影片
去荷里活睇戲諗住先食個快飯，於是就去咗采頤花園覓食。見到呢間有得食牛雜麵就入咗去，因為已經好耐冇食過><講返個麵，有腩汁係基本。冇咩鹼水味唔使落醋（但我個人prefer多啲鹼水味）。牛雜料有啲少。如果係唔肚餓嘅可以嚟食。但係市面上相信仲有好多整牛雜麵比佢出色嘅麵舖。
繼續閱讀
星期二晚上，我在「銅鑼灣」的茶餐廳裡面，食完套餐「咖喱牛腩飯」配甜味感覺過分濃厚，一直適應不到的飲品「凍菜蜜」，再加生炸雞髀食品作為結尾。之後我馬上趕回「銅鑼灣」港鐵站，儘快坐車返回「鑽石山」站，然後馬不停蹄，徒步前往小巴總站，跟小巴站旁邊的「采頤花園」和商店街去。其實我本來是想光顧「采頤花園」商店街裡面，某間以手拉「腸粉」小食食品作為招牌菜的小食店，作為我的宵夜。可惜我坐車回來「采頤花園」的時候，「腸粉」小食店已經宣布關門打烊休息了。所以我只好光顧旁邊的粉麵店「德記粉麵牛什專家」，簡簡單單食碗「牛腩河」作為宵夜食品，食完之後後才乘搭專綫小巴返回「西貢」。「德記粉麵牛什專家」廚房製作的「牛腩河」，我在「河粉」實際製成品裡面，發現到還有一條未完全被拆開，闊度頗大，厚度也頗大的「河粉」。至於未被「德記粉麵牛什專家」完全拆開的「河粉」實際口感，讀者看到這裡當然一早已經預料到，就是被「牛腩河」湯底浸過一會兒，「河粉」質感仍然堅韌，沒有變腍和斷裂跌下來的跡象。至於「牛腩河」裡面有「牛腩」，「牛腩」口感相對比較爽脆，所以我覺得「德記粉麵牛什專家」廚房選用「爽腩」，作為「牛腩河」裡面的「牛腩」實際材料。所以「德記粉麵牛什專家」廚房製造的「牛腩河」，雖然「河粉」麵條粗幼程度稍嫌不一，口感未算最幼滑，但是「牛腩」的口感反而比「河粉」爽口得多。至於「牛腩河」裡面的湯底，湯底呈現比較深的褐色，感覺有點像使用鹹味和甜味都相對比較濃厚的「腩汁」，所以「牛腩河」實際製成品味道偏向濃厚，有很明顯易見的甜味跟鹹味。而且「德記粉麵牛什專家」製造的「牛腩河」實際售價不算非常昂貴，只需要港幣三十元就可以有交易。如果不是旁邊「新蒲崗」也有不少潮州粉麵店的話，「德記粉麵牛什專家」其實還可以繼續幫襯的。
繼續閱讀
叫左碗魚蛋米，魚蛋魚片好腥，腥到食唔落口，好似唔多新鮮；米粉又「鞋」又粗，一食就知係cheap貨。成碗粉根本係垃圾，仲要唔平，唔會再幫襯。態度差，黑口黑面，見職員好惡鬧個等外賣嘅客，叫佢唔好阻住條路。
繼續閱讀
從不曾踏足於新蒲崗的彩頤花園，這天因事來到附近，誤闖彩頤，竟然「迷失太空」，在這地方偌大的屋苑中迷失了方向。因為這天的午飯吃得不是太飽的關係，在成為迷途羔羊的時候，肚子裡已在不斷呼喚需要吃點東西頂頂肚。見這裡有間號稱粉麵牛什專家的「德記」，正好入內吃碗「牛什河」，好讓飢餓的肚子得到飽足，不再呼喊。這間絕對是做街坊生意的港式粉麵店陳設是意想得到的簡單，不過都算乾乾淨淨。叫來的「牛什河」，湯頭一般，是有點甜味，但不濃郁。牛什中最多的是牛腸，切得細細的牛腸大概有四件之多，牛肚也有三兩件，至於牛肺與牛膀，也各有一小件。所有的牛什雖還有點味道，同樣未夠濃郁，有欠精彩，不過在飢腸轆轆之下，可是什麼也覺得好味呢！$18 一碗的「牛什河」，加多支 $4 的細可樂，成為了這一頓純粹要來醫肚的下午茶。始終是在誤打誤撞下臨時拿來醫肚的食品，即使下一次自己再次踏足彩頤，相信也不會再次幫襯這一間水準只是普通的食店，就算要試，也會試試其他的地方了。
繼續閱讀
夜晚有事去咗新蒲崗采頤花園個邊,諗住先食少少嘢,諗嚟諗去都唔知食乜好,最後選擇咗好耐冇食過既「德記粉麵牛什専家」買碗外賣。由於已經太耐冇食過, 所以已經完全唔記得咗咩價錢,埋到去先諗想食牛腩....... 同埋雲吞.................. 配咩粉麵好呢?於是問下個唔知老闆定職員啦!點知問完等咗近十秒佢都冇應我囉!!! 要我再問多次!!!(當然佢同我差一個身位咋! 所以冇可能聽唔到!!)問第二次: 「有冇米線呢?」佢先好唔耐煩咁答:「冇呀!」「咁有咩呢?」再等咗三數秒先又晦晦氣氣咁答:「咪河粉、米粉、麵囉!!」嘩! 咩事呀! 咁既態度既??? 唔想做生意咪出聲囉!!但當然既情況佢唔算好忙架咋! 都係企係度等嘢做咋喎!都算啦! 我落完order, 聽到佢幫我同個負責煮嘢食既男人再落order,但可能聽唔慣佢哋既落order 方式, 聽到佢淨係講「牛腩河」,我就問:「仲有雲吞喎。」(當時我既語氣好有禮貌架!)點知佢答:「咪叫咗囉! 雲吞丫嘛!」「..........................」等咗近十分鐘, 先輪到整我個碗, 但係我又睇唔到佢原來有幫我煮雲呑, 係連埋啲河粉一齊煮,然後又一齊倒落個外賣碗度, 我以為冇加度,再問:「加雲吞喎!」(當時語氣仍然好有禮架!)點知......... 佢有少少發脾氣咁答:「咩呀! 雲吞丫嘛! 咪加咗囉! 十八蚊啦!」「..............................」之後佢由收錢到找錢既語氣都係好惡劣!! 大佬呀! 我叫既係外賣, 如果真係整錯咗, 拎咗噃去就冇得追啦!咁唔問清楚又點得呢??!! 佢啲態度真係超惡劣, 以後都唔會再幫襯囉!!至於佢啲食物, 普普通通啦! 唔太差, 亦唔見到好好食, 太細碗, 啲牛腩比較少同多肥, 雲吞又只得兩粒較少size 既, 菜都係求其加兩條白菜仔, 唯一個湯底比較ok,但咁既服務態度, 以後都咪駛指意我會再幫襯!!!
繼續閱讀