恆河咖喱屋 (已結業)

上星期晚想食印度菜，於是來呢間試下。有餐前小食:脆薄餅，附上薄荷葉醬，食落清新。而我們就叫了咖喱羊肉（少辣）、普通薄餅同Q版烤雞。咖喱羊肉：一啲都唔辣，但香料味濃，肉身夠軟，正！薄餅:份量都幾多，點咖喱羊肉啲汁食，好食呀。Q版烤雞：侍應灑上了少少檸檬汁，烤得好香，都幾好。整體上滿意。

第一次到恆河,係因為親友推介, 自始都會間唔中去食..真係幾惹味今次都係食晚餐, 一份都幾多..但係實在太好食...胃口細既我都差唔多食晒...加多個跟餐既飲品, 我獨愛既藍莓乳酪(好似係咁) 非常滿足另外店員大致幾好, 只係有一兩個比較粗聲粗氣吧

話說琴日係大利見到人食印度烤餅......返到屋企一直念念不忘.....因為真係好吸引所以今日去左想試好耐恆河....食咖哩同烤餅下午12:20左右入到去....比想像中少人...只得7-8成滿....坐左係最入果張台度......叫左set lunch :忌廉湯+咖哩羊肉(少辣)+千層油酥(另加$5)+熱咖啡先黎係忌廉湯....正如先前食評所講.....有一舊舊未溶既忌廉...唔得咖哩羊肉(少辣).....唔錯...咖哩香濃..有d薑絲係面...唔知點解有d酸酸地(印度特色掛)...羊肉姐係羊腩..不過分量好少...好似得4舊左右....唔太腍亦唔太韌...不過少辣真係少辣-_-"少到機乎唔辣禁....連我呢個係14度既環境下...食譚仔既酸辣都可以食都成身大汗...可想而知...個咖喱真係唔辣千層油酥...無得彈....新鮮整熱辣辣...外面脆脆地內裡軟...有牛油香同面粉香...點咖哩食一流...無令我失望熱咖啡...唔得...酸既飲左3分1就放棄另外....因為個千層油酥即整既關係...個咖哩到左10分左右...件千層油酥都仲未黎...望住自己個咖哩...同望住對面果個哥哥食得

好耐冇寫食評都要0係呢度讚下!呢排因有事要經常在筲箕灣出沒, 我本人好鍾意食咖喱, 所以便來這裡一試!點了一個set lunch, 有:餐湯.....一般!咖喱羊肉, 要了中辣....非常好味, 食得出有香料味, 好香!千層餅(要加5蚊).....好正! 有油香味, 而且新鮮整, 熱辣辣, 同咖喱簡直係絕配!奶茶....幾香, 唔錯!如果喜歡咖喱既朋友, 我會推薦給你們, 但唔食得辣既朋友, 我建議你們不要叫太辣!

很久沒有來這裡吃東西，於是上星期日與媽媽專程乘車來吃午飯。今次要了兩個午餐：Q版燒烤雞和咖喱牛腩。燒烤雞只有三件，味道一般，但咖喱汁很好味。咖喱牛腩仍然保持水準，焾滑又夠香。餐湯是忌廉湯，湯內仍有「一舊舊」的忌廉，好差。烤餅好味，只是有一塊底部較焦。環境較細和局促，但勝在價錢相宜，午餐每份三十五元又不用加一，值得一試。

上星期寒流到, 同事問去那吃飯. 想都沒有想我就答今天宜保暖, 時日咖喱首選. 同事們就笑笑口一同前往. 不算太偏愛吃咖喱, 所以來這裡也只是每月一選而己. 兩位同事吃白咖喱, 我就四圍望, 雖然口說想吃咖喱, 但不想吃肉, 有個原因是上次吃了牛或是羊, 咬口其差... 細看餐牌發現了鐵板Q版雪魚. 真係鐵板上, 份量不多, 只有三粒, 咖喱另上, 我配印度餅吃, 吃後剛飽腹. 有加凍OT. 服務是一貫的好

有一陣子冇食,有點懷念,於是到這兒午膳後才去上班~大概是太早既關係,點內只得我和男友兩人~點了Q版燒雞肉(即係鐵板上面放了點椰菜,3舊雞,咖哩汁另上)+餐湯+ 千層油酥(另加$5)+凍檸茶不過今次黎食已經冇左5蚊兩隻既雞翼,非常失望!!鐵板雞肉,加了少少檸汁,可去一點油膩感~加埋咖哩汁,直情係食緊鐵板餐~~千層油酥依舊香,脆,咸~正~唯一唔好, D雞塊真係太少~食食下...個貌似老闆娘既人返黎不一會聽到佢同員工既對話, 內容大概是指責員工(未知是否聖誕原因)引致近日工作效率低了...等等~眼見那女人眼神凌厲, 忽然間感受到那種淒涼+壓迫感~畢竟, 人是人呀, 不是機械...也會有情緒,更加不要在顧客聽見的情況下責備員工,影響形象!!

恆河是筲箕灣很出名的一間咖哩店, 西灣河都有間分店.廚師是印巴人. 有待應都是. 環境暗暗的, 一踏進店便感覺彷如去了印度般.set lunch好多選擇, 點了白咖哩牛仔肉. 因為唔想食辣, 如果點咖哩是可以揀大中小辣的. 可配薄餅或飯. 以前試過薄餅, 熱熱的, 很大片, 點咖哩汁吃. 今次點了飯. d白咖哩味道很濃, 牛仔肉都幾大舊. 其實很不錯的, 不過太濃的食物不合我口味. 還有那碗羅宋湯都很濃味. 這個餐有餐飲, $33. lunch好多人.

巴士介紹呢間咖喱之前已經久仰大名不過要返黎筲箕灣你估唔遠架而且作為兒時成長既其中一個地方永遠係心目中都有佢既神聖地位所以都要時間心情都配合先得結果今次落地鐵先黎拎飛過去食左兩串沙嗲返過黎就岩岩好有位地方迫狹坐正出菜位好彩後來有得轉檯如果唔係都幾煩Naan睇住門口既師傅新鮮整大份得黎都熱辣辣不過就煙韌得滯似乎唔多夠油酥首先上場既主菜係Masala 蝦紅紅地既汁比黃咖喱多左香料味同辣味蝦都算幾大隻不過得五隻唔多夠咖喱草菇芒果雞呢個組合都算特別喇唔知係咪因為雞肉同咖喱味的掩護看來不是特別新鮮的芒果竟然異常地甜雞肉亦唔係雪藏雞脾算係咁招牌墨魚tandori 其實就係當佢印式燒雞咁整法成隻墨魚切開放入燒爐串燒製法無特別但用墨魚就好少見一般tandori雞都燒到乾晒但用黎燒海鮮其實就岩岩好呢度既墨魚真係勁厚肉之餘香料依然入味而且爽口值得試下食完都相當夠飽行去總站搭搭電車吹吹風又是一番滋味日子其實可以簡單過但不等於平凡地悶悶地過

前兩天與家人到這裡吃飯，要了招牌菜「鐵板燒墨魚」連烤餅，「咖喱羊膝」及「炒通菜」！「鐵板燒墨魚」，上時淋了些檸檬汁，”喳喳聲”，有咬口，很好吃！「炒通菜」一般，鹹了少許。「咖喱羊膝」，有兩隻，肉夠軟熟，有很多咖喱汁…想這是方便客人用汁淋上白飯或伴烤餅吃！吃罷還覺得不夠，又要了一客酥油餅和烤餅，酥油餅牛油味十分濃郁，但本人則十分欣賞烤餅，即叫即做，新鮮熱辣，伴咖喱汁吃，嘩……一流！！

住在東大街附近幾年,經常行過也沒有光顧,而且門外裝潢也不起眼.~加上男友說這間店不好吃(但原來他並沒有吃過)光顧前來這版先看一下食評才選擇食物~午餐33元(包是日餐湯,咖哩主菜一碟,飲品,飯或烤餅),很超值~二人點了以下食物:1)白咖哩牛仔肉餐+ 餐湯+ 烤餅+ 咸檸七(另加$5)2)咖哩羊肉餐(少辣) + 餐湯+ 千層油酥(另加$5) + 凍檸茶3)另加$5 2隻蒜香雞翼餐湯沒什麼特別,也算不上是好味~白咖哩牛仔肉- 白咖哩是不辣的, 帶微甜, 有牛奶香味及辛味, 因帶甜味會比較容易吃膩; 牛仔肉不會太硬, 食落有牛肉味(不會被白咖哩蓋過肉香)咖哩羊肉- 應該是紅咖哩, 少辣(好辣者可加辣)很開胃, 伴烤餅食一流; 羊肉是腩, 帶點肥, 食落肉香則很少(被咖哩蓋過肉味), 烤餅新鮮即烤,內裡軟, 外面微脆, 很特別千層油酥很有牛油香味, 乾吃不點咖哩吃下有咸香味~必食~蒜香雞翼- 外表沒有蒜粒, 但吃下時發現原來蒜味是在雞翼內裡的肉~很特別..必試老闆是印藉人士, 很熱情的用英語招呼客人, 服務不錯~

琴晚同男友黎食.set dinner ranges from 60幾至80幾, depends on 係乜.因為我唔鐘意食羊,又唔鐘意食海鮮,於是散叫.1)白咖哩牛肉pot2)馬拉盞炒通菜3)nann白咖哩牛肉pot portion 唔大.同埋因為係白咖哩既關係,唔辣...所以唔係好岩我呢個辣人食.我平時黎食開,都係食普通咖哩.覺得普通既岩我口味多d.馬拉盞炒通菜OKnann好味.順帶一提係我覺得恆河既nann好抵食.比出面平d同大塊d.印巴藉經理好nice.不過呢度既set lunch係抵d架.30幾蚊就搞掂.

筲箕灣東大街除魚旦粉之外, 原來仲有呢間咖喱都係好正!除d 咖喱正中外...個薄餅都好好食...一個餐有餐湯,咖喱跟薄餅(兩塊)同埋餐飲$33...已經好飽啦...而且個薄餅好正, 得兩塊真係唔夠喉呀!ps. lunch time 好多人ga, 成日都要等位...而佢位又唔多...所以食就要預多d 時間啦.

比起筲箕灣嘅分店,依間好好多,如果叫老闆娘介紹,佢都唔會介紹錯,服務幾好,印巴藉侍應好nice, 啲咖喱味道濃,加埋千層酥餅簡直一流,通常我哋會叫咖喱雞&咖喱羊,兩種唔同嘅咖喱,諗起都好好味

這是一家小本經營的館子，只佔舊街一個很小的地鋪。但正所謂麻雀雖小，五臟俱全，一進店，幽暗的燈光、撲鼻的香料香味，夠情調，也開胃不少。翻開餐牌，眼花撩亂，結果點了三大個菜，馬拉汁羊膝、香料魷魚鐵板燒、香蔥咖哩炒雞件。味道香濃得來又不太鹹，高質素的演出。這餐飯還有意想不到的驚喜。就如那味羊膝，大碟不在話下，而且是餐，送湯、飲品、烤餅，附送的烤餅居然有四塊之多，每塊都有兩隻男人手掌那麼大。而幾名侍應招呼也是非常殷勤，其中一位印巴藉的侍應，在我稱讚他介紹的一味鐵板魷魚好味，更招呼我們，把食物分到我們碟上，非常細心。而我們著他們為咱倆拍照，也來者不拒，還笑容滿面。到我們結賬，印巴藉侍應還替我們開門，微微鞠躬真誠的微笑說聲「thank you for coming!」。只惠顧二百元，不收加一，又得到上賓式的禮待，超值。