影片
更多
2023-01-12
356 瀏覽
回憶總有一種魅力，總覺得以前嘅感覺、感覺，抑或味道，都係最好最正。兒時好恨放假時食餐麥當勞，又因為唔難買到，無乜感覺。Jollibee就唔同喇，要老遠去到沙田、中環先有機會食。又因為新奇新鮮感，回憶中記起覺得好好食。時至今日，祖樂比變身快樂峰，分店開多咗，幫襯又變得容易咗。久唔久想食炸雞，都會口痕揀佢，不過質素真係無保證。試過即叫即炸，上枱等5分鐘仲未食得，但嗰種juicy，你覺得去吊打任何快餐炸雞。但今次外賣速遞呢，就真係喊出嚟。外賣叫咗3人餐，有一桶六件炸雞🍗，一個蘑菇飯，一個意粉，一個粟米，另外仲有嘢飲。價錢嚟講啦，有同類型更加抵食，唔少人都會轉軚。🍄蘑菇飯汁唔多，個飯好爛，仲要好少料。味道一般啦🍝蕃茄肉醬意粉意粉都係好淋，醬汁搭救，不過都係一般。🍗炸雞不過不失，要點啲醬先搭夠味。仲細個嘅印象差好遠。🌽粟米有啲牛油香，最穩陣亦都係最好味。但係都公平講句，外賣仲要係外送，點都會同堂食差少少。下次再想食，都係堂食好喇。
兒時好恨放假時食餐麥當勞，又因為唔難買到，無乜感覺。Jollibee就唔同喇，要老遠去到沙田、中環先有機會食。又因為新奇新鮮感，回憶中記起覺得好好食。
時至今日，祖樂比變身快樂峰，分店開多咗，幫襯又變得容易咗。久唔久想食炸雞，都會口痕揀佢，不過質素真係無保證。
試過即叫即炸，上枱等5分鐘仲未食得，但嗰種juicy，你覺得去吊打任何快餐炸雞。
但今次外賣速遞呢，就真係喊出嚟。外賣叫咗3人餐，有一桶六件炸雞🍗，一個蘑菇飯，一個意粉，一個粟米，另外仲有嘢飲。
價錢嚟講啦，有同類型更加抵食，唔少人都會轉軚。
🍄蘑菇飯
汁唔多，個飯好爛，仲要好少料。
味道一般啦
🍝蕃茄肉醬意粉
意粉都係好淋，醬汁搭救，不過都係一般。
🍗炸雞
不過不失，要點啲醬先搭夠味。仲細個嘅印象差好遠。
🌽粟米
有啲牛油香，最穩陣亦都係最好味。
但係都公平講句，外賣仲要係外送，點都會同堂食差少少。下次再想食，都係堂食好喇。
張貼
