快樂蜂 (新都城中心二期)

營業中

休息中

Jollibee 都係香港開左幾年一直以來都覺得佢嘅炸雞幾高質只可惜分店較少 所以一見到就會想食😋.🌟2件樂脆雞配蘑菇飯 ($47)呢間快餐店以炸雞為主🍗炸雞嘅質素亦都好好 不愧為佢嘅招牌菜唔似其他餐廳有不同口味俾客人選擇Jollibee主打原味 配上分開盛載嘅蘑菇汁雞肉皮脆肉嫩 仲保留到豐富嘅肉汁 真係好難得而且仲會附上一客蘑菇飯 唔怕唔夠食🍚可惜蘑菇飯略嫌淡味 只係可以幫忙填飽肚.🌟熱狗套餐 ($29)呢度嘅熱狗套餐都好出色🌭熱狗上面仲會配上芝士加埋一包薯條都唔錯🍟.當時仲有限時優惠買任何超值套餐 餐飲都免費升級至大汽水🥤真係幾抵食🤓

中午去咗買炸雞午餐，因為星期日嘅關係，基本上都係人頭湧湧，唔少姐姐嘅聚集點，我叫咗一份兩件雞嘅套餐，同埋一份一件雞嘅套餐，但係餐廳執餸嘅效率好一般，基本上等買都等咗成10分鐘，其實前邊只係得兩三個人😅😅，之後執嘢又執咗好耐。佢嘅炸雞份量比較大，個皮仲好脆，識落唔覺得油膩，但又覺得好Juice，佢仲配埋左一個蘑菇醬，比起茄汁有另外一種感覺，個餐本身配左薯條，啲薯條都OK，另外要咗一杯可樂同埋一杯芬達。本身諗住外賣自取，返到屋企應該會冇咁好食，但係都唔會覺得林，啲皮真係仲好脆，值得再食！

我原本以為在「西貢」乘坐專綫小巴前往「將軍澳」的「新都城中心」商場，然而即時購買食品，再付款乘坐回程小巴儘快趕回「西貢」，食品和飲品最後都可以在最完整狀態示人。結果位於將軍澳「新都城中心」二期電影院旁邊的新美國菲律賓連鎖快餐食店，曾經名稱叫做「祖樂比」，現在名稱叫做「快樂蜂」的快餐店，證明我的想法完全錯了。當然，當時「新都城中心」還有我未能完全預料到的元素，例如小巴站排隊人數眾多，導致我的「快樂蜂」有汽梳打飲品「士多啤梨雜果梳打」，飲品裡面的氣泡，在我返回西貢之後已經隨著融化的冰塊，一起逐漸消失。話說香港開始實際了在晚上六時正之後，所有食肆都禁止堂食，食客只能夠選擇外賣自取。我已經西貢墟在坐小巴，趕到「新都城中心」之後，馬上趕去光顧「新都城中心」裡面的「快樂蜂」。可惜六點後「堂食禁令」一被付諸實行，「新都城中心」二期裡面某餐廳，原本可以在「新都城中心」巴士站直接通往電影院和「快樂蜂」的通道大門，都忽然被封鎖了。結果我在兜兜轉轉的情況下，好不容易才能夠趕到已經封閉堂食樓面的將軍澳分店「快樂蜂」。當時的將軍澳「快樂蜂」，店員已經很像快要打烊休息的樣子，直到我要點餐才如夢初醒。結果我在已經近

第一日全日禁堂食，去咗同事極力推薦話炸雞好食，位於新都城嘅快樂蜂。以前最誇張一星期最少於某快餐店食兩次炸雞，但由於品質每況愈下，乾，縮水，凍，淋多數都會是但一樣中，而家三個月都唔會幫襯一次。今次三位同事一齊share一個歡樂桶餐，加多個紫薯批，雞真係唔錯，好想瘋狂咁食炸雞。歡樂桶餐有6件雞，4款指定美食，4杯飲品，2客肉醬意粉。外賣返到公司都仲係脆，雞肉滑又多大件，好味。指定美食有薯條，薯蓉，粟米，白飯，我哋每樣叫一款。薯蓉一般。粟米有牛油香味。薯條太淋。飯用紙包。意粉茄汁味重，凍咗唔難食。唔知係汁用嚟配白飯定湯。紫薯批重料，，不過紫薯蓉有啲乾。兩杯加咗$8轉特飲，唔好飲。

夏日炎炎熱到唔想煮嘢食. 琴日Lunch 去咗Jollibee快樂蜂食樂脆雞+ 肉醬意粉. 樂脆雞外脆內嫩，我揀咗唔辣，仲跟埋汁可以點嚟食，感覺冇咁熱氣.肉醬意粉有腸仔同芝士，個醬酸酸甜甜好開胃今期仲有期間限定3款夏日特飲，我加左 $6將餐飲upgrade 左做熱情果雜果梳打，都幾大杯，熱情果味梳打好解渴，配炸雞幾好.阿仔想食雪糕，所以我哋叫咗朱古力脆脆新地，香甜軟滑既新地加左朱古力醬， on top仲有脆脆朱古力粒粒，加埋KitKat鬆脆威化，我check in 完阿仔已經即時KO 左件Kitkat.

Always love the fried chicken here because it’s so juicy, especially the drumstick. It’s a good to have once in a while for sharing. Ordered the fried chicken bucket, which is good as usual, fries is soso but the chicken tender is surprisingly disappointing coz it’s super dry and hard, not juicy at all. I remember had that before and it’s nice and juicy, prolly not gona ordered this again. I think taste-wise, kfc batter is more tasty but meat-wise, this is so much more juicier. so I like this a

有日經過新都城 見到開左間jollibee 即刻去食下 店入面唔算多人 個環境都算幾大 有好多位 可能係疫情關係 大家都係叫外賣多叫左2件樂脆雞配薯條 35蚊如果想加埋野飲就加多$5但因為等有買其他野飲 就無叫到但見到佢有菠蘿汁都想試吓唯有等下次啦！雞有辣同唔辣揀 我就要左辣味好快就有得拎餐Jollibee 啲炸雞好好食 勁juicy 又熱辣辣 一撕開就出晒煙 好辣手啲雞加埋蘑菇汁更加perfect 薯條就普普通通 有啲放左好耐既感覺

終於將軍澳都有啦，呢次係第二次食快樂蜂，第一次食既時間無諗過咁好味，仲以為佢d炸雞會同kfc係一樣，佢既炸雞係炸得薄同脆口好多，又入味，食落去又唔會覺得十分之油膩，只係套餐既選擇唔算好多，配搭不多，無咩小食可以選擇，因為佢專賣炸雞同肉醬意粉所以搭黎搭去都係個幾樣而且價錢係貴少少既，但佢既質素合乎返價錢可接受因為將軍澳呢間係新開所以坐位都好潔淨，而且我成10點去都仲有得選擇，唔會所有野賣哂，出餐都算正常速度唔洗等好耐

食物2件樂脆雞配薯條 $40除左配薯條，仲可以選擇配粟米/薯蓉/白飯因為好耐無食過薯條，所以薯條係必選，同金拱門的薯條一模一樣之前有係尖沙咀中午時段食過一次快樂蜂的炸雞，可能人流少，唔係特別好食但係今次的炸雞係好好食!! (因為好多人排隊食)2隻雞又辣手又辣咀，勁新鮮熱辣! 外皮脆脆，雞肉仲好juicy，雞胸肉都唔鞋快樂蜂的特別之處係有磨菇汁配樂脆雞，加左會無咁dry環境快樂蜂新開無耐，所有野都好新淨，員工都打掃得乾淨服務我去的時候都幾多人，長長的人龍都只係得一個外國人收銀，落單同等餐都用左幾多時間雖然收銀係外國人，但似乎佢都識少少中文，溝通唔會有大問題

快樂蜂進駐香港都一段時間由只得一間分店去到各區都有都係短短幾年嘅時間平時屋企樓下都係食開KFC炸雞見到樓下開咗間快樂蜂 KFC嘅炸雞立即比下去餐牌選擇都算多有炸雞、漢堡、意粉、飯今日我就揀咗炸雞配蘑菇飯因為一直以來喺外邊都係配薯條所以今日特登試吓蘑菇飯先講炸雞先快樂蜂嘅炸雞炸粉比KFC薄得多唔會食幾啖都仲係食緊面啲炸粉而且食過幾次佢都係岩岩新鮮炸起嘅熱度 所以裏面嘅汁完全都仲係流動狀態講完雞就講蘑菇飯 佢個蘑菇飯口味偏淡 相對之下 我比較喜歡KFC嘅蘑菇飯 個汁比較濃厚偏辣 食落比較突岀~~~~~~~~~~~~~~~~~~~~~~~~~~~~~~快樂蜂嘅炸雞真係好岀色 如果單選炸雞我絕對會揀佢

這間餐廳對香港人來講唔算陌生。但其實很多香港人應該都未試過。因為這是一間出名嘅女傭快餐店。幾年前我在中環都試過。我最欣賞佢哋嘅意粉。令人很難忘。想一試再試。這間食店最近在將軍澳開分店。可能因為比較多目標顧客。多間快餐店選擇都係好事。今日經開這裡。當然要睇吓有咩新產品推出。新產品就唔見，但就見到新嘅下午茶套餐。我印象中這餐廳好似無做下午茶的，所以非常高興。價錢更令人高興。最貴只需$25我今次選擇意大利粉餐。因為這是我在這餐廳的至愛。它們的意粉醬好濃。好有誠意。香腸係淋身的。唔會好似廚師腸一樣彈牙。雖然這樣但很夾的。意大利粉本身都好乾身。唔會太濕影響味道。包裝是全紅色。紅色本來就係佢哋嘅主色調。包裝係用紙盒。所以都算環保。包裝Size平均。唔係太大就算外賣都算方便。意大利粉份量充足。有微量芝士放入意大利粉內。可樂都係普通選擇。如果普通女仕食下午茶，這份量應該足夠。如果未能滿足。可以選擇再要多一個其他餐。兩個下午茶餐和一個大餐的價錢其實差不多。所以下午茶時段真係好抵。服務方面。其實職員大部分都能講廣東話。唔會好似香港島那邊要講英語。

未開業前已經不斷留意住，開左業（應該係）第二日就仆到要去試～～😜無計啦，鍾意食但又嫌遠～～而家終於可以成日食喇～～啱開業冇乜人知，而且時間又早，冇乜人爭食～～店內環境都自光猛，仲好多隻小蜜蜂呀🐝既然冇乜人爭食，食物梗係新鮮熱騰騰～～今日同老公一齊點左好多野食呀～～熱狗🌭️：永遠都冇得輸既組合- 包加腸仔 ～但如果係脆皮腸會更開心😃炸雞🍗：新鮮既炸雞真係好好食～外面脆卜卜、裏面又有肉汁～～咬開仲係熱到出煙架😋😋😋老公點既祖樂堡：佢都話好好味，漢堡扒有肉味～～薯蓉：牛油味香、滑～～唔要汁就咁食都得即炸薯條🍟：點左無鹽薯條，即刻新鮮炸～～拎出黎都係乾身脆卜卜架～～唔係一淋油架～～臨走先見到有早餐餐牌，下次要試下先～～呢個係午餐餐牌

見屋企附近開左間新既，就襯無咁多人的平日時段去幫襯下！下午大概12點到。。真係無咩人。。由於我食量有限，所以淨係點左一個熱狗餐！$35有熱狗、薯條、飲品！同M記差唔多！不過薯條好食過M記，食落唔食成口油，唔洗點茄汁都可以一條接一條！食食下成包食曬！由於我係買外賣，個熱狗拎到返屋企已經凍凍地，賣相都可以wor!凍左仲驚會好難食，味道都okay!上面有好多芝士碎，汁我覺得可以再多一d，如果可以加黃介辣就好啦！條腸腍腍地，個包就唔會好腍，整體咬落唔會散曬！味道可以接受！飲品主要係汽水，但我唔飲凍野，問佢有無熱野只得奶茶同咖啡，其實仲有朱古力，但暫時未有供應！我覺得可以提供多d選擇!