必勝客

營業中

休息中

很久沒有到pizza hut食飯了，原來這間沒有侍應來下單，要像快餐店一樣先到櫃臺下單，再自己去拎餐具。朋友想食pizza，就點了個人套餐超級至尊同千島海鮮，雖然都是厚批，但剛出爐就食，餅底很香脆可口，份量十足。個人比較喜歡千島海鮮酸酸甜甜味道的，配上啖啖的芝士，好有滿足感。食完都沒有很膩的感覺，剛剛好。👍🏻

是日忽然好想食羅宋湯或蕃茄湯底的粉麵。知道必勝客呢度早餐有供應, 又過嚟試試。呢度環境比一般茶餐廳有格調。而且乾淨整潔.....周圍裝飾以白色為主俾人舒適放鬆的感覺。此店星期日早上少了一羣上班一族。所以比較少人及安靜。叫了蕃茄肉絲湯意粉一碗及飲品一杯點餐後找個坐位坐下等候。肉絲意粉是意式湯意粉，茄膏味強烈。意粉煮得幾有咬口; 配料以雜菜為主。有紅蘿蔔、青豆、洋蔥、椰菜。當然還有肉粒及火煺粒。蕃味夠豐厚又有少少酸，幾開胃。成碗野連湯加粉真係可以一滴不漏咁食晒!! 凍檸茶亦不錯，茶味頗而檸味清新~ 成個早餐感覺真係好健康呀!!很喜歡來這必勝客，價錢實惠。起碼唔需要加一服務費。

估唔到pizza hut係apm開，我地一行十幾人係其他餐廳搵唔到位，即刻黎左呢邊，又難得有位。呢間係自助pizza hut，自己去自助區拎食具，調味料同水。大部分係木椅，坐底都還可以。食lunch嘅都有單點，我地多人，本身係4人餐，我地6個分，剛剛好。小食已經包咗烤雞沙律，唔錯，麵包粒夠脆。另外仲有薯條，唔係番焗，味道都ok。原味雞翼，呢個有啲油，可以接受。香蒜肉絲意粉，正常雜菌意大利飯，份量好多，煮得幾均勻，味道係夠，唔算淡味。超級至尊，轉芝心批，呢個係堅大，而且好味。pizza hut係我地印象中係越黎越差，不過呢間卻係唔錯，所有我地都個個大讚。

喺APM行街，望一望水牌先知原來開咗間Pizza Hut，見咁耐無食過而且唔駛等太耐就排隊等位。一坐低先發現原來係半自助式用餐，即係搵位坐低之後，就要去點餐比錢，放部機仔係枱面嘅接觸點，然後服務員會送餐比你。餐廳面積好細，可能分咗一半比KFC，所以令到座位都有小小逼，唔同其他Pizza Hut分店。🔹千島海鮮批 (芝心批) $178係芝心批呀！好耐無食過啦😍 批邊都仲係做到豐富芝心邊，啖啖芝士好好味。成個批都keep到Pizza Hut嘅pizza水準，都ok！🔹芝士海鮮焗飯 $86普通焗飯一個，飯身軟熟，正正常常，海鮮料係足夠嘅👌📍Pizza Hut觀塘觀塘道418號創紀之城五期(apm)2樓L2-1號舖．．環境分數：5.8/10食物分數：7/10Encore分數：6/10

果日同朋友出咗apm行到咁上下就打算食個午餐朋友話好耐無食pizza.咁我就提議不如食pizza hut啦⋯⋯下午一點餐廳都幾多人.待應帶了我地坐張二人枱。首先到收銀處賣票先。取感應器番位然後等待應送餐來。但記得在櫃臺取餐具我地分別叫兩個套餐，加$10有湯我飲忌廉雞湯最初完全無期望點知非常有驚喜！雖然睇顏色唔吸引，但原來入面係非常多嘅磨菇！非常creamy又有濃郁嘅菇味。口感激好千島海鮮薄餅，上枱時很香，配料有蝦，蜆，小貝柱，魷魚，Pizza仲可以拉絲，食落有濃濃的芝士味。蒜香肉絲意粉意粉乾身，賣相普通，好香蒜味，鹹香好味！次次都好食。不過材料青豆、粟米、煙肉粒。肉碎 切到一粒粒，唔可以夾起食！加15有兩隻雞中翼。佢既雞翼都好惹味～ 但好細隻 我覺得份量太少 價錢太貴 唔係好抵～而店子環境有點迫，枱與枱很近。很清楚聽到隔離說話食物質素OK啦⋯⋯反而個湯就真係非常有驚喜。而且服務態度好好。以呢個價錢嚟講可以接受

話說新開張以來，已經食過幾次，感覺都ok。前幾日又再去食，撞正晚飯時間，等左大約十分鐘就有位，個帶位姐姐都幾好禮貌同服務現場其實唔大，座位相隔的距離好近，令到個場的感覺好擠迫。由於係自助形式，無特定的枱號，令上菜變得複雜。當日所見，職員上菜時要花一段時間先搵到正確的枱，同埋有時會上錯其他枱。辛苦職員要成個場走勻，希望能改善一下。個Pizza 做到新鮮熱辣出爐，好好味！！食物維持一貫水準辣雞翼係一定要叫既！

今天適逢在官塘吃早餐經常睡覺到中午十二點才起床⋯⋯在這之前我已很久沒在外吃早餐了！很自然就想起必勝客！能找個安靜的位置邊品嚐早餐邊看書。美好一天的新開始，也是無以上之的享受。今天比較安靜，大概因為時間尚早吧。而且很多食客都拿著報章閱讀！排隊的人不算多⋯⋯購票後...接著便選了個角落的位置。最緊要自己去櫃檯取餐具很快待應哥哥就送餐來到面前！魚柳雖然細片，是脆炸的，還是熱。皮層脆而內裏的魚柳滑。兩者有著完美的結合。再加上沙律醬的點綴，真是與魚柳的不二之選。煎蛋剛剛熟有蛋香.有點油膩是可以理解的。而多士也是熱的。牛油蘸在其上就即溶掉了⋯⋯食完繞起隻腳坐著嘆罐百事。真的一天好開始！服務呢, 不是很好也不是差就是了⋯⋯

觀塘開左冇耐就黎試試，冇想到咁失望，佢地我3款pizza可以選，素食、千島夏威夷、意式風情，選左千島夏威夷又話賣曬，結果要選意式風情，杯亦係用即棄型既，雞翼就保持到一貫水準

今日相約朋友去APM戲院看電影！時間尚早順便去附近食下午茶！戲院在商場六樓，我們走二樓既必勝客！估不到三點多十分多人！幸好剛有人走，我們才有位坐！安然坐下後，要到收銀處先購票！之後取感應器放在枱面！乖乖坐低等候侍應拿食物上枱！其實已經是再次來下午茶了！下午茶食物的選擇不多！我們是日三人行叫了兩份下午茶肉腸拼薯條及蕃茄肉絲湯意粉！肉腸本身是法蘭克福腸吧！口感及味道都當然比廚師腸好。特別喜歡佢皮夠煙靱⋯⋯我們以跟隨的芥辣醬調味！薯條本新夠粗壯，上枱時熱辣辣！雖然薯仔味不算濃郁，但非常的香口惹味！只是簡單的配上最普通的茄汁就很好吃了！番茄肉絲湯意粉，蕃茄味很重很濃的！且味道酸酸的，夠醒胃！至少很適合我們女仕！除了肉絲還有火腿絲及雜豆粒！肉絲是煎過的，有香氣...不會似白烚，值得一讚！意粒煮軟硬度剛剛好，入口亦很順滑！凍及熱的咖啡的色水夠深澤...夠濃，亦夠香！算是可以！食完沒有什麼感覺同感想，只覺得我們食完，好快點走看電影！

好早前已經知道apm會開pizza Hut了，商場本身已經有一間食pizza嘅連鎖店 ，食過兩次認真麻麻，所以一知道會有pizza hut進駐 apm 已經期待中了，終於開張了當然要率先去嘗試啦，我本身都係pizza愛好者， 品嚐過好多間pizza hut，每一間嘅所做嘅都唔同，曾經有一間我已經列入黑名單不會去，apm商場分店嘅經營模式好特別，係用自助式，我都係首次用這種方式去落單，午餐一人套餐就食得多，但晚餐嘅就第一次，我們兩個人，每人叫了一個套餐，一個係迷你千島pizza，另一個係焗海鮮飯 ，兩個餐都係飲雜菜湯，每人還有一杯飲品，我朋友食海鮮飯，佢話尚算ok不太特別，最意想不到就是pizza，我最愛食厚批邊，呢一間焗得好脆口好香，雖然餡料不多，但勝在做得夠香口夠脆口，雜菜湯味道夠濃，唔知係唔係新開張嘅關係，食品做得比較用心，希望遲啲再嚟幫襯嘅時候，食物質素一樣保持咁好

見Pizza Hut裝修完～下午茶時段第一時間嚟食下先叫咗個下午茶套餐～大蝦煙肉焗薯蓉配蒜蓉包～蒜蓉包即烘熱辣辣又香又脆～重重嘅蒜蓉味～大蝦煙肉焗薯蓉底下唔太熟有D黐埋一舊～面層有大蝦一隻煙肉少許仲配上白汁～旁邊嘅薯蓉焗得幾香口意大利菜湯酸甜度適中～有胡蘿蔔粒、雜菜、洋蔥、蕃茄都幾濃即磨咖啡~唔知點解外賣杯上~有D唔係幾環保囉~咖啡聞落好香～仲要大大杯上～飲到夠喉下午茶套餐嚟講都略貴～不過樣樣有D又幾吸引嘅

最近APM開左間新Pizza Hut,重點係自助式下單，同事拎到張派送給創紀之城員工優惠，買二送一。當然要試試！同同事去食lunch,Pizza Hut唔算好大，但都幾骨子。點單睇完餐牌要去收銀處買野食，買完野食，會俾個取餐感染器給您，侍應會將您點既食物送上，其實幾方便，侍應又有禮，食物好快速！至於餐具都係自助，自己拎😂😂人多就麻煩⋯人少都ok!一行三人，點左蒜香意粉、烤雞凱撒沙津、雜菌意大利飯。整體味道唔錯，蒜香意粉入味，烤雞凱撒沙津個烤雞出奇驚喜-十分好味😳哩個係套餐，主菜配一杯野飲，都幾抵食👍🏻

呢間pizzahut 勁啊！全新自助式，我唔明點解pizzahut 要咁樣改變。第一次有呢個體驗，其實麻麻地，自助其實即係乜叉都自己攪掂。要企喺門口睇餐牌，要排隊落單俾錢，要自己揾位坐，坐位唔舒服(比起其他舖)，之後放個感應器喺指定位置，有人會送餐過黎，碟自己攞，刀叉自己攞，水自己湛，就算食完都係自己tray return。啊姐仲要同我講叉洗唔切要用住膠餐具先。隔離枱無留意唔記得放感應器喺指定位置，永世都無野食，好慘。叩左茶餐mini pizza，超級至尊跟餐湯餐飲承惠84蚊。乜都自助但應該無平到，會員優惠可以照用。超級至尊好好食，今次厚批個邊好脆口扺讚。凍檸茶無得再自行落糖水，要喺落單時講定，扣分。整體體驗差左好多，雖然食物無變，一樣高性價比，但好難吸引我再光顧。

昨日下午到新開的APM Pizzahut食下午茶。雖然店內職員眾多，但是太部分職員工作態度散漫。例如：送餐時又唔提供餐具、食完又唔收野。特別是責任收銀的職員服務態度十分惡劣。例如：問有什麼推廣優惠，又唔知；反話「唔知你張咩卡黎」，唔清楚又唔主動問經理，客人有問題唔明白又唔肯解釋。總之大部份職員都好新，缺乏在職培訓。餐廳內，可以枱之間嘅空間又窄。好彩食物尚算正常。總之係屬於Pizza Hut最差嘅分店，我應該以後唔會再黎。

因家人在附近住，家人見呢間pizza新開所以去試吓。首先，一入去好似去咗大XX快餐店咁，門口完全無其他分店嘅reception位，每個人都係自己入去揾位坐，餐具、水、醬料、牙籤等全部自己出去攞嘅。最差嘅設計係佢d枱，全部都係不能移動的，所以全部只有2/4人枱，我地咁啱5個人，要分2張枱坐，中間就隔咗成大條罅，d食物要搬嚟搬去，非常唔方便，亦完全唔適合一大班人去食。可能仲入新開無幾耐，d工作人員未熟，我地食咗約40分鐘，有幾枱客送錯order，我覺得都仲叫情有可原，但d服務員嘅工作態度認真差。我附近有一枱客，初時好聲气同個服務員講話佢送錯食物，點知個職員單都唔對就話無錯，後尾個客開始㷫話叫佢地對吓張單先，職員先發現真係衰咗，仲要話「咁換過俾你囉」，連道歉都無。仲要d職員成日企埋係一邊傾偈，人地舉手問嘢又扮睇唔倒，唔知呢d係咩服務質素？另外有一樣又係超搞笑，佢呢間店係要出去收銀處先點餐俾錢，再送到你枱嘅，有好多餐店都係咁，無咩大問題。但去收銀度問佢攞個餐牌，唸住埋去張枱同家人商量食咩，佢竟然話餐牌得一份，唔可以攞走，你可以用電話影咗番去睇咁喎。PIZZA呢樣嘢好多時都係同人share嚟食，