快樂．順景

營業中

休息中

快樂順景係快樂餅店同順景茶餐廳聯營，假日既中午去到有長長既人龍，茶記要搭枱，食物大大份，味道唔錯，吸引左好多人。中午去到我叫左個快樂常餐，瑞士汁雞髀撈公仔麵配火腿、炒蛋、迷你菠蘿包。雞髀甜甜瑞士汁好入味，雞髀肉嫰有汁，公仔麵比較淋身，配瑞士汁都幾好。真係菠蘿包，真菠蘿肉餡配菠蘿包，樣幾靚仔，但唔算好驚豔，比較喜歡菠蘿包配咸味餡料。XO 醬滑蛋牛肉飯，睇落平平無奇，但好好食，XO 醬辣辣地好惹味，牛肉有咬口，唔係落左好多梳打去拿個啲牛肉，滑蛋唔會太熟，名付其實既滑蛋。咖啡紅豆冰同奶菜紅豆冰都偏甜，奶茶同咖啡都唔算濃郁，咖啡有咖啡糖味，飲品比較遜色。

快樂順景，餐廳名寓意很好呢～食物雖然都是一般茶餐廳款式，不過食材比一般茶餐廳有心思。門口也有售賣多種麵包、蛋糕，連比較舊式的忌廉筒都有啊！♡蔥油香矛豬扒煎蛋飯$66蔥油香很惹味很好下飯，再加上流心太陽蛋和兩大塊的香矛豬扒，很足料啊！旁邊還有些沙律菜，減輕油膩感～♡精美雜扒餐$92🥢必點🥢非常豐富啊！除了有雞扒、牛扒、豬扒外，還有腸仔、牛油粟米、太陽蛋、沙律菜，肉質全部都不錯，絕對可以滿足食肉獸呢～一百元都不用，性價比好高！♡阿華田雪山$34茶餐廳都有打卡飲品呢～一大片的忌廉上插有威化條，下面是味道濃郁的阿華田。♡芋頭麻糬酥$18是我很喜歡的一種糕點，想不到茶餐廳會有這個款式的糕點呢～芋頭饀不甜的，可以吃到芋頭的香味，吃到一半還有麻糬在內，如果麻糬多一點相信口感會更煙韌呢～♡牛油皮蛋撻$9 🥢必點🥢即使我過了好幾個小時才吃，曲奇皮仍然鬆化，可以吃到有牛油香味。熱辣辣吃一定更好吃啊！✔️餐廳不設加一服務費

今日出開銅鑼灣整野，便求奇附近食完至返公司，經過一間冰室，見到外面的麵包好吸引，而且餐廳名覺得幾有意思，就入去了😂雖然而家好多冰室外面都會有麵包，其實都拍得住麵包舖嘅包！看完餐牌後，最後叫咗一個瑞士汁雞髀配菠蘿油，咬了一啖雞髀後，當時心裏面嘅反應係出奇意外地好食，雞髀裏面好多汁，就好似汁煮雞一樣，啖啖肉就啖啖汁，下午茶食呢個啱晒😍酥脆的菠蘿包，咬落去時聽到脆的聲音，外脆內軟的菠蘿包，中間夾住牛油，融化左口中，簡直完美的配搭😍下午茶生意都算幾旺，好多一個一個搭枱，但係都坐得幾舒服

以前間唔中都會去灣仔嘅快樂餅店食忌廉筒同沙翁，自從結業後都心思思想食，好彩快樂餅店聯同同樣係灣仔老字號嘅順景茶餐廳係銅鑼灣重新開店❤️新店位於銅鑼灣蘭芳道，週末同爸爸2人落街食個早餐重溫當年味道。快樂忌廉筒 $15必食！快樂忌廉筒係每日人手製作❤️外層酥皮入口即化，香脆鬆化亦帶有空氣感，而忌廉內餡主要由忌廉、牛油和糖膠混合而成，口感幼滑香甜🤩紅豆沙翁 $13面頭鋪上砂糖，外表酥脆，內裡鬆軟充滿蛋香，再加上煮得綿滑的紅豆餡，甜而不膩👍雞蛋沙律香脆牛角包 $38配熱奶茶牛角包外層酥脆，內層柔軟，而且仲充滿牛油香味🧈再加上豐富的碎蛋沙律餡料，賣相和味道同樣吸引。順景的熱奶茶依然出色，茶醇厚而味道濃，同時不失奶香和滑☕️新鮮蕃茄濃湯午餐肉粒通粉 $38配煎雙蛋 及 脆皮菠蘿包 及 熱檸水番茄湯盡是茄蓉，帶微微濃稠，酸甜味道適中，而午餐肉粒煎得好香脆唔算好油，配搭通粉一齊食，正呀！脆皮菠蘿包的表皮酥脆、呈現金黃色，凹凸的脆皮不僅十分酥香可口，麵包新鮮軟熟，味道香甜但不膩。

平日lunch time嚟要排隊，不過都好快有位。叫咗個全日早餐All Day Breakfast，有他他醬配炸魚柳，黑松露炒蛋 等等（見圖），食物大大份好有誠意，最鍾意食佢個菠蘿包😋同行嘅同事食蔥油豬扒飯都係大大份（唔記得影相）。侍應哥哥都好風趣，送餐嘅時候同我講：「阿妹你食唔晒留返俾我」🤣🤣🤣咩料 好鬼搞笑～

ℂ𝕎𝔹 • 快樂．順景 🎐📍 銅鑼灣蘭芳道𝟛號地舖📌 #penguin_causewaybay ::::::::::::::::::::::::::::::兩間傳統老店皆於70年代開業，疫情期間可惜相繼結業，上年決定聯手在銅鑼灣選址重開，結合為快樂順景冰室 @happycafehongkong 。餐牌保留著香港情懷同時帶點創意，有快樂餅店的懷舊忌廉筒、「真係菠蘿包」，還有一系列的港式特飲。🐖叉燒蝦仁滑蛋雙拼飯 $68 +XO醬 $2雞蛋十分嫩滑，雙拼叉燒蝦仁大滿足，加配XO醬更添惹味。🍗瑞士汁雞髀撈公仔麵常餐 $58常餐配火腿、煎蛋或炒蛋，驚喜的是餐包竟是菠蘿包。瑞士汁甜度怡好，公仔麵麵質夠爽，加上大大隻的雞髀，是一童年回憶！⛰️阿華田雪山 ＋$12🍨雪糕紅豆冰 ＋$12充滿香港地道風味的特飲～🍦酥皮忌廉筒乃快樂餅店名物，餅皮入口鬆化，忌廉質地偏硬身，鹹鹹甜甜的味道～蛋撻也是熱辣辣出爐，蛋香牛油香～

港島區嘅茶餐廳有唔少但呢間係茶餐廳同餅店合併嘅就夠曬特別！-早餐選擇都唔少最經典嘅茶餐廳食物就當然係沙嗲牛同菠蘿包啦～好多客人餐牌都唔洗睇就直接叫仲可以揀「茶走」添-秘製沙嗲牛肉公仔面 $38配炒滑蛋同特式餐包，熱飲😋炒滑蛋好香蛋香又唔會太鹹好好食菠蘿包大細適中而且暖暖地，菠蘿皮夠曬鬆脆，麵包鬆軟-牛肉入味唔會韌配埋湯麵撈埋啲沙嗲汁一齊食👍🏻👍🏻👍🏻揀左熱好立克，味道適中，唔錯👍🏻唔會好似出門某啲餐廳咁加水淡而無味-最後試埋個芋頭麻糬酥外皮酥脆幾香，又有層次甜度啱啱好👍🏻仲有多款經典港式麵包平時經過都可以買黎試下😋

約咗朋友起銅鑼灣食飯，其中一個提議食呢間，話係快樂餅店嘅冰室版。食咗咁多年忌廉筒嘅我，竟然而家先知有呢間餐廳，實在太失敗啦🥲.個黑椒牛扒餐大到嚇親，有兩塊大大牛扒咁多，但係講緊先係$70 。仲可以跟薯條，飯或者意粉，對於適量細嘅人，真係係冇可能食得晒。呢個價錢食到嘅牛扒嚟講，算係不過不失，薯條都好香脆配埋個汁一齊好好食。.至於快樂常餐，都真係快樂嘅～ 試咗特濃蕃茄湯薯仔牛肉通粉，同埋瑞士汁雞髀撈公仔麵，常餐會配煎蛋或者炒蛋+特色餐包。個包居然可以揀迷你菠蘿包，細細個過吓口癮又唔驚太飽，夠晒特別。.最後當然唔少得，食返個最出名嘅忌廉筒啦。酥皮好香好脆，cream係舊式嘅cream，帶有少少鹹味，咁先係最正宗嘅味道。

每日湊完小朋友返學，都要食早餐先返屋企😊見到 快樂順景茶餐廳都幾多人流就入去食！原來佢地與快樂餅店係合拼，一家要叫佢既沙翁同快樂忌廉筒食😉都幾出名💁🏼‍♀️環境方面完全係傳統嘅港式茶餐廳，別有一番風味！⚜️秘製沙嗲牛肉公仔麵沙茶汁超入味，果然係秘製！牛肉都好鬆軟！⚜️新鮮蕃茄湯午餐肉粒通粉新鮮嘅蕃茄汁湯底非常濃郁，午餐肉係用厚身嘅，好有咬感，又大粒。‼️每份包一個菠蘿餐包再加煎蛋🍳⚜️沙翁超大個沙翁，餡料係紅豆蓉，分量十足！每一啖砂糖加上紅豆🫘蓉好滿足⚜️快樂忌廉筒最出名的快樂忌廉筒，外脆內軟，忌廉超多🤤

嚟到呢間餐廳，第一眼就見到個豬柳麻辣撈面。啱啱好愛味蕾想刺激下，一試，啊！面條啱啱好嘅Q彈，同麻辣既香氣混合埋，簡直係夠晒kick。豬柳？嘩，真係夠晒飽滿，啖啖肉，焦香嘅邊仲留有點汁，講起嚟又想再食一次。喺度，當然少不了佢哋嘅招牌豬扒面。小編一見到面前嘅巨無霸豬扒，心諗：呢個，點食得哂？但係，估唔到豬扒外脆內嫩，唔止大塊，味道仲好豐富。同底下嘅麵條一於，完美搭檔。食完正餐，點少得甜品？尾巴哋，揀咗個蛋撻。宜家講起蛋撻，真係要讚下，酥皮脆得嚟唔會散，蛋香濃郁，對得住每一啖嘅期待。食客們，如果想揾個平民化嘅美味，呢度絕對值得一試！無論係口味、份量定係氣氛，都算係滿分！香口嘅撈麵、香噴噴嘅豬扒，仲有甜滋滋嘅蛋撻...哎呀，講多都係白搭，自己去試吓先至至啱路！🍽👅🎉

🌟超級超級超級大大塊蔥油豬扒🌟原來呢間係灣仔老字號快樂餅店和順景茶餐廳光榮結業之後聯營嘅一間港式冰室。lunch去到好多人排隊，試咗蔥油豬扒扒飯真係超級大大塊，我諗真係冇乜邊間茶餐廳會有呢個份量，好吸引，好誇張呀🥰🥰🥰真係超級大驚喜，點有可能諗到食個lunch都有咁大塊豬扒，真係打卡一流。當然試埋我最鍾意食嘅大大個菠蘿油，真係超級大滿足💕💕平時行過茶餐廳見到咁大個菠蘿油都覺得好吸引，勁想買。

今次帶大家嚟嘅呢間茶餐廳裝修係新式style 同時又保留左傳統風味✨.📌一口西多士配花生粒雪糕 $46一口西多係一塊西多切成九粒 麵包質地好鬆軟🍞每粒沾滿蛋漿炸 有淡淡蛋香味🥚上面淋左啲煉奶同朱古力醬 同西多真係好夾🥛🍫再加埋粒粒花生碎 好香口🥜配以香甜雲呢拿雪糕 變成港式茶餐廳先有嘅獨有甜品🍦.📌公司三文治 $48三文治嚟講公司三文治真係勁多料 有炒滑蛋, 火腿, 午餐肉, 生菜, 沙津醬, 芝士同蕃茄 大滿足🥪多士三層都有搽牛油烘過 脆脆地 真係加分💯中間仲有一堆沙律菜🥗.📌QQ波/1 $5可選: 菠蘿皮/芝士/朱古力今次叫左三粒 每款味都試下 好大粒🥰1️⃣芝士: 皮比較煙韌 切開都好空虛 甜甜地 冇乜芝士鹹香味 似原味多啲🧀2️⃣朱古力: 餡好厚實 有朱古力粒粒 多左啲口感 又唔會太甜🍫3️⃣菠蘿皮: 係平時菠蘿包脆皮個味 香甜脆口🧡.📌黑牛 凍特飲+$12好傳統舊式茶餐廳有嘅飲品 係可樂加球朱古力雪糕🥤反而加左雪糕 可樂冇左咁甜 中和番 搞勻之後變咗有氣嘅朱古力奶昔 幾特別 🍫🍦.📌奶茶紅豆冰 凍特飲+$12超級無敵甜 紅豆好似浸過糖水咁 紅豆仲係原粒 冇起沙 飲落冇乜奶茶味 完全比甜味

《懷舊港式情懷🇭🇰》———————————————-#快樂順景 😚-早排經開銅鑼灣，意外發現呢間茶記，被佢門口出面嘅麵包櫃吸引咗🍞 一問先知原來係之前光榮結業嘅快樂餅店同順景茶餐廳所crossover重開嘅😊-❤️ 香蔥櫻花蝦叉燒滑蛋飯滑蛋炒得好濕潤，滿鋪成碟飯，充滿蛋香，加埋香蔥、櫻花蝦，層次豐富🤭 叉燒啖啖肉，帶點燶邊，幾好食🤤-🇨🇭 瑞士汁雞髀撈公仔麵瑞士汁味道略帶微甜，唔會死鹹，調味做得啱啱好，大大隻雞髀拎嚟配撈公仔麵簡直就一流🤣跟餐配火腿炒蛋，最驚喜嘅係特色餐包竟然係迷你菠蘿包，超有誠意😘-另外我哋仲嗌咗兩個包，呢個菠蘿包好特色，上面真係有一片菠蘿🍍菠蘿皮外脆內軟，甜度適中，認真之作😄而白汁忌廉雞批上枱嘅時候熱辣辣，一切開餡料豐富，雞批酥皮牛油味香濃，非常吸引☺️-⭐ 參考價錢︰香蔥樱花蝦叉燒滑蛋飯：$63瑞士汁雞髀撈公仔麵：$58真係菠蘿包：$16白汁忌廉雞批：$16🍌 抵deal 指數：8/10

快樂餅店 ✖️ 順景茶餐廳 🟰 快樂・順景兩間40年老字號聯手再開業，喺銅鑼灣開設全新冰室🍴，貫徹傳統茶餐廳美食，新鮮出爐忌廉筒、沙翁、各式麵包🍞，即叫即製沙嗲牛麵🐮、生炸雞髀🍗、西多士🥞等，帶你重拾當年懷舊味道！·〔 快 樂 常 餐 〕常餐大件夾抵食🤩，銅鑼灣區呢個價錢食得飽你而又好食👍🏻，真係唔多。·♡ 秘製沙嗲牛肉公仔麵｜煎蛋火腿｜特色餐包 HKD$58沙嗲牛麵係茶餐廳必叫名物🤤，沙嗲牛肉味道十分濃郁，咸香醬汁撈埋湯食，成碗都係沙嗲牛味😍!! 煎蛋係正反兩面半熟蛋🍳，蛋黃好流心；特色餐包用咗迷你菠蘿包上，係平時唔會食得到嘅配搭，有誠意💗～·♡ 瑞士汁雞髀撈公仔麵｜煎蛋火腿｜特色餐包 HKD$58原隻大雞髀大過我隻手掌🖐🏻，啖啖肉；成隻雞髀都好瑞士汁色，可見幾入味😋!! 公仔麵亦用瑞士汁加色撈勻，甜甜地好易入口。·♡ 真係菠蘿包 HKD$16麵包表面放上原塊新鮮菠蘿片🍍，內餡仲夾雜咗菠蘿粒粒，清甜果肉中和咗包本身嘅油膩感😚，值得一試。·♡ 牛油皮蛋撻 HKD$9牛油撻皮口感鬆化😙，蛋漿味道香甜，好吃😋。·📍快樂・順景銅鑼灣蘭芳道3號地下

我想同你一齊食…瑞士雞髀煎蛋飯🍗🍳🍚同午線小隊發現咗銅鑼灣呢個開心樂園：開心•順景😝發現落單紙仲保留緊傳統嘅港式茶餐廳落單叫法😝XO旦牛反68.00XO醬滑蛋牛肉飯飯，香濃嘅XO海鮮醬味！滑蛋好似平時嘅芙蓉炒蛋一樣，蛋汁溜溜，生熟剛好，配埋牛肉同埋白飯幾好味啊！份量仲要幾多男仔食都夠飽全早62.00少女最鍾意嘅全日早餐，呢度都有！呢塊炸魚柳好似美人魚嘅尾巴一樣炸得非常優美呀🤣旁邊仲有個迷你菠蘿包💕😝夠晒豐富!瑞士雞比太旦飯62.00平時下午茶食瑞士雞髀就食得多，估唔到主菜都可以見到佢！瑞士雞髀煮得非常入味，甜甜地好開胃！雞髀嘅肉質仲係好滑嫩～特別鍾意佢嘅太陽蛋，將蛋黃醬都麻煩一齊食，我就最鍾意！波羅油$15跟餐飲品飲才勿走央快樂．順景 (銅鑼灣)📍銅鑼灣蘭芳道3號地舖#銅鑼灣美食 #銅鑼灣茶餐廳 #瑞士雞髀 #瑞士雞髀飯#蘭芳道 #港女下午茶 #港女午餐 #雞髀飯 #全日早餐