思想共鳴 (已搬遷) 新店位置

專程到新蒲崗拿東西，快日落西山時恰巧嘴饞，便決定在堂食禁止前在新蒲崗填滿肚子。思想共嗚這個一點也不像餐廳的名字吸引了我。這是一間播著廣東歌的小餐廳。兩個人各點了一份香煎牛舌配脆炸薯條和一份鰻魚汁煙肉炒飯。牛舌煎得很香，入口時有陣陣濃厚的牛味，咬下去時牛脂在口腔內散開，若能配白飯就一流了。每塊牛舌都與尾指的厚度相約，很好咬勁，但肉質絕對不乾不柴，每一塊都是總享受。配菜的薯條上桌時剛炸起，表面酥化，很好吃。鰻魚汁煙肉炒飯賣相令人食慾大增，煙肉的份量很多，鰻魚汁完美地黏在每粒飯上，味道濃郁而不膩，很好吃。飲品方面，我們點了一杯熱茉莉花茶和凍檸水。茉莉花茶很解膩，吃完牛舌飲剛剛好。

行山過後落到黃大仙，附近黃店唔多，決定去新蒲崗支持同路人。離遠已經見門外有大字報，地方細細但坐得尚算舒適，而小店每個月都會轉menu，相信成日食都唔會悶。伯爵茶無諗過跟餐會用上原包Twinnings，茶香幼滑，驚喜用心。脆炸雞軟骨 +$16無諗過加錢嘅小食都咁大份，雞軟骨新鮮炸起，唧少少檸檬汁，惹味好食。牛肝菌野菌螺絲粉 $42 (下午茶)唔想食咁多肉嚟個素食選擇，菇菌份量多，螺絲粉彈牙入味。Carbonara $42 (下午茶)火腿煙肉鹹香，汁醬有點多，幸好唔算太creamy所以唔會膩，意粉煮得啱啱好，唔錯。常言道：話不投機半句多，願大家身邊都係同你思想共鳴嘅人。

係📱外賣 app 見到呢間餐廳🍽個名幾特別，食物款式都唔少，有啲好似幾特別添～我最後就揀咗呢個「日式海膽煮蟹肉意大利飯配酥炸軟殼蟹」，真係👀睇見佢個名都感受到佢嗰個氣勢😂！呢個🇯🇵日式海膽煮🦀蟹肉意大利🇮🇹飯配酥炸🦀軟殼蟹顧名思義係有晒個名入邊嘅所有嘢🤣，外賣送到黎都仲係暖笠笠☺️，一開蓋就聞到軟殼蟹🦀味同埋海膽味👍，而且見到有原隻酥炸🔥軟殼蟹🦀係入面真係幾驚喜🤩！蟹形好靚好完整😍，咬落去好酥脆🥰好香口🤤。🇮🇹意大利飯充滿海膽鮮味，料足😋而且啲飯粒粒分明，不過就腍咗少少🤏冇正宗🇮🇹意大利飯嗰種咬口，但就幾適合華人口味嘅～整體來講🤤味道十分之唔錯，用料足👍，對得起佢嘅價錢😎，下次會再試佢其他嘢食🥰！

呢個烤豬鞍其實就咁睇個名都幾好奇，加拿大法式究竟係咩東東🤣 一上到黎就係一份好普通既烤豬扒，我以前以為豬扒通常都會烤到好韌好硬，但佢呢份豬扒竟然有驚喜😚 食落好軟腍之餘，仲保留到肉汁，打破左我對烤豬扒既壞印象🙈 而烤野菜就係烤茄子同翠玉瓜，味道都唔錯！我同朋友仲加左$10要左個細細地既鮮茄意粉，味道正正常常，但$10黎講份量都算比得多👍🏻估唔到西餐廳既裝修，入面仲有日本野食嗌，我地兩個海膽控就揀左呢個炒飯！由於係日式炒飯，所以配菜都加左唔少菇同瓜！而三文魚都唔少，不過就幾碎下，全部都好細粒🙊 而佢個海膽我覺得就比得有啲少啦，得面頭果pat，令到個飯既性價比低左少少。好在個飯炒得好香，粒粒分明，又夠乾身，係我中意既炒飯質地！😀呢間深黃既街坊西式小店野食既水準都幾唔錯，特別係個烤豬鞍扒真係好有驚喜😋 而由於係小店經營，環境就唔算好大，但裝修都四四正正！值得表揚既係佢入面有個角落係擺左好多連豬同pepe做義賣，深黃得交關，呢啲小店真係要多啲支持🙆🏻

今日同朋友試左呢間思想共鳴，試左個鮮茄雞肉螺絲粉。其實好老實講，一開始並吾睇好碟粉，心諗碟螺絲粉又會好食得去邊！點知食落其實係吾差既！😳😳😳主要係個蕃茄醬撈埋D野菌好食，但對菌類敏感既人士要留意番！個醬都比得幾多下，會有少少酸，係吾會有甜味既，不過好彩有杯茶可以飲。碟粉面頭係煮到彈牙，但底下既螺絲粉可能因為有醬浸住左會有D偏淋，建議大家食之前要撈勻。整體都係好食既，同埋可能有落羅勒或者其他香草，所以會聞落香D，刺激到我食慾！伯爵茶（跟餐送），普通茶包茶。另外，佢地門口有個位，可以比你買香港人岩用既飾品，係自出價既！

家裡毛孩寵物美容店在新蒲崗，幫襯十幾，今天順便搵好嘢食。帶著小狗不方便堂食，也只好外賣。朋友studio 在新蒲崗，推介這家小店。從名字已經很清晰，裝修比較文青，燈光比較暗，堂食氣氛應該也不錯 ！店員都是後生仔女，顧客也全是年輕人，我進去應該算是奇葩，哈哈哈 ！點了 2 個小食，脆炸雞軟骨 $38及雞中翼$28(3隻），等了大概 15分鐘，店員告訴我可以坐著等，敬老呀 ！讚9秒9就趕回家，希望不會影響味道！雞翼可以，沒有什麼特別 ！但雞軟骨很驚喜，配檸檬汁絕配 ！吃著吃著，很快就吃完！今天很奇怪，幫襯 2 家小店，消費都同樣是 $66 下次來堂食

唔洗睇posters，睇個名都知啦💁🏻‍♀️店員係好有禮貌既小伙子👍🏻個人認為餐廳暗左少少.... well, 可能一條友去醫肚，feel唔到咩叫浪漫🤷🏻‍♀️雖然係入左西餐廳，但其實我係想食飯架🤪 叫左個鰻魚炒飯個飯黎到我都幾surprise, 真係原條鰻魚，仲要砌得好適合影返幅相咁（但唔夠燈光囉）條鰻魚係厚身架，其實單食完條鰻魚應該都飽左半。個飯都幾好食😋 但，鰻魚沖落太多啦、太豪爽，有啲喊左少少，特別係鰻魚上面嗰一束海帶。連鰻魚本身既味道，我都覺得俾醬汁搶左，要撥走佢（好彩個碟夠大😌）食食下飯，開始留意到餐廳播既歌！唔係廣東話流行曲咁簡單，係改過歌詞翻唱既歌💛 唔肯定係咪仲有自己或者band作既曲（原諒我太少聽流行曲，認唔到🙊）反正就係聽埋歌詞，就覺得好有同感、好想仔細聽落去，都好欣賞餐廳咁別出心裁、咁支持本地製作❣️

朋友介紹，HKer要幫襯HKER。原本想叫咖啡飲，朋友話凍朱古力一定要試！餐廳話朱古力本身已經調好味，對於飲任何奶類飲品都走甜嘅我，都猶豫咗一下。朋友話真係好飲又唔太甜，決定信佢一次！果然，超香朱古力奶但只有30％甜。感覺有啲似Cova個杯，仲要冇咁甜。好正呀！

這是一間提供日式和西式食物為主的餐廳，環境格局簡單，全部座位都是依牆而放，枱與枱之間的距離都比較近，沒有太多的私人空間。橙光都正常，還有採用門口大趟門作採光，光線充足，隨後店員為我打開頭上天花的燈。大門口是一個大趟門組成，而室內門口兩邊都有放置座位，這有一個問題, 就是當開門的時候，其中一邊坐近門口的食客有機會被趟門撞到, 餐廳佈置上有少許沒細心 (編按: 是次體驗是在二人限聚令期間，餐廳位置可能有特別安排才有這失誤。)餐牌方面，設計簡單清楚，中英文對照，Lunch Menu主食有日式和西式兩個類型的食物提供，分別有飯和意粉各三款可供選擇，價錢由 $60 至 $100 不等，其中日式海膽煮煙三文魚大蝦意粉和青芥未鮮野菌蜆肉意大利飯，這兩款比較有西日Fusion 的感覺，而鮮茄牛舌螺絲粉，菠菜忌廉汁烤雞螺絲粉和龍蝦汁海鮮意大利飯則感覺比較西式，最後原條烤鰻魚炒飯就有日式的感覺。飲品方面配上價錢 $18熱飲一杯，$18 的飲品有英式紅茶/伯爵茶/苿莉花三款，另外也可以補差價選擇其他非酒精飲品，這裡的飲料主要是茶，咖啡，果汁和可樂等有氣飲品，價錢都是由$18-40不等，另外餐廳也有提供啤酒，

以前聽過有句說話：「一件藝術品之所以能夠感動人，是因為被感動者在這件藝術品中引起某程度的思想共鳴。」唔知新浦崗越透廣場地下呢間 #思想共嗚 @hker.2020 係唔係都因為都聽左呢句說話所以改左呢個名😂（如果係既話，我哋真係思想共鳴啦🙈）食物就係佢哋提供既藝術品🍝☕️既可以帶來口腹既滿足，透過共享相同的理念亦可以提供精神食糧💡🎗💛💛💛🦞龍蝦汁海鮮意大利飯（lunch set $78)侍應捧緊碟飯出嚟我已經知道實係我碟野，因為離遠已經聞到龍蝦湯陣蝦香👃🏻一放上枱我即刻心心眼❤️❤️因為成碟飯都係新鮮海鮮材料😍本身叫海鮮xx又見到佢成個lunch set都只係$78，都有心理準備可能佢中間會夾d🦀蟹柳/日式鳴門卷充撐下場面🙈點知冇不特止，仲要有蝦有蜆有青口🤤誠意滿分💯意大利飯每粒米都充分吸收龍蝦精華，creamy又帶點酒香，蝦味十足👏🏻👏🏻👏🏻🍋🍯檸檬蜜味芝麻雞翼（三隻）（lunch set +$16)其實食咗個意大利飯已經有點濟，個清新酸爽既檸蜜味又令我開胃返🥰為呢餐飯錦上添花🌼🌹☕️玫瑰鮮奶咖啡（lunch set+$20)每一啖都有玫瑰既清香，美中不足的是味道偏甜，飲開黑咖啡的人可能會不習

今日同親愛的去新蒲崗做運動。去到新地方梗係要去見識下當地黃色力量😍😍😍本身諗住買外賣。但係係門罅見到入邊碟野勁靚即刻坐低堂食！隔離枱話佢食緊海鮮意大利飯即刻跟隊oreder 返個😍😍😍唔係講笑!!!!!!超好食！！直頭好似去咗希臘santorini 食嗰個西班牙海鮮燴飯希望快啲可以返去再食過

這兩星期開始疫情嚴重，日常也少出街，Home office後出來抖氣及補充食物與日用品。來個tea也可以吧！$40 款的餐價，點了❮鰻魚汁煙肉炒飯❯比較綿的炒飯，冬菇片，煙肉片，粟米粒，碎蛋，乾蔥，甜甜的鰻魚汁，味道可以，少一點油更好。❮芝士焗大啡菇西蘭花椰菜花❯ 大啡菇不是很大的哪種，約是大個點的冬菇size，不過有濕潤感，加了煙肉片一起焗，芝士香口起絲，西蘭花與椰菜花有咬口，不會過腍，雖不及炒飯飽肚，但啱我口味。追加個❮薯仔沙律❯$12一人份量，醬汁挺清新，菜也ok ，如份量可增加點點，或給雙球薯蓉會讓我們更開心。

新蒲崗黃店 思想共鳴 HKER係越秀廣場地下疫情嚴峻 繼續需要探熱 消毒雙手先可以入座每張枱只可以坐兩個人 同埋唔可以全店五成滿座枱與枱亦有隔板隔住店口細細 都幾多客人店員亦夠主動同有禮貌揀左lunch set: 芥辣羊肉螺絲粉好似食緊燒肉 落左黃芥辣咁 啖啖都湧上個鼻 好refresh 不過今次係成碟都係芥末味羊肉粒好多 質地亦唔會太難咬口螺絲炒唔會煮得太稔青口凍撈烏冬青口醃得有d 味份量都足夠檸檬蜜味雞翼 3 隻 跟餐加$16 熱辣辣上菜夠酸夠蜜糖味夾上口仲有d蜜糖掛住但外皮可以煎得更脆餐飲：芒果乳酪玫瑰latte

💛#支持良心餐廳💰鮮茄牛舌螺絲粉 (配伯爵茶) $68 上面標嘅係我係OR menu見到嘅價錢而我今次就係網上外賣平台叫嘅(埋單$113）~真係足不出户食黃店🤤先來講講個份量 我覺得好足🤣 原本外賣兜上 我仲以為得好少 點知倒出嚟自己都嚇親 係裝滿晒成個碟嘅份量茄汁味濃 係偏酸 唔係溝好多糖嗰隻 係我中意嘅味道🥳 之後牛舌厚切 爽口 有嚼勁 食落有油脂香😆 到我最挑剔嘅麵底 佢螺絲粉係偏幼身嗰隻 算係煮得偏淋身 但好彩汁唔算好水好多 所以仲保持到個質感 唔會變到好霉 但再硬身返少少 再al dente啲就perfect池~Btw呢間餐廳離遠睇過裝修都知極深黃💛大家多多懲罰🤤

經外賣app叫了兩款食物，分別是意粉和意大利飯，份量不算大，對女生來說剛剛好，男生也許要多點小食。意粉和意大利飯都煮得剛剛好，不會太硬或太軟，配料和醬汁也很足夠。價錢來說有點貴，但還算值得的，食物送到來還是熱的，這應該歸功於店舖所用的外賣盒的超強保溫能力。另外有一點，很欣賞店舖提供的環保外賣餐具，還可以讓客人選擇茶包取代泡好的茶 (這一點對外送很重要，選茶包就不怕過度浸泡，也不怕會在運送途中不慎倒瀉)。