時間，食客不多，好多位，夏日炎炎三十多度的氣溫，酒樓冷氣十足，坐下一刻當然舒服，但食物上枱就九秒九凍晒了。食物質素一般，無驚喜，不會令你想下試再來的感覺，看相吧！蘿蔔糕、郊外遊菜 、點心拼盤 ... ... 普通酒樓點心，賣相味道都是合格的。而令我們最有驚喜算是奶黃包，竹炭顏色包面，掃上金色造型，極為吸引，麵包軟軟棉棉，沒有空心殼，滿滿的奶黃饀料，不太甜，值得一試。總括來說，環境坐得舒服，如果為了坐得耐長談話當年，可以再來，侍應服務都不錯，不會趕你走，但如果係識食之人搵好嘢食，德聲可以一試，再試就免啦！因無驚喜吸引！

今晚同老婆阿仔又黎石門食晚飯，試左屋邨入面一間新開的酒樓，門面都幾靚，服務也不錯，侍應姐姐都有禮貌，但食完之後就覺得食物質素麻麻，甚至坦白說有點難吃，很難再回頭。近來食不少燒味，味道都不錯，就是這間的燒味特別例外，油雞鹹及冇肉、叉燒異常乾硬、燒肉皮也很鋼硬、肉也硬，真的不知道如何可以弄得這麼硬。龍蝦伊麵也不太好吃，肉硬及味道單薄，伊麵太淋及太多漿液。今餐唯一能夠咬得動的是這碟雞，一切一撥就能骨肉分離，味道似豉油雞，至於口感方面，我都難分辨出，究竟係叫肉淋，定係叫肉霉。