必勝客

營業中

休息中

又是趕 project 的晚上，兩個同事說再點 Pizza Hut 外賣套餐，同事說外賣自取以某些信用卡付款再享九折，於是點了個「迷迭香烤雞 Viva Pizza 套餐」（HSBC 卡價 $168）。由落柯打到 pick up 才廿分鐘內，快得驚人。個餐包一個大批「迷迭香烤雞 Viva Pizza」（改薄脆批底加 $10）、「千層肉醬闊麵」、「小食：繁星雞塊拼魚圈」、選了一「蘑菇忌廉雞湯」和一罐「pepsi」。特價再特價後，一個港式披薩餐才 $168，足三位用，真係好抵。因為嫌一般披薩餅底很滯，所以改了薄脆批底，果然無咁飽滯，個 crust 好脆唔油膩。Viva Pizza 的配料好好味，有烤雞、茄子、南瓜、杏仁薄片、以及 fresh herbs。芝士量比一般美式披薩用得少，感覺好好味！Lasagne 味道依然 OK。那小食就略失色，繁星雞塊賣相 OK，但魚圈質地好怪，炸得幾油膩。蘑菇忌廉雞湯依然濃稠滑溜，好好味道！感覺這個餐好抵食！Viva Pizza 味道好掂。

同事到我家趕project，點了Pizza Hut 作宵夜。想起MTR 那「海鮮鮑汁片三重芝心批套餐」的廣告，便點這套餐（$208）。不消廿五分鐘送到我家，好有效率，但食物整體係唔夠熱。這個餐有：一個大批、一個飯/ 意粉、一客小吃、兩客汽水/ 餐湯，才$208，經濟實惠。「海鮮鮑汁片三重芝心批（大批）」的批邊是主題，好香芝士味道，以花式pizza 而言，香港pizza hut 的研發係有D 心思。那些配料（海鮮、鮑汁片）係幾差，倒是欣賞那些小黃瓜和芥末醬料的配搭！飯/ 意粉選了「意式焗豬扒飯」的炸豬扒係成塊過，吃得狼狽，都幾好味。配料有洋蔥、青椒、磨菇、鮮蕃茄，用料和體積很chunky，很實在。小吃選了「金粟芝士釀雞翼」係喜出望外！討厭雞翼的我都居然吃了兩隻！那粟米和雞肉蔬菜釀料很豐富，很實在！汽水/ 餐湯選了一瓶汽水和一碗「磨菇忌廉雞湯」。汽水係「百事」。「磨菇忌廉雞湯」絕對係濃、香、滑！倘若一般餐廳能有此質素，我會很欣賞！喜出望外的一頓宵夜，絕對有下次！

估不到包兄的第一個喊臉會落左你手上‥‥一直以來我對你的印象都不差呀‥‥可惜可惜嘩，3號風球，狂風暴兩樣樣皆齊，如此惡劣的天氣，打散小弟外出用膳的念頭，只好把lunch交托於外賣。今天的lunch想西化一點，但荔枝角附近都是茶餐廳，在眾多外賣紙中，無意看見pizza hut的，看看其set lunch價錢不貴，而且口味相應，但選擇了它。致電外賣了一客吞拿魚煙肉Fusilli（包餐湯)，另加一客雞翼Spicy，接線員交侍其價錢及覆單後，說會在一小時後送到，小弟便"睇住電視等開飯”一小時後果然送到，接過外賣盒後，心知不妙，因為全是暖暖易不燙手的．．．．Cream soup:熱力足夠，但這次的cream soup比較稀和略咸，只能完成1/3碗。吞拿魚煙肉Fusilli$33:熱力近乎沒有，面層的cheese已經變硬，味道卻不錯，濃濃的cheese layer配上tuna，被fusilli吸準精華後，Nice match，但其溫度令整道菜的水準下降，失策失策。雞翼(Spicy)＄２８：小弟覺得pizza hut的雞翼一向水準不差，但在fusilli同樣的問題發生在雞翼上，雞翼送到來的時候，雞皮已

昨晚星期日掛住在家睇電視懶得出街食飯，7點幾左右便打去叫外賣，個熱線要打幾次才通，打通後又要聽一輪音樂才有人接聽落order，真係好生意lor！我地兩公婆叫左個套餐，選了：超級至尊厚批：保持水準，又熱又好食；菠菜雞肉螺絲粉：一向都係我既至愛，汁多味濃，雞肉份量亦充足；瑞士雞翼：為「特色美食」的其中一個選擇，有4隻，非常好味；忌廉雞湯：今次的味道較以前濃，比較好飲服務唔錯，落order個人好有禮貌，講野清晰，送貨的哥哥仔亦好快手，見到佢大汗淋漓真係辛苦哂lor。個套餐的會員價為$132，好抵食。

星期六, 叫了一個外賣, 包括一個芝心批, 一個芝脆批. 我分唔出兩個有咩分別, 希望是因為外賣而影響質責吧!