念月樓

營業中

休息中

據知「念月樓」係一個新式酒樓品牌，集嶄新粵菜、川菜及高水準中式點心於一身，以創新手法呈現地道粵菜及川菜，於 7月22日喺大圍圍方正式開業 👏🏻 貴為新式酒樓，日日都見有好多人排隊等位，見今日係平日，估計都唔會等太耐，就決定去飲下茶，食下點心，最後去到等咗10張枱 (30 mins) 就入席嘞。 新開張，裝修靚，環境舒適寬敞，店內亦都設有房間，餐具精美，價錢稍貴。至於食物，始終我order嘅係點心，或者有機會試一試晚市 🥢 菜式 • 新派粵菜、川菜嘅特色 。是日叫咗以下五款點心，亦見足料，較喜歡高湯瓜粒牛肉球 ，用咗一個獅子頭造型嘅盅裝住冬瓜同牛肉球，別有一番風味。其次係鳳爪同埋叉燒腸粉，我都覺得味道可以，至於蝦餃同蘿蔔糕就真係一般般 😟 整體嚟講，味道係冇乜驚喜 .....▪️鮮蘆筍蝦餃皇班$65▫️高湯瓜粒牛肉球 $48▪️豉汁醬王蒸鳳爪 $45 ▫️XO醬臘味蘿蔔糕 $65▪️明爐香茜叉燒腸粉 $55▨茶芥$20@, 2位埋單$350蚊飲茶嚟講，性價比...... 飲茶食點心的話，我會試一次就夠~

走中高檔路線的新式酒樓, 屬LUBUDS集團。圍方暫時得三間酒樓，五樓有兩間連鎖美x集團。環境+服務： 念月樓服務及食物都不錯，有酒店級嘅感覺，基本上服務人員都明顯挑選過。裝修同餐具都好精緻，好靚。檯興檯之處唔太迫，好坐。食物：茶錢$20位, 叫咗壺普洱, 無茶味, 十都得色。點心都有水準，蝦餃、燒賣、腸粉、XO醬煎蘿蔔糕都好好食。小龍包就好一般；酥炸蘿蔔絲其實好精緻、同有心機整，但啲油出事，有油溢美。整體上都滿意，會在嚟食。

帶咗一家人去飲茶，所有餐具都好精緻…環境很舒適，雖然冇洗手間。食物都好美味，價錢就比較貴啦！冬瓜牛肉，有一個好可愛獅子杯！椰絲脆脆都估唔到咁好食…時間比其他地方就小人啲啦。但係都需要排隊嘅。另外呢個冇錢優惠時段，所有日子同時間價錢都係一樣嘅。

商場新開張，和家人即日試下。價錢中高檔，但環境唔錯，夠舒服。唔似沙田利苑咁迫。鐘意佢提供川菜和粵菜。因為本人怕辣，但家人卻十分喜歡，兩者都有，各取所需。唔似望月樓只有川菜唔係咁啱口味。蘿蔔豬手煲夠淋夠入味，細仔好鐘意，我話啲汁撈飯一流。酸菜桂花魚，魚肉唔醒夠鮮夠爽，啲烏冬都好彈牙。炸子鷄皮夠脆肉夠滑，泊得住酒店中菜水準。最特別係招牌焗豬扒飯，茶記食物放入中菜內，但味道又唔錯，和皇后飯店咁上下喎。沙田區無咩中高檔中菜，呢間會再幫襯。

新开張，装修靓，食具美，味道好，服务到位，人手充足。价钱稍贵，但夫復何求？LUBUD集团經营，保证水準！大圍新增好去處。忘记拍菜牌但選擇甚多。中午可飲茶吃点心。酒水牌也不错👌