心燒食堂

營業中

休息中

以下跟據上菜的次序排列:涼拌山葵牛脷 ♥♥♥♥ 不知為何有種熟悉的中菜味，白醋蒜粒芝麻蔥花還真是經典的頭盤味道。山葵是比較不同的地方，重要是牛舌很脆，口感非常好。脆炸酥粟米金磚 ♥♥♥♥ 想像不到怎樣砌成磚，誰知道是從整條開始切下一大塊上粉炸。完粒粟米特別甜，新鮮炸起再撒點椒鹽，新奇又好食。南蠻炸雞 ♥♥♥♥♥ 極品除了滑嫩熱辣辣真的沒什麼好形容，畢竟誰也知道怎樣是好的炸雞。不太記得南蠻沾什麼醬，不過這碟就有點像稀釋了的千島醬。燒豚肉葡萄卷 ♥♥♥ 剛好我吃中的那顆是酸提，好好地中和了燒肉的油膩，肉汁很多不會乾，不過我認為還是夾荔枝的話味道更好。薑蔥煎蠔 ♥♥♥♥ 一看到覺得蠔真心大隻，外表爆得很香脆，入口有薑味，淡淡肉又唔腥。通常見到蔥都會好開心，但這款就因為生而超級辣。心燒龍串鳳(蝦仁釀雞翼) ♥♥ 樣子看起來很飽滿，也塞了很多隻蝦乾在內，只是本來就乾身再加上都出了味，就顯得不太好食。月見海膽飯 ♥♥♥♥ 看相以為正常size但來到才知道是迷你碗，明顯不夠分。但除了份量外，海膽味道香濃嫩滑鮮甜，非常不錯。燒芝士年糕餅 ♥♥♥ 與平常炸的那種不一樣，可能是焗的，外皮比較鬆脆。內裡當然

朋友們早看中這店要來試 就預早打去訂枱了佔地2層的食店 原以為很大， 原來大廈平面面積並不大 店子上層做成一個細小的open area有數張枱與bar枱 下層就是廚房與間成幾個能聯天嘈吵的獨立小角落枱上有個鈴為方便大家叫哥哥姐姐下單時趣事2味先上。。本以為這份menu點完餐 會給回我們加單用，給店員下單前拍照還被店員說”陣間會比返你” 😩 那知到賣單我都跟它完全沒緣份 一面也沒再見過了😭另外還有一張很大張的drink menu 有酒有汽有沒汽飲品供選擇 那知我們問要幾杯水時 有趣的店哥哥賜我們一句 其實我們飲品可叫的 這一秒我真的以為自己沒水飲要喝死呢。。😅廢話完了 來看主角吧。。牛脷 蒜頭味比山葵味更濃 但牛脷口感不錯粟米大愛 甜！ 估唔倒可以咁整！豚肉提子 提子是重點 (哈哈 好像有點錯？！)蝦乾雞翼 真係估佢唔倒 人生總要試一次 XD韓式雞 相對其他 是還可以的啦燒年糕 本就愛吃 外脆內軟 天呀！ 每隻蠔都好大隻！ 究竟我是不是在日式餐廳 火候找到剛好！這個。。 蛋蛋海膽飯必食！ 滑滑香香甜甜 什麼也不加就2秒被ko了 菠蘿好食！ 甜甜酸酸脆脆 詞窮。。炒麵如果能乾多一點 再撈蛋

早兩日已訂位， 今日8:30pm去食， 叫了$98海膽飯， 心燒炒麵和芝士年糕，嘩， 第一，海膽飯勁新鮮，滿滿的幸福感。心燒炒麵好香夠熱，好好味，高水準。第三，芝士年糕都好正。老闆和服務員都好友善，很滿意的一餐飯，非常推薦！

Came here with a group of friends to celebrate her birthday, the food is okay but the price is around 700 HKD per head. Not only they kept coming in telling us to leave using different ways...they kept missing our orders too..definitely not coming back and there are so many better options around...

每隔一排就會去試一次，佢每期都有啲特別嘅嘢食，例如最近就有呢個海膽拖羅飯，個名叫「頑張拖羅飯」，簡寫係「還拖」，好搞笑。叫咗好多嘢食，因為樣樣都想試，爭啲食唔哂🙈🙈首先係杯飲品，我叫咗芒果smoothie 因為唔飲得酒既關係，估唔到都幾大杯，而且幾好飲。帶子刺身就麻麻地，唔知係咪呢排天氣都普通，略嫌唔夠鮮味。炸蠔好食，一咬落去就爆汁，好juicy 好甜。雞軟骨一貫地好食。可樂餅都做得唔錯。呢個蘿蔔牛腩要點名讚一讚，好入味，蘿蔔好甜。串燒又係好食。基本上呢度叫乜都唔會伏，又開得夜！推介串燒愛好者去試。

食過一次，覺得食物質素幾好，但今次再去，竟然係公司服務好有問題，食都冇得食！嬲到要起account講！事源我地有訂枱，去到竟然發生間野overbooked, 同第二班都係等緊既人呆等左幾個字，最後逼我地人齊果枱先入得，幾時有哩個要求架？點逼人五分鐘內就趕到？最後決定唔食，係以後都唔食間野！服務有問題！

星期五晚同男朋友出街搵食🍽呢段時間成日都見到心燒食堂既廣告，好啦，咁就一於黎試下啦！好彩早兩日就訂左位，因為去到既時候已經成場full曬🤭 環境呢方面需要講下，每張檯都貼到好埋，地方小搞到出入唔方便。我地兩人檯還好，但見到隔離卡位有檯六個人，竟然係坐張四人卡位😥 望到都覺得逼！➡️點餐佢係用一張大餐紙比食客自己剔要食啲咩，每樣菜旁邊都有兩個格仔，預你第二次點餐既時候可以重用。咁係環保啲既，但係就令到點餐既過程複雜左，而且容易出現漏單既情況😪 我地點左兩次餐，有四五樣野係漏單，去到我地差唔多埋單既時候佢先幫我地跟進。➡️食物質素大部分都還可以，比較好食既係燒牛舌芯！但我認為價錢訂有啲太貴啦，每碟既份量又唔係多。性價比唔係好高！

心燒食堂一定係我最鍾意既餐廳（沒有之一）。一來私隱度高，樓上舖唔會有人偷睇你，二來啲野食真係超好味！堅係超好味！最搞笑係，老闆超親民，又吹得，完全感受到佢個種想做開一間餐廳既熱誠！加油呀！

見到朋友是這𥚃的常客，每次見她臉書上的食物相都勁吸引，我自己又好喜歡日式串燒，於是便相約一班朋友去試試。不知道是否因為我朋友是熟客的關係，Overall 餐廳服務很好👍🏻。我們四人共叫了差不多近二十款食物，大部分都很美味。當中那個爆膽丼實在很impressive! 雖然$98只是一個細碗的份量，但面頭密密的鋪滿creamy海膽再加上一隻日本蛋，食落美味之餘係都會有DD膩，所以兩人分享一碗都有其用意，可以留有空間試其他菜色。串燒牛舌、白鱔丶豚肉葡萄丶芝士年糕丶尤魚丶菠蘿等都好味，但下次再來我還是要再吃那價性比極高的爆膽丼😍😍😍

無論份量和質量都係滿分的海膽丼，都能夠滿足到海膽迷的慾望,飯的份量剛剛好，海膽新鮮，食到停唔到，一啖接一啖，二分鐘就食哂！個特制海螺🐚都係必食！已經第二次來食飯，老闆很好客，環境衛生各方面都十分講究，記得留意下洗手間果對對聯，超攪笑🤪

因為網上一個廣告 慕名而黎 $98 一個極上海膽丼! 睇到張相真係比佢牽動住呀,二話不說即刻狗衝去試下! 現實同理想永遠都係差D, 但亦都無失望, 海膽無論口感同味道都唔錯,其他食物價錢上有少少貴, 地方又少少窄 牛舌串燒同燒雞翼我都會比滿分, 加埋牛肉丼 我發覺我真係好鍾意食日本菜! 基本上呢幾樣野我一定會嗌! 呢間餐廳亦都無令我失望! 朋友都大讚! 呢到既野食! 下次會再黎! 希望海膽又會再有Promotion啦!! 

再挑戰爆膽丼！今次試埋多款式嘅燒物🤔兩個人一個丼 三款燒物share整體覺得偏貴 份量唔多🤥本身食咗少少嘢 如果唔係咁樣一定唔夠飽不過睇吓味道如何先🤤照舊爆膽丼 keep到水準韓國馬糞海膽好新鮮 幾甜🥰份量算多 每啖飲都可以有海膽夾埋食同樣唔駛豉油都夠味一串有5粒 每人兩粒真係太少豚肉片包住一粒提子 覺得配搭幾新穎🤔燒肉原本較油 提子甜味同汁可以中和啲油膩感幾得意 提子仲要係去咗皮 幾細心🤓味道ok 不過性價比唔夠高 有點貴一串有兩舊 望落都幾厚肉 幾吸引肉質彈牙 沾滿燒汁一齊食 好味！燒過嘅皮都係重點🤩店員推介嘅 真係唔錯 不過如果份量多多少少就好了🤤海鮮嚟講價錢都算係接受嘅蟹蓋上有一堆蟹籽 撈埋下面預先撈好嘅蟹肉蟹籽令蟹肉多一種質感 無咁單調蟹肉都算多同幾甜真係原個松葉蟹蓋 唔係得啲肉係個多士雖然係配料 但烘得唔脆🤧感覺似平時啲方包係咁依烘一烘 或者係放得太耐淋咗🤢如果係脆卜卜好似法包咁 加埋蟹肉應該好好多燒物種類多 可以再發掘吓邊啲較出色見人地仲有叫個煮物嘅花蛤 又係店員推介好似都唔錯 可以試試！

留意⚠️⚠️⚠️（轉載自心燒食堂Facebook專頁）爆膽丼$98優惠價除星期五外供應（暫至31/3）只供前一天或之前訂座及主動提出預訂爆膽丼的客人2-3位可預訂一客爆膽丼；4-6位可點選兩客，之後逢三進一，如此類推。✅ 牛肉餅多肉汁🐄 雖然價錢偏貴但味道唔錯 ✅ 葡萄豬串並唔係真正既葡萄豬 而係一塊薄既燒豬腩肉包住一粒葡萄🍇 最岩中意油脂口感但係又怕肥既人士😆❔ 海膽飯雖然我地係用優惠價食 但都真係幾迷你 而且海膽唔係話特別新鮮❌ 當日唔太肚餓 只係點左飯+兩樣小食 店員仍然輪流推銷🤦🏻‍♀🤦🏻‍♂👅Taste：3.5/5💰CP值：3/5🙋🏻‍♂Service：2.5/5👁‍🗨Stylishness：3/5

因為網上宣傳嘅$98爆膽丼先認識呢間食堂想試嘅話記住前一日book位同講埋預留個丼！兩個人可以嗌一碗 另外再叫其他小食share🤪地點都幾方便 出銅鑼灣地鐵站行1分鐘就到大廈有好多燒物同煮物選擇呢個用咗好多薑蔥煎 啲蠔好入味蠔好大隻 煎完都無縮到好細啖啖肉 幾juicy🤩爆膽丼應該好細碗 好肚餓所以嗌多個飯好大pat黑松露 撈勻都仲有好大陣黑松露味蟹肉就一般 個飯都有少少太淋$98成碗海膽嚟講 雖然唔係好多碗 但都算係咁用咗韓國馬糞海膽 好甜無澀味🤩仲有大大隻蛋黃 我就用嚟撈飯 海膽都係一舊舊咁食好啲其實都已經夠味 唔駛落豉油係一款由Kakubin whisky加soda water嘅飲品唔難沖 味道應該都間間無咩分別🤪

同左家姐去食串燒😋一上到去覺得幾靚，而且唔算多人，所以坐得幾舒服，寧靜ge環境比我地傾計🍻我哋兩個人都叫咗好多嘢食呀🤣因為咩都想食～必食香脆芝麻雞翼好好味😋必食心燒治雞肉棒，整得好有層次，食完一啖知道先，再點埋個蛋會仲好食👍👍必食溫泉蛋香蔥拌飯，一嚟到賣相已經很吸引，而且佢熱辣辣拎到黎，已經好好味👍👍燒魷魚筒，但係唔算大條，不過都好味，送酒一流必食牛舌，次次食都會叫牛舌😋必食燒菠蘿，燒完出嚟嘅果肉好香甜必食芝士年糕，燒完芝士年糕好香，而且溶咗d芝士簡直一流，個人喜歡鍾意加啲砂糖落去食，有另一番風味😆最後叫到成枱都係，影相都影唔晒🤣呢間串燒雖然價錢唔算平，但係質素好食，而且好多都好好食😆