德興魚蛋公司

營業中

休息中

上星期六家中有打邊爐聚會，聞說此店要排隊購買的，特登到此光顧，不用排隊，滿心歡喜，買了手打魚旦，炸魚角各－斤，２包炸魚骨，合其＄310,其實頗貴，120元—斤諗住好吃的話没所謂啦，滿心歡喜買到名物，極力推薦大家先試，突有家人大叫炸魚角好咸呀並吐出，以為他誇張，怎知其他人亦同－反應大叫，本人本身都食得咸的也頂唔順。至於魚旦還可以，魚骨夠脆反而沒有咸味。總結係失望，價錢貴，質素—般，不會再幫襯。

新春將至，德興現推出一些特別的應節食品「氹仔手打魚旦」及「發財魚旦」；如沒有預訂，可看看可還有存貨，購買多少隨意，更可像我每樣只要了四粒，老闆娘也沒有黑面，還有說有笑，抵讚。前者以髮菜和魚旦平均撈勻，口感爽彈又帶有陣陣髮菜香味，不錯；後者是釀入冬菇及蟹柳在魚旦當中，吃時帶有陣陣冬菇香味，好看又特別，末試過的不妨一試。當然少不了我至愛的炸魚骨，酥脆香口，一試難忘。#炸魚骨 $35#發財魚旦 #氹仔手打魚旦 #過年應節食品只供應到1月31日#德興魚蛋公司 地址: 九龍城福佬村道76號地舖電話: 23820646

之前見都有個Blogger介紹德興既炸魚骨，所以有日出去九龍城剪頭髮嘅時候，就順便去睇睇。我一去到嘅時候咁岩有個阿叔買緊炸魚骨，我就順勢話我都要。一包魚骨好似$3x，返到屋企即刻開黎食，超級酥脆，又香魚味，我食到第二日依然酥脆，超級無敵推介！下次有買夠兩包先夠皮😂😂

諗住去開九龍城，試吓買啲魚片頭，門口貼晒明星外買相，諗住點難食都唔會太差，點知係失望沒水準，超難食的魚片頭，鹹，肉質好鞋，沒有魚味，真係忍唔住先至想寫啲段嘢，希望只係我好彩

對於德興，簡直相逢恨晚啊🔥以往𝚅𝚒𝚎𝚗𝚗都會喺旺角冷巷買 #炸魚皮 #炸魚骨，自從師傅退休冇做，就轉戰德興❤️ ⚠️#炸魚皮魚骨 （每人限買3包）⚠️➰非常薄粉，而且炸到d骨係「無牙🦷婆婆」都食到‼️埋位打邊爐之前口痕當小食食又得，打邊邊放落湯浸吓亦都得，「得咗」！➰個人比較中意食魚骨，家姐仔就2款都中意～ 🍢#手打潮或魚旦🍢 ➰每次都會買，建議即買即日食‼️雖然話可以2日內食，但感覺鮮味差咗如果大家都係搵緊間，粉薄、炸得香脆、唔薄chitchit嘅魚骨咁就要試啦！星期六去要排幾間鋪位🙈🙉 另外炸魚骨都有分時間出爐～敬請留意🙏🏼🍢德興魚蛋公司 (九龍城)📍九龍城福佬村道76號地舖

難得去到九龍城，聽朋友介紹，買了一份有骨魚皮（$30）。由於此店不是堂食店，原本打算幫襯隔幾間舖既魚旦粉麵舖，可惜又排長龍，所以全部叫買外賣回家開心share。第一次食，感覺有魚骨的比一般無骨魚旦硬，有鮮魚味又好有口感，浸一下湯汁先食一流。小小淋，又趣趣地！另外買左一條新鮮魚旦，比阿媽炒餸用，好香魚味，食剩少少，第二日下午屋企煮麵食，不錯👍對面街舖荳品，就快光榮結業...希望剩下既老舖能不被時代取代😢保留下來。

經常搞亂這店和德昌魚蛋粉，以為是同一店，但兩間都幫襯過又看來互不干。都有好一陣子沒來買，因要去城南道買泰國雜貨，所以就順道來。買了一大堆。推薦必買：炸魚骨、炸魚皮比較少有店舖有售的炸魚骨，脆得咬起來咔嗞咔嗞聲，滿足慾又可補鈣；吃過好多間店的炸魚皮，要數這店最香脆、沒腥味、魚皮像黃油不泛白、不油膩，拿著吃會舔指尖；魚角、黃魚蛋：夠彈不會一口麵粉除，保留魚鮮味，而且黃皮邊厚實有質感；牛肉：搭檔買，未算最出色，牛味未夠濃，未及在旺角街市某潮州牛丸汁多牛味濃得連不吃牛丸也愛上。