忠孝東路

營業中

休息中

千万千万不要来吃，真的脏死了，本来过来玩，开开心心的，吃完直接恶心一天，点了一个面吃，想着试一下什么味道的，里面有头发，服务态度还很差，见怪不怪的，说换一碗，换了还是有头发，你检查的时候麻烦看清楚，好歹把头发拿掉，别啥也不管又重新端回来行吗？真的倒胃口。

耐唔耐都有幫襯下的.但今日去見到廳面换左好多人.咁幫我落單果個人就著曬西装大衣N咁樣GA.然後我就正常叫野食.條友有對答GA但只答我一個字“好好好”..之後就開心地等待啦..平時好快的.但今日二十分鐘未到..我便請侍應幫我跟跟飲品和食品..隱約聽到裏面有人話“冇見到你講張檯GA單wow”..離曬譜咁你個條西装友頭先幫我落左d咩...之後我望望我張檯連我叫嘢既單都冇..其他人就有..唉搞到我嬲爆爆走左！！！

4個女人因為其中2人lunch食得比較晏，所以叫左個個二人餐再加1個糖醋排骨同埋A菜台灣食品嚟講整體都幾好食，最緊要係想讚吓呢間食肆所有嘅員工服務態度都好好👍🏻睇得出係真心嘅好，唔係扮出嚟嘅好☺️我哋怕遲入嚟食會阻住人收工，所以入去就問吓經理叔叔閂幾多點，因為我哋8:30pm去到,叔叔答我哋9:30pm 閂，佢話唔緊要做埋我哋果檯先閂，仲話加班都會煮埋俾我哋食，超搞笑（咁當然我哋都好乖唔會阻住人收工）～仲有我地第一次黎食問多幾句推介菜色每位員工都好認真介紹，唔會顯出唔耐煩～令服務體驗都加左好多分～一間食肆嘅食物質素故之然重要，但服務態度都係不能缺少的重要一環希望有一日所有香港食肆嘅侍應都可以好似佢哋嘅服務態度咁好，而家咁嘅服務態度香港真係好難見到，唔西你面都偷笑😂所以好日唔打食評既我都忍不住黎打一下💕

耐唔耐都有幫襯 但今日去見到廳面換左好多人 咁幫我落單果個人就著曬西裝咁 然後我見嘢食二十分鐘未到 便請侍應幫我跟跟 到最後隱約聽到廚房話冇單.. 離曬譜 咁你個西裝友頭先幫我落左咩 連我叫嘢食既單都冇 人地台就有 搞到我嬲爆爆走左！

第一次嚟呢間位於尖沙咀iSquare三樓的忠孝東路台式餐廳。我哋叫咗兩個lunch set: 干扁四季豆配珍珠飯，鳯梨黑醋排骨配珍珠飯。食物都ok, 唔太差，接受到。但係飲品就真係。。🤦‍♀️我哋分別叫咗凍豆漿、黑魔（黑糖珍珠牛乳）。呢兩杯飲品，講真。。真係好難飲🤦‍♀️豆漿，好稀，唔係平時飲開正常豆漿嘅味道，有D怪怪地。。黑糖珍珠牛乳，D珍珠好硬。好少食到D咁硬嘅珍珠。我諗呢間應該係我食過咁多珍珠最難食嘅一間。😅雖然呢間餐廳食物嘅價錢係經濟實惠，但係飲品都冇理由係咁難飲。

話說跟餐特飲為凍飲（百香果特飲），落單時清楚說明少冰，飲品來到時沒有為意，至主食黑松露海蝦意大利麵食完，部分冰塊已溶解了！但相片中冰塊也為數不少！主食：黑松露海蝦意大利麵，黑松露味道不足，三粒雪蝦當海蝦！反觀意大利麵入口煙靭、口感非常好！由於本人坐嘅位置近門口吧枱，吧枱嘅同事講電話非常大聲，感覺唔似在國際廣場用餐！負責傳菜嘅侍應，食物上枱時，好細心擺放，最欣賞係呢一點！其他接待的侍應，服務還尚可以！

最難食嘅台式餐廳，相比起屋企樓下嘅餐廳都好食過喱間！態度又差，想加多個餐都俾個侍應喝：等等啦～ 個飯到左就劈落張枱到！個飯難食、甜品又難食都算（諗住快快手擺得入口就算，仲要落錯單（離譜到張單嘅野同我嗌嘅嘢完全唔一樣）真係唔會再幫襯好少會嬲到咁都話一間餐廳，真係頂唔順！都驚大家俾錢中伏～ 進食嘅過程中都聽到有其他客人投訴啲嘢好難食，又落錯單！試過一次終於知點解咁多食家對喱間餐廳都係差評了😮‍💨 因為真係好難唔俾差評

琴日約左朋友一家三口去尖沙咀傾野，佢地有個小朋友兩歲左右，搵到isquare呢間忠考東路。入座時成間餐廳未有咩客，大家都唔忙無野做，我朋友坐低就開始餵小朋友粥仔，後來我朋友好禮貌咁問待應會唔會有BB椅，一個大陸口音年紀大既女待應走埋黎皺晒眉好惡死話無架我地呢度無BB椅！當時基本上得我地一枱客，我地三個大人當堂O晒咀，我話我地唔係大陸人喎，使唔使用呢D語氣對我地呀？！個女人之後仲話，咁係無呀嘛，一早同你講左無架喇！我頂，我叫佢另一個年紀大既男人過黎，著唔同色既衫，我話點解你既伙記咁無禮貌，D語氣咁差對客人？？佢話個女人係咁講野，事實上真係無囉。。。哇，你地請唔到人都唔好求其搵呢D伙記招呼人呀！之後送三份餐黎，全部係掉落我地枱面，碗碗湯都係倒瀉既！成個過程仲衰過茶餐廳。佢地應該只招待所有唔好有要求、有問題既客，安安靜靜入座叫野食食完就走果D OL客。。。！我真係祝佢老闆生意長做長有，咁有眼光請呢D伙記。食到一肚氣。

本來挺喜歡及支持這台灣菜小店，食物可以，但店內服務不周確實令人不爽甚至趕客。本人不飲有糖飲品，已知此店凍豆漿是已經加糖，以為叫熱咖啡便可無糖，結果來的咖啡又加了糖。我向店內唯－男性服務員反影我唔飲甜，他竟說「你可以叫無糖的」，我本能反應是：大部分餐廳熱咖啡的糖是自己加的。男店員竟回應，我地唔係啲大舖，如果你要「拗」就冇辦法。我真唔想爭論，落單店員又冇講咖啡已自動加糖。我又點鬼知要聲明無糖呢？，我可以唔飲罷就😨下次唔幫襯。水吧的女員工聽見就說可以換杯無糖咖啡比我。解決了我的問題。但我已氣在心頭，無端端被話了。講真，換杯飲品不值多少，挽回客人更重要。員工培訓不好，顧客要看員工咀臉，又何來更多生意呢。至少我將會有一段時間唔會再到此店。

早前從openrice買了 isquare的優惠券， 今天中午來到 商場的 ‘’忠孝北路‘’ 午餐。我選了一個98蚊的午市套餐，套餐有蜆湯，沙律，飲品和牛肉麵，我選了新出的牛肉新竹米粉，試過之後我仍是喜歡從前的牛肉麵。

今天又來到尖沙咀isquare 吃下午茶， 這裏食品很有台灣風味， 如果要吃日本拉麵我寧願吃台灣牛肉麵，勝價比已經高很多，牛肉大大件， 我特別喜愛吃這裏的牛肉湯麵。 看見很多遊客亦在這裏吃。

.位於尖沙咀核心位置 地鐵站上去即到.忠孝東路台式食店.早前買左$100-50卷卷.見剛好附近做嘢.上去食個tea都唔錯.水果茶夠足料｜珍珠奶茶🧋見色就無得比.意粉🍝味道👅唔錯👍🏻加芝士粉同大蝦.糖心蛋剛好 加滷肉飯 真係一粒米都冇得剩.埋單兩個人 都$60幾超值

叫咗鹽酥雞同一杯飲品，飲品OK，但係真係唔覺得個鹽酥雞有落鹽囉！暖暖哋、脆脆哋、雞肉可以嘅，只係勉強食咗兩件，惟有拎返屋企二次製作……😕之前有食過其他食物，都正正常常嘅，估唔到鹽酥雞會搞成咁！

-呢間簡約風嘅台灣餐廳唔係第一次試，想食返之前覺得好味嘅清酒海鮮湯麵🍜，發現轉哂餐牌🥲唔緊要，就試下午茶餐牌嘅野食啦～🐄迷你鹵水拼盤配珍珠飯 $70入面嘅牛展、牛筋都幾入味淋身，蛋係半熟蛋，味道幾好唔會太鹹，幾好👍🏻🧇綜合玫瑰芋圓雪糕配台式麻薯窩夫🍦 $68黑糖味道唔錯，唔會太甜仲有少少焦香味道，芋圓好淋身，但玫瑰味好淡，食左好耐先食得出🥺窩夫外面頗硬身，中間唔夠煙韌，有啲失望，因為食過其他麻薯窩夫口感係再煙韌啲。🌶川味榨菜腎片 $48榨菜同腎片大大片，口感幾好，榨菜比腎片多。味道少辣偏鹹，送飯🍚/送麵🍜會較好。🥭香芒鳳梨水果茶🍹 跟餐+$23一開始以為俾錯，因為剩係見到好多橙同西柚😂原來飲落去先有香芒🥭同鳳梨🍍味，唔錯。🍇忠孝特飲 跟餐+$0提子味綠茶，好似藥水味仲有啲澀，唔推薦🥺

好味指數😋😋😋😋回頭指數 ⭐️⭐️⭐️⭐️⭐️開心指數🤗🤗🤗🤗認真講，已經有好耐（以年計）冇去呢個商場，因為去睇戲，諗住睇戲前響同一個商場搵食，見到呢間頗多好評，就揀咗呢間食。因為想輕輕鬆鬆食，早咗少少到商場，剛好 catch 到仲叫到下午茶。下午茶嘅選擇都幾多，有11款熱炒/小食，7款甜品。🍴忠孝三寶牛肉湯麵（$70）有牛筋、牛展各兩大件，牛肚6條，都幾足料，湯底好濃郁，餐牌上寫有微辣但其實唔算太feel 到，牛展好厚切，筋同肉嘅部分有咬口但又非常易咬開，煮得好入味，超好味！牛筋咬落去滿滿骨膠原，非常Q 彈入味，牛肚切得細細條，味道口感正常，湯麵夠彈牙，好味！🍴紅燒半筋牛肉湯麵（$68）開頭以為忠孝同紅燒個湯底會有唔同，原來係一樣嘅，呢個同上面嗰碗一樣，係少咗牛肚，牛筋、牛展各三大件，如果唔食內臟嘅，叫呢碗啱晒！🍴忠孝魯肉飯（$60）個碗睇落唔係好大，但係佢係裝得好實，飯面有半隻糖心滷蛋，鋪咗3/4 飯面嘅魯肉，酸菜，另外脆脆好香口嘅應該係炸乾蔥，魯肉半肥瘦，夠鹹香又有肥油香，好味！🍴鹽酥炸雞（$56）凈炸雞，都幾大碗份量多，炸皮唔係太厚。🍴台式熱咖啡幾好飲，似白咖啡嘅味，有D 飲即沖感覺，或