德興隆

營業中

休息中

幾經辛苦..終於搵到佢係我北角臨走既最後一站..原來起係類似花園街既街鋪後面..係中間行包你見佢唔到..黎度一望..好舊式下...見婆婆係度整梗釀豆腐個度...係懷舊分黎講係有哂~~但我不是為此而黎..試左碟 釀豆腐 5$ 兩件...試左啖係滑既d豆腐..但無味既..肉就真頭唔知有吃過肉類入口..油就夠多隻碟..之後試埋煎豬肉包..呢個係令到ok變貶既主因..事關個包既皮..食到腥腥地...唔知係咪擺左好耐.係鍋入面定咩原因la..而肉就都係中下級數..係我暫時食過最差既生煎包..5$+3.5$ .........

尋日(30-8-2011 Tue)男友放假返o左北角探佢媽媽,橫豎爸爸早已叫佢過o黎飲湯,所以我請佢加啲料o黎,我叫佢去阿鴻小吃買啲o野o黎,佢竟然拒絕,唔知係咪因為上次不快o既經驗.我話咁呢間o既鍋貼,釀豆腐呢?佢就答應.佢買o左半打生鍋貼同四件熟釀豆腐.爸爸將鍋貼煎好,隻隻賬卜卜,大大件.而釀豆腐呢,佢用個發泡膠碗裝,好攪笑地係o岩o岩好擺得晒.好,開餐喇.我先食釀豆腐,豆腐仍滑同好重豆味,而豬肉唔係咁多,係薄薄一片,可惜整體味道較淡,我要蘸豉油食.而鍋貼呢,豬肉餡真係好多,男友話落o左好多五香粉,我記起屋企好似有支醋,於是貪得意攞o黎蘸.價錢方面,男友話唔記得,所以唔知佢o地有冇再加價呢?上次食評: http://www.openrice.com/restaurant/commentdetail.htm?commentid=2163145

六月上旬‧有雨從壹碗麵出來再往東區，中途經過這裡，心想不如吃一碗豆腐花也好。不加糖吃，豆花很滑，沒有什麼豆香，相信如果加了糖就只得甜味。也來一只鍋貼吃一吃，底脆，肉餡鬆軟，也美味。原想只吃一只，誰不知一來就是兩隻。也沒有所謂，說當多吃一點。十一元，不貴，難得是是日也不太熱，始終也回來這個地方。

細細個就已經成日食，果陣同阿媽去街市買餸會黎呢度食d野，順便買呢度d炸豆腐、豆卜大熱天時叫左杯凍豆漿、一碗凍豆花，消暑一流價錢也十分相宜不過呢度d衛生我覺得可以改善一下......

一間在我補習前的外賣首選一碗大豆花加糖, 一個牛肉包, 一隻鍋貼5年前, 老師果陣介紹我地食呢間既豆花, 係老字號由佢舖頭格局到整野食既籠到佢既食物品質都令我好似返左幾十年前咁佢既豆花係可以一片片咁片嚟食, 唔會碎, 即使落左糖都好有大豆既味道, 超級滑牛肉包好香, 個包底煎得好令, 金黃色, 即使我行15分中先左食都唔會林左鍋貼雖然係油, 但佢食落好爽, 唔會有油癡住個咀, 皮喏喏好厚度仲要廿蚊有找都食到你飽我極力推介!!今次係個好老彎晒腰既婆婆幫我執野食同外賣, 突然間覺得好warm無論外賣, 或同三幾個老友吹水吃小食, 或掃街, 呢間都係個好選擇!

今天是星期三,十一點半到了,因為平日又早的關係,去到冇咩客人,仲有陣唔係幾好聞既味.....唔知關鄰近街市/豬肉檔的關係定係佢本身間野既味(?)對於冇試新野有熱誠的人士,更可能會卻步!但我黎得搵食,當然冇所謂,只要佢既食物有質素的話...而且我反而覺得好有老香港的感覺,相當有風味!拎野食俾客人既都係上左年紀既婆婆,睇黎已經做左二十年以上....今次我地點左三碗豆花,六隻鍋貼,兩個煎豬肉包,一個牛肉包,煎釀豆腐.但最後我再追加一碗凍豆花,因為覺得D包煎得幾熱氣,個底係燶底..食兩個包,幾隻鍋貼都幾熱氣....所以想食多個凍冰冰的豆花..''感覺上''清清熱氣坐位近廚房,仲影到師傅傳統整豆花的過程! 整體OK既,但味道有點普通,沒想像中的出色.鍋貼唔夠肉汁,有點乾 ; 外皮夠厚,有咬口,Good!招牌豆花比出面食開的(口感明顯不同較實),牆壁上掛著''小心傳播肺癆''的宣傳....可見此店歷史悠久.

日(17-4-2011 Sun)朝o係男友北角家起身後,就拿拿淋由佢帶路搵呢間o野食,好快,我o地就搵到喇,但真係要小心睇,一不留神真係行過o左.可能已經唔早,所以唔係咁多人,我o地坐低後,決定樣樣都叫.1. 先o黎每隻$2.50o既鍋貼四隻嘩!個底好夠燶,上面都有微焦,似係我細個時食到o個種鍋貼,食喇食喇,熱騰騰,豬肉餡多,我重唔覺食到’咇’o左啲肉汁出o黎,真係好多汁o架.呢個就係我細個時食o個種,同上次o係皇之家大姊小籠包食o既真係好大分別.食評: http://www.openrice.com/restaurant/commentdetail.htm?commentid=2160419一於買啲返屋企畀爸爸食,因為佢都好鍾意食燶鍋貼,不過我買生o既返去自己煎.味道: 5分2. $3.50o既生煎豬肉包呢個size唔係好大個,直徑同一個插蘇差唔多啦,男友食o左一半畀我.呢個個底同樣係煎燶,豬肉餡唔太多,皮厚o左啲,感覺冇咁好.味道: .3.3分3. $3.50o既生煎牛肉包呢個比豬肉包大隻啲,而且底面都有煎過,皮唔厚,餡就自然多啲.但我食到餡有啲豬油膏味,牛肉味唔係好食得出.味道:

朋友一直都同我講話北角有間豆花好正!一直都想試下!今日終於有機會食到;D果然真係好好食!一去到已經FEEL到果種真正懷舊既感覺真係好開心!畢竟香港真係愈黎愈少呢類老鋪!唉!嗌左豆花同鍋貼!2樣都冇令我失望!豆花 我嗌左凍都好滑 我真係想像唔到熱會滑成點..^^鍋貼 都唔錯 煎得岩岩好 饀肉都好有味好滿 不過我覺得D皮有D厚..聽朋友講呢間D豆花豆漿 重係用緊石磨 真係好好^^食食下 隔離台見我影緊相 仲一齊吹下水 呢d老鋪先有既人情味^^問左老細 原來呢度係1955年開家啦! 56年啦! 真係希望佢唔好執!!撐住啊!!個個都話係由細食到你大家!!

細細個係北角讀幼稚園，日日都去食咁濟，後來搬左入新界，都冇機會過黎呢邊。撞岩十幾年後經過，好開心仲係度。入到去叫左個凍豆花，滑！跟住叫左六隻鍋貼，大個女咀till左都仲係覺得好好味，哈哈！真係每次黎北角都要去懷舊下。

想食鍋貼，早年其實幫襯過，不過唔係出爐時，水準一般，今次再行過，遇到出爐，坐低食返件。鍋貼剛出爐，熱辣辣，底部香脆，豬肉餡亦好食，剛出爐版本跟放涼版差距好大，食鍋貼，要食出爐。要埋豆腐花，豆味淡淡夠哂嫩滑，很有水準。叫有煎豆腐，應該也不錯，下次可以試下。鍋貼$2.5，豆腐花$7，幾抵食。

朝早做完o野，由西環落北角，心血來潮去「德興隆」真係好鐘意佢咁懷懷懷懷懷懷舊o既感覺，香港呢類舊式舖真係買少見少。一個人叫o左豆腐花 (hk$ 7) + 鍋貼4隻 (hk$2.5@) + 煎釀豆腐2件 (hk$ 5/碟)價錢：抵!熱度：鍋貼新鮮出爐，個底煎到脆卜卜! 餡料適中，醒在咬落去汁夠多，正! 煎釀豆腐：豆腐超厚身，交足貨! 掂!!如果我係住樓上，我應該會日日都去食番餐

鍋貼好多肉汁豆腐花好鮮甜店面的豆腐比出面的貴...但好特別應該少D石膏粉多D豆。個環境好懷舊(因為真係舊...)整體唔抵食時不時去食下都可以滿足一下自己的食慾。

有時要食個簡單的下午茶,不用住茶餐廳,一杯豆漿一個牛肉包或是鍋貼己是很滿足. 以前這些店子總有一間在附近.但現時少油主意時代就日漸消失... 豆腐花夠熱但不大香...源頭的問題吧...黃豆也真的貴了多少倍但食味就不知剩了多少成.再要多個包,食包包食飽,是一個以住的價值...今天要食不厭精...但真係？ 有時粗中帶幼你又睇到無？包皮係厚,唔係鬼夠你飽,但中身的牛肉雖少但味道真的好,香香滑滑的...最迷惑的是上海式豆板醬不見了.換來潮式辣油？anyway 如果天馬有金針奬,這家己是終身成就奬了. 最後先來個早年拜...祝餐餐有食神

昨天晚飯時被邀請到今早的茶局，一如以往都會早一點到達餐廳附近，除了時間可以充裕一點之外，其實是可讓自己在附近找找小食。 記憶所及，在鳳城附近的街市之內，那差不多僅存的平底大煎鑊和那滑溜的豆腐花，我們也不用多想便憑著記憶在街角中走著。慶幸的是自己記憶還好之餘，店內也跟兩年前仍是一樣，那殘舊的檯櫈，狹窄的空間，每次走進來又是一次的時光倒流。才剛坐下不久便發現煎品剛好完成出爐，滿心歡喜之下要了數隻窩貼跟煎牛肉包。牛肉包肉汁濃而帶著點點冬菜味道，底跟頂部都煎得香脆，跟坊間的先蒸後略煎做法，好吃不至數倍以上..窩貼也是生煎如牛肉包般，貼內充滿著味帶甜的肉汁，加上點點的豬肉油香，鬆脆的底部，這樣的製作那有不好吃的理由﹖最後的豆腐花味道仍舊，有淡淡豆香而口感非常順滑，也只有是熱的才會有如此口感雖不能說但凡舊店出品便一定遠勝新店，不過現在還是有很多舊店有著水準隱定的食物，這樣的店比其他花巧餐廳，更能在劇烈遙`競爭之下繼續生存。話雖如此，各食友也要以行動來支持這些誠意小店，否則將來消失了才來後悔也為時以晚.....

一個凍豆腐花 一個熱豆腐花都好好味....好香豆味不過熱ge就比較滑凍ge佢會幫你加埋糖水, 唔要ge要同佢講呀姐幾nice, 下次要黎try埋鍋貼同埋包!!!!