德記茶餐廳

營業中

休息中

乾炒牛河色香味俱全👍🏻真好食，係估唔到所以冇影相，食到隻碟全白😂😂😂事頭婆好開心😁，另外過兩日去食佢沙薑雞翼，佢係兩三餸飯嘅其中一個菜式，有汁😋我亦食過一個白汁雞皇意粉，又係清碟，隱世小店👍🏻, 仲要$50👍🏻想點😂我喺上環返工，有食堂了🥰👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻👍🏻

12:30打電話去叫外賣，打左幾次都無人聽，13:00鐘去到餐廳落單，等左半個鐘都未有得拎。個個企哂在門口等，出餐又唔係順序咁出。樓面就得一個姐姐，乜都係佢做。到後面有個阿叔幫手拎外賣出黎野食質素對得住個價錢，$42兩餸飯連熱飲。雞翼好乾，唔好食個牛尾ok但我食果陣已經好肚餓。對於兩餸飯我expect係食快飯，食物質素，員工禮貌果d唔會理，但真係無諗過要等咁耐，得一個鐘食飯時間既打工仔唔好叫呢間。

之前都嗌過 又係等好耐 仲要冇比餐具 啲野食.. 不過不失啦 今日經過 見餐牌幾吸引 諗住上次咁岩姐 咪再試下叫左蝦米節瓜粉絲 同老干媽野菌豚肉 $41.. 幾抵點知等左10分鐘又10分鐘 都未到我 門口仲愈黎愈多人等我開始唔耐煩 同個呀叔講等左好耐 點知比佢當透明終於等到有餐 返到office 一打開 火都黎上次冇比餐具 都算 當你年紀大 執漏野正常 我可以問同事借今次比左人地個盒餸我 豆卜排骨 另一樣係雞黎 又係骨想知佢係咪合埋眼 見廚房出餐 求其放落袋到就算總結: 等左咁耐 仲要比錯餐 火都黎 有興趣訓練耐性可以幫襯

今日去到上環食，一般般，可以食得落肚既普通茶記今日去左上環呢間德記茶餐廳，叫左份兩餸飯外賣比自己拎番Office，今日點左份豆卜腩肉同埋一份菜，啲腩肉有小小鹹，豆卜幾爽口，都唔錯，味道正常吧，作為一間典型既茶記，過得去，主要係貪佢平（應該都好難係上環 / 中環搵到間係平過佢），$40既兩餸飯包埋湯都算幾豐富，適合經濟能力沒那麼高的食客去食！

德記茶餐廳，佢每個禮拜既餐單都唔一樣，今日啲餸特別吸引！有椒鹽雞翼、土魷蒸肉餅同埋芹菜炒牛肉，全部都係我最鐘意食既野。雞翼脆扑扑而且好重椒鹽味，肉餅新鮮，牛肉鑊氣好重，正！而三個餸，一湯都只係50蚊！所以去德記食，最緊要問佢拎下個禮拜既餐單，因為好唔好食真係睇佢果日有啲咩野食。建議打定電話去落單，去到就即刻有得拎！如果平時忙既話，去到先至買既話，可能要等到搭五先拎到飯，拎到番去都已經搭七！

今日午餐又再去德記茶餐廳試多次佢其他既餸菜，叫左個豆卜腩片、台灣三杯雞、炒油麥菜，送埋例湯，都只係五十蚊，都真係算係咁，餸菜方面就冇咩特別，豆卜腩片有小小過鹹，都係果句，有果類食物應有既味道，That's all，但如果作為頹飯餐黎講係幾合適！

今日夜晚收工去左呢間德記茶餐廳叫左個晚餐，三送飯，有雲耳蒸雞、咖哩牛腩同埋菜心，味道麻麻，真係每樣送都靜係得佢果樣食物既味道，不過都合理既，四五十蚊又送例湯，都係咁上下呢個價錢架喇，適合經濟能力冇咁好既打工仔每日番工放工去食，我偶爾想食下頹飯既時候，都會走去買一餐，求其醫下肚當飽左就算！環境同埋服務都係好似老式茶記咁，都唔可以有啲咩要求架喇。記住要打電話提早去落單，佢果度成日都調亂啲客既飯盒或者訂單，可能係太多人買。

🎈環境一間小小店，當時未夠12點，已經有人在堂食和外賣，於是打算試下。我本叫了台式三杯雞，老闆娘話可叫兩餸，於是我叫埋涼瓜叉燒炒蛋，初以為兩餸包埋湯都只係$40，仲以為質素同份量會因價就貨，竟然完全意外驚喜💖💖👍👍.🎈餐牌午餐堂食$42，外賣$40，兩餸一湯。另有焗類及炒粉麵。.🎈食物👉兩餸一湯午餐 $40⭐️⭐️⭐️⭐️⭐️.👇涼瓜叉燒炒蛋及台式三杯雞、白飯、中湯 $40.👇湯似無味精，湯渣真材實料，有花生、眉豆、排骨等。.👇涼瓜叉燒炒蛋及台式三杯雞⭐️⭐️⭐️⭐️⭐️首先餸的份量我意外，通常飯多餸少，尤其$40咁平，竟然仲有兩餸，足量。再講味道，都十分驚訝係好食嘅😋😋三杯雞係堅有三杯雞嗰種特別惹香味，有埋香葉！而涼瓜叉燒炒蛋亦足料兼好味，讚。.🎈總結✅好味✅抵食 ($40兩餸一湯外賣或$42堂食)✅足料足量.超讚，一定再去，推介👍💖