影片
以上資料只供參考, 請與餐廳確認詳情
日日都落雨，今日終於陽光普照，即刻同朋友仔去石澳玩水，見到一間新的小店，門面很簡陋，面積也很少，因為平時食開旁邊那一間泰國菜，今次就試吓新嘢！三人行叫咗一個黃金粟米肉粒飯，粟米肉粒飯，普普通通就唔講了！頭抽前封牙帶魚飯，牙帶魚唔係度度有得食，不過好多骨，但係非常香口，要小心啲食，炒蛋份量好多，好大碟！好抵食！另外叫咗椒鹽雞扒配火腿飯，椒鹽雞扒炸得外脆內軟，超級香口又惹味！值得推薦！大家可以下次試一試！Ps:仲有佢哋標榜家庭風味，不加味精，仲有送湯品，是日例湯係花旗參煲雞湯！雖然見唔到雞，但係都幾濃郁嘅花旗參味道！不錯！這樣的小店，算高質！
繼續閱讀
炎炎夏日，朋友仔約我同老公去石澳，筲箕灣搭9號車嚟到總站差唔多一點，餓餓地梗係去食個lunch先🤣。周圍好多人，見呢間有位就入去，入到去都幾簡陋原始，廚房開放式，心諗冇咩期望但求醫飽個肚就算。餐牌得幾款餸，我同老公叫咗蝦仁炒蛋飯同粟米肉粒飯，唔包飲品。另外叫咗1杯羅漢果茶和1盒檸檬茶。佢係即叫即煮，所以要等一陣，先來一碟蝦仁炒飯，蛋滑🦐大大粒又爽，估唔到又幾好食。粟米肉粒飯，啲汁杰身有粟米味，肉粒算多，開胃😋。羅漢果茶就麻麻，可能羅漢果沖稀左唔夠味而且$18杯唔抵。整體嚟講，算係一間有heart 的小鋪😉。
繼續閱讀
今日同朋友去行 龍脊，再去 石澳 藍橋 同埋 大頭洲 ⋯ 之後佢建議去呢間小店食嘢 ⋯ 我當時有啲疑惑，因為之前去過N次石澳，但係對呢間鋪頭居然一啲印象都冇 🤷♂️ ⋯ 後來去到，見到門口一啲都唔起眼，地方又唔大，枱又唔多 🤔 ⋯ 一場嚟到，即管坐低，叫杯凍檸茶試吓 ⋯ 噫 ！個茶底ok得喎😋 ⋯ 跟手再叫咗碟「滑蛋蝦仁飯」，同埋「石澳梅菜王豬肉飯」⋯ 真心好食👍 … 啲 蝦 冇蘇打味，反而有淡淡嘅酒味，啲 梅菜 香甜冇渣 ⋯ 作為一間茶記，都算高質，值得推薦 !!
繼續閱讀
508 瀏覽
今日去石澳海灘……上一次嚟都1x年前！嘩！個沙灘的沙灘傘、沙灘椅整齊排列，甚有外國小島影子。難得嚟到早、午餐當然都在石澳揾食。隨便找家在車站附近的小食店……小食店位於2層高以鐵皮搭建而成的屋仔內，門面找不到名字……小店裡面環境簡陋，非常原始，跟石澳環境背景配合。小店面積細小, 只能夠容納十多人，沒有正式的廚房, 只有簡單的煮食工具。坐下才發現小店把名字印在椅上而且塗上海洋氣息的寶藍色。原來小店名叫「思家菜」英文名叫「homesick cuisine」... 都幾有意思。唔知道背後是否有個非常特別的故事呢？早餐只有兩類:三文治及粉麵。早餐不包括飲品有些不能接受，加杯飲品的話，一個早餐要四、五十蚊，比茶餐廳、大家樂、大快活還要貴……點了最地道的【餐蛋麵 $27】及【餐蛋治 $21】。餐蛋麵味道沒有太多評論的空間，因為食物製作簡單，味道就像自己在家煮的味道，只要用上出前一丁就已經非常美味。餐蛋治如果做到澳洲牛奶公司質素就非常吸引，只可惜這個餐蛋治味道沒有大驚喜，材料比較薄身缺乏口感，不過不失。午市及晚市供應的小菜比較吸引，相信跟早餐一樣充滿家的味道。
繼續閱讀
考完試約了一班同學仔去石澳海灘玩！藍天白雲好好天，游水玩沙後最易肚餓，好在大人多，有義士自告奮勇去買食物餵班馬騮！沙灘邊好多鐵皮店，食物都係香口惹味嘅！呢間主打港式小食，門面簡陋，包裝都係好簡單嘅紙袋同膠碗，樣樣都買啲！（因為唔係我買，所以唔個別價錢炸雞髀🍗：紙袋入住（呢種吸油啡色紙袋係細個小食必用）唔大隻炸得透，醃得入味，雞肉外脆肉唔乾，香料重，鹹香惹味！燒賣：蒸得透，煙煙韌韌幾彈牙，最正一定係個甜豉油，甜甜地微鹹，有層次好味魚蛋豬皮：叫咗一碗辣一碗唔辣，唔辣嘅醬汁似燒豬醬嗰種甜味醬，而辣嘅就惹味好多，辣到流鼻水，又忍不住再食，又有啲甜味，魚蛋彈牙，豬皮爽口又多窿，索晒啲辣醬，好好味司華力腸：已切片，皮脆肉有汁，油香滿咀，好味配合陽光海灘的食物
繼續閱讀