必勝客

營業中

休息中

打電話去Pizza Hut度問一個超級至尊咩價錢，因為見到OpenRice有做特價買一送一catalog，問個女店員，個女店員回覆199之後想問吓佢係咪做緊買一送一，佢嘅答案即係一句答我，公司就唔會有啦，你有本事就喺OpenRice訂啦：

平時好少會叫Pizza Hut 既外賣，話說之前食唔倒 Pizza Hut 嘅榴心放題，今晚忍唔住要叫外賣，重點當然係試下榴槤類食品質素如何。點左1個至尊迷你批跟迷你腸配薯角餐；同埋以加配價叫左迷你三重榴槤批。 至尊迷你批同以往一樣，味道唔錯，配埋迷你腸同薯角，仲有蜂蜜綠茶一個餐，性價比高。加配既迷你三重榴槤批榴槤味好香濃，比我想像中做得好味，分量足料，同pizza餅底無違和感，食完都仲想食。令我更加希望有機會試下佢既榴心放題。

早兩日行過啟岸嘅Pizza Hut見到有期間限定推出，仲要係明太子系列🤩呢日早收工又唔想煮飯，最啱就係叫外賣嚐吓鮮偷吓懶(˶‾᷄ ⁻̫ ‾᷅˵) 期間限定由即日起至6月26日咋，鍾意食明太子嘅一定唔可以錯過🙌🏻▪︎明太子照燒鮑魚爆脆批(大批）呢款pizza好有驚喜，以日本國民美食明太子製作嘅日式和風口味，有明太子沙律醬、山椒粉同木魚花幾款日式食材，仲要用上全新登場嘅爆脆批，口感輕盈脆薄之餘又唔會搶走各種香濃惹味既配料風頭，大批有成8隻原隻照燒鮑魚，每片pizza都有一隻，大大隻又彈牙，仲有大啡菇、魷魚等有嚼勁既食材，口感豐富 (っ˘ڡ˘ς) 叫套餐除開每人都唔洗$100，呢個價錢食到鮑魚pizza好抵食▪︎明太子忌廉海鮮意粉配料豐富，又有海鮮又有菇，明太子忌廉汁味道鹹鮮淡淡既奶香又微辣，仲有啲紫菜增加風味，都幾出色 (っ˘ڡ˘ς)▪︎原味雞翼8隻每次小食有雞翼都係必叫，最鍾意食烤焗嘅雞翼，咇晒啲油份出嚟但仍然保留到肉汁，外皮微微焦香啖啖肉點茄汁絕配😋▪︎必勝甜芝芝奶油批(迷你批)一路都好想試，但每次都驚食唔落，今次有四個人share就啱啱好🤣煙韌有口感嘅芝士奶油批，厚厚實實配搭埋煉奶鹹鹹甜甜，超級邪

呢間 Pizza Hut 都唔係第一次幫襯。。。但都真心想反影下佢食物嘅 size 同價錢，真心唔成正比。。。😓😓😓話說本人昨天叫了兩個 Pizza。。。一個係超級至尊和千島海鮮普通批再加一個一人餐嘅豬仔骨。。。加$10轉半份意粉和加$3轉個磨菇湯。。。回家開來看後，真心覺得個豬仔骨份量少得驚人。。。所以想反映吓。。。😑😑😑話說個一人份豬仔骨（寫住有半份）心諗應該都有6條骨呀。。。因為平時見開 d 豬仔骨一份都好大份下。。。心諗半份應該都多。。。因為豬仔骨一人餐係要加$5x轉。。。即$109。。。半份豬仔骨。。。再加$10轉半份意粉，再加$3轉磨菇湯。。。即係個豬仔骨一人餐 Total 要$122。。。但係只得四條骨。。。本人真心覺得價錢與份量不成正比。。。真心想反映下。。。真心不會有下次。。。😡😡😡

呢排大掃除，唔得閒煮食，成個星期都出去食。呢間新開分店，見未試過，捧下場啦！本身諗住星期三去，因為見到大批有優惠。不過發現Pizza Hut 外賣自取set仲抵！✨低至$58一個餐！有迷你pizza / 焗意粉 / 焗飯仲有小食（點了3條腸+薯格）跟埋汽水 或+$3 忌廉蘑菇雞湯點了2個$58餐仲送揮春、優惠券咁多優惠券，相信不久之後都會再食！呢間分店新開好多人係要等20分鐘以上不用呆等就是福🤭✌🏻我地上返樓上等