怡園粥麵小廚 (已結業)

午飯時間黎到呢間粉麵餐廳，新開張約個多月，前身都係粉麵鋪。我二話不說當然叫返碗細蓉先啦，賣相正路，由於加左牛腩汁，所以碗湯呈啡黃色。湯底唔算濃，牛腩汁味都唔鹹，但食得出係有味精湯底。雲吞皮夠薄而餡夠多，蝦肉都頗爽，雲吞質素係不俗，size都夠細細粒易食。至於生麵底口感都算細嫩，不過份量就比較少，唔多夠食囉。

小妹第一次出食評，因為真係伏得好緊要當日用餐時間為晚上十點半，店內冇乜人，打算叫碗牛腩河，落單時想叫瘦腩，點知個啊姐話冇，Fine ！等左十幾分鐘先嚟，我離遠睇住啊姐拎嚟時，心諗，唔係呀嘛咁細碗，一定唔會飽，但好彩牛腩食落唔算肥，而牛筋就真係唔得囉sorry，完全冇味！河粉又散，成碗野加埋只可以講好難食，重點係索價$35 ，相信美孚有好多選擇都好過佢。食食下途中，都聽到隔離枱有落錯單同漏單情況，啲員工真係要再train下！環境方面，可以話係完全唔夠冷氣，一路食一路出汗，綜合以上所有野，呢間野永久blacklist ！

一早要去美孚做義工賣旗，去到仲早，當然醫肚先！返工日日茶餐廳早餐，放假就要食其他，呢間有粥品，在門口睇緊時，店員出來招呼！所以就入去試下，店面唔大，木紋膠板桌椅！光猛乾淨！碎牛粥餐（$30）要了少餸，自己喜歡多啲粥少啲餸！粥底幾綿，加了青蔥花及生菜爽口，碎牛唔多！味道正常！跟餐蝦米腸：腸粉嫩滑，青蔥花及蝦米淋身！點豉油汁好味！店員除了一個姨姨之外，仲有個後生女，明顯係暑期幫手，完全唔熟手，不過幾有禮簡單又豐富嘅早餐！