快樂蜂 (新基商業中心)

營業中

休息中

Jollibee 炸雞覺得咁多間連鎖店裡面最好食！有日經過銅鑼灣就想食新鮮熱辣辣出爐真係好正又香又脆勁香口 跟住我叫薯蓉同薯條食加埋杯無糖可樂！ 正呀經典理想組合不過我個人中意就咁食炸雞唔點醬 因為都夠味好食薯蓉就Kfc 好食d 佢似用粉溝出來差太遠

辣樂脆雞，雞皮炸得微燶微啡脆脆香口，狠狠地連皮帶肉咬開﹗白肉雖然嫩滑多汁濕潤閦令令，不過脆卜卜雞皮實在太咸，吃不消﹗辣味存在感薄弱幾乎感覺不到，只食到咸味。第一次幫襯第一次食，傳聞快樂蜂炸雞唔係好好食架咩？比家鄉雞更好食？但發現強差人意、非常失望。薯蓉，粉口膠黏微暖，黑椒汁嗎？完全食唔出。可口可樂，汽水機的味道始終差少少。舖頭中門大開走晒冷氣，高溫炸雞越食越熱，出晒汗背脊濕晒，大大啖狂啜可樂都不太降到溫。

想食下炸雞，但好似成日都去麥記肯德基，見快樂蜂成日都咁多人，澳洲又無，所以試下呢間。佢同kfc一樣都有蘑菇飯，不過想試下新野，就叫左個意粉套餐。飲品比我𥄫到收銀員後面有菠蘿汁，所以又叫來試試。Btw大部分員工都係南亞裔，所以要講英文，見到個香港人經理行開左之後，有幾個香港人都唔敢叫餐其實多練習咪得！講翻正題，食物嗰方面，又無想像中咁好味，d人又話正過kfc快餐店整既意粉肯定唔會al dente，有點兒淋，個汁以為係茄汁點知似甜酸汁，腸仔又多澱粉，唔多好食。雞上肶炸到有d乾同鞋口，好彩雞下肶滑d好味d又入味d。成個餐唔算好平，個菠蘿汁味道仲同罐頭菠蘿一樣不過快餐店就求其一餐啦。

想快快搞掂一餐就同仔仔入去試下叫左個炸雞餐，薯條係幼薯條，都幾香脆個炸雞都好脆卜卜起碼好食過kfc不過都幾貴，得一件炸雞同細薯條已已經差不多$40但我幾喜歡佢既脆度

Ordered 2 sets of meals and they provided one pack of ketchup and one piece of napkin. I went and asked for more and they seemed not willing to give them. I was already thinking how can they be so cheap. My child couldn’t finish the whole meal and I went and asked for a small paper bag or a paper box, guess what? They charged me a dollar for a paper bad of the size of my hand. I should had ordered for takeout and eat there so I can bring home the leftovers. You can literally get a paper bag

🤍Jollibee嘅下午茶套餐$27真係物超所值，裡面有炸雞脾🍗、熱奶茶☕同埋忌廉湯通粉🍜。炸雞脾🍗外皮香脆唔油膩，肉質鮮嫩多汁，好好食。熱奶茶☕口感濃郁，淡淡奶香味同茶香交織，好舒服飲。最後係忌廉湯通粉🍜，湯頭濃郁滑溜，通粉Q彈有嚼勁，每一口都感受到濃郁嘅忌廉味，好好食。整個下午茶套餐嘅搭配好啱，令人食得好滿足😋。Jollibee嘅下午茶套餐$27真係物超所值，好鍾意❤️🤍♥️🤍！

回憶總有一種魅力，總覺得以前嘅感覺、感覺，抑或味道，都係最好最正。兒時好恨放假時食餐麥當勞，又因為唔難買到，無乜感覺。Jollibee就唔同喇，要老遠去到沙田、中環先有機會食。又因為新奇新鮮感，回憶中記起覺得好好食。時至今日，祖樂比變身快樂峰，分店開多咗，幫襯又變得容易咗。久唔久想食炸雞，都會口痕揀佢，不過質素真係無保證。試過即叫即炸，上枱等5分鐘仲未食得，但嗰種juicy，你覺得去吊打任何快餐炸雞。但今次外賣速遞呢，就真係喊出嚟。外賣叫咗3人餐，有一桶六件炸雞🍗，一個蘑菇飯，一個意粉，一個粟米，另外仲有嘢飲。價錢嚟講啦，有同類型更加抵食，唔少人都會轉軚。🍄蘑菇飯汁唔多，個飯好爛，仲要好少料。味道一般啦🍝蕃茄肉醬意粉意粉都係好淋，醬汁搭救，不過都係一般。🍗炸雞不過不失，要點啲醬先搭夠味。仲細個嘅印象差好遠。🌽粟米有啲牛油香，最穩陣亦都係最好味。但係都公平講句，外賣仲要係外送，點都會同堂食差少少。下次再想食，都係堂食好喇。

🐝Jollibee祖樂比，是筆者的童年回憶。原來很多人不知道，快樂蜂在香港幾乎銷聲匿跡了一段時日，而在它再次「重光」前，它名叫祖樂比。與舊時的麥XX會在門前擺放大大個麥XX叔叔一樣，以前祖樂比門前也有大大隻快樂蜂公仔作招徠。此外，回憶中，祖樂比當時主要賣的是包餐🍔，不像現在以炸雞為主。它的包，很好食。「重光」後的Jollibee，很多人叫它做快樂蜂。快樂蜂早期的炸雞香口嫩滑多汁，令KXX被比下去。可惜，創業容易守業難。早前order了套餐，🍗炸雞質素就快可媲美KXX，在劣那方面。唯幸隨餐奉上蘑菇汁沾著炸雞吃，令味道有稍為提升。此套餐還有粟米粒、肉醬意粉和蘑菇飯。🌽粟米粒，只半滿。🍝肉醬意粉最是正常，味也夠香濃，賣相也ok。🍄蘑菇飯，樣子看起來好似被偷吃過一樣，很不開胃。兒時回憶總是美好，就像上原亞依，即使是同一個人，但味道已經迥然不同。（不過，問心那句，吃這種快餐，別要求多多。）

對我嚟講Jollibee係一份情懷同童年回憶，廿幾年前仲叫祖樂比嗰陣已經開始食，當年屋企人多數帶我去沙田新城市廣場嗰間食，直至中間十幾年撤離咗香港，得返中環分店，我都好耐無食，係有次去越南旅行食過，直至前幾年重返香港，我就周圍試，大大話話全香港Jollibee我都去過over 10間，我可以講銅鑼灣呢間分店係繼荃灣分店嚟講最差的一間。入到去環境好細好逼，座位又少又窄，喺旺區開都咁細間真係好難搞。食物方面就唔係咁得，啲雞嘅味道就keep到高水準，但真係細隻咗好多，另外個意粉好多人未必鍾意呢隻味，但我幾喜歡呢隻甜甜哋嘅味道，本身有埋啲芝士味道就好濃郁，但竟然唔落俾我，真係接受唔到，個意粉好似無咗靈魂咁，做嘢咁求其，同之前食荃灣嗰間一樣，下次去返北角嗰間算。

小時候，每次跟媽媽到中環找父親放工時，每次我都會要跟媽媽說要吃炸雞🍗，當時只有中環一家，很記得從前的炸雞一試難忘，外皮酥脆，咬到肉時帶有肉汁，醃料不太濃而帶有點雞味，直至中環店結業後再沒有光顧。很多年沒吃了，懷念味道，但買了真的覺得好後悔，有時候有些東西在腦海裏永遠是最好，先說薯條🍟，其實是不錯，感覺不會很油，但炸雞。。。😞皮是硬脆，肉是沒味，而且有點乾，非常失望☹️50元吃了個失望要道別了如果要比較，我還是吃其他連鎖店炸雞比較親切

Good vibes既nana都會有心情不佳既時候😵‍💫每次NaNa見到都會買野食哄佢🤤今日nana瞓捩頸痛咗成個上晝😵NaNa見佢咁陰功就買左jollibee外賣😆nana係炸雞狂人😃自從半年前試過jollibee辣雞之後就中左毒😆瘋狂程度曾經試過連續食四日做主餐但因為擔心肥嘅關係介左一排😮‍💨nana一見到個chickenjoy bucket😍即刻開心返晒❤️開心嘅同時都不忘幫米飯班主NaNa影幾張靚相出個post💖表揚一下佢既good vibes💕今次辣雞係喺銅鑼灣怡和街買覺得中環同元朗辣d啱我口味d但雞就炸到啱啱好搣開時啲肉汁標晒出嚟～絕對可以一桶一人前🤭

Rude staff. Poor quality food. They’ll give all small chicken drumsticks if you order 1 pc meal. They say it’s random, which is unacceptable. Staff makes you feel like you owe them for the pleasure of buying from their store. Often they also miss items too. Worst Jollibee I ever been in.

Jollibee 20多年前進駐環球里時, 出於好奇心，一向不喜歡炸物的我也去趁熱鬧買來炸鷄，竟有驚喜，因為皮脆且酥，此後間中光顧，也曾試吃熱狗，同樣有意外收獲，因為熱狗腸美味脆皮，後來公司搬離了中環，再也沒有吃。近年發覺在不同地區都越來越多分店，改了名叫"快樂蜂"，今天終於外賣自取了炸鷄、熱狗、薯蓉及蜜桃芒果批，期待著故"味"重溫，可惜大失所望，炸鷄皮脆但不酥，且硬，蜜桃批也是帶硬的皮，熱狗腸比以前失色多了，不論鷄或熱狗，調味都極鹹，薯蓉本是不錯，卻澆上了過多的汁，似乎這店變成重口味，總之是偏離了昔日的味道，破壞了我印象中的美食回憶，不會再光顧了!

銅鑼灣喱間JOLLIBEE係新開既，入到去發覺原來好細間，數埋都無十張枱，而且店員好似唔係好夠，完全無人執枱。。。原本我地見到咁既環境就轉外賣啦，不過等緊既途中又突然有位我地就改坐低食（當然要自己執枱抹枱啦）其實JOLLIBEE係我既童年回憶，果陣放學成日食佢同蝦迪斯，不過近年我覺得佢好似轉左D菜單，好似而家係主打食炸雞咁，講到炸雞佢唔係唔好食既，但同龍頭大佬KFC比仲差一段距離，就連近年都加入炸雞戰團既M記都好食過佢！炸雞偏乾身，無咩雞味，不過點左佢附加個磨菇醬就好DD，而個肉醬意粉幾濃味，蕃茄一粒粒唔係淨係得茄醬，我其實唔係好明個肉醬點解無肉碎？？？但佢有腸仔配比你既。。。EM...如果想食快餐又唔想食漢堡包既可以食喱間，43蚊有意粉有炸雞有埋野飲係抵食既，糧尾恩物！

一直好想試下Jollibee 啲炸雞，但最近要去到灣仔最近見呢間舖新開，今日專登行去買外賣 (離我公司約十分鐘路程)點知返到公司食到一半先發現俾少件雞而嗰個下午茶餐只得一件雞同一個小小小的批即係佢冇俾個主食我仲要上網搵過晒都冇間舖嘅聯絡電話，想叫佢搵人補俾我都唔得唯有再行返十分鐘過去舖頭攞返件雞去到擺雞嗰陣講明係爭一件辣雞點知又行返十分鐘攞到返公司嗰陣一咬! 係唔辣嘅杯汽水仲要冇氣唔會再幫襯!!!!!!