恆河咖喱屋

營業中

休息中

今日黎到筲箕灣恆河咖喱屋，一間好正嘅印度菜餐廳，門口已經聞到好香嘅咖喱味。入到去坐位唔算好多，地方比較細，大部份嘅顧客都係平時幫襯開，同入面嘅職員好熟絡，大家有講有笑，感覺好親切。叫左一個咖喱羊肉，咖喱雞肉配薄餅，佢哋嘅咖喱真係好香濃郁，黄咖喱微辣配外脆鬆軟既薄餅，簡直絕配，雞肉香濃嫩滑，下午餐配餐飲同蔬菜湯，個人認為份量啱啱好。·咖喱雞$66·咖喱羊$68恆河咖喱屋 (筲箕灣)筲箕灣金華街6號地舖

今天我去了筲箕灣的恆河咖哩屋，品嚐了他們的港式咖哩。我點了咖哩雞和咖哩羊，配上烤餅。這裡的咖哩很有印度風味，香料濃郁，辣度適中。咖哩雞的雞肉很嫩滑，咖哩羊的羊肉很有嚼勁，都很入味。烤餅是用牛油烤的，外皮酥脆，內裡鬆軟，可以沾咖哩汁吃，也可以包著咖哩肉吃，都很美味。這裡的份量很足，價錢也很合理，環境也很乾淨舒適。服務員的態度也很親切，會用廣東話和英語溝通。我覺得這裡是一間值得推薦的咖哩餐廳，適合喜歡咖哩的朋友們來試試。

恆河喱喱重開，以前係西灣河，味道同以一様，星期日去可能要訂枱人有D多，鍾意重口味嘅可以黎試食咖喱牛腩配米飯，超好味D汁仲可以用來點傳統薄餅，環境衛生都唔錯，態度幾好，大家可以過嚟試吓啦

同朋友Lunch約埋食以前成日食 但新開返未食過嘅恆河叫左3款餸 分別配飯同烤餅🍗咖喱雞肉朋友唔食得辣叫左少少辣黎到食到個辣度朋友話咖喱汁好味雞肉幾滑🥘天多利蒜蓉雞鐵板上仲滋淺滋聲雞肉外皮邊位夠脆不過如果配烤餅就冇汁點🤣但個味道係唔錯🥩瑪沙拉牛腩叫左Hot 要辣啲個汁真係做到有辣佢嘅口味係少少酸辣個種啲牛腩都唔錯唔會太硬咬唔到*配飯好大碟 份量其實可以2個人食如果烤餅同飯都想食可以一人叫一樣share

正宗印度咖哩，好好味，回憶返20多年味道，絕無餐廳可以代替，無論食物飲品服務，只要你真係鍾意食印度咖哩嘅味道，一定要諗起呢間舖頭，各款烤餅非常正宗，唔要食辣嘅朋友一樣可以嚟呢度試下.

作為筲箕灣附近的街坊街里.相信對恆河咖哩屋一點都不陌生.今日午餐搵食 睇到呢個熟悉的名字便決定進去 食了一個午餐看看重新開業後有冇進步先😆我點的是咖哩牛腩飯味道：3/5 （不算太辣，香料不算突出，偏油）環境：4/5 （店內佈滿富印度特色的裝飾，播著印度的歌曲，不算擁擠；相信晚上氣氛會更好）服務：4/5 （店員雖為外籍人，但操流利廣東話；而服務態度很好）加分位： 雖然味道上與一般大家食開既茶記差不多，但有除了白飯還有印度薄餅選擇，還有特色沙冰，算是不錯👍🏻整體：3.5/5 作為老街坊的話，不妨來試試！ 也算是支持本區的特色老店哦！

恆河咖喱屋😋😋😋永恆不變咖喱回歸筲箕灣東大街新開張印度咖喱、門外裝飾充滿印度風味、正宗印度人主理、原來再度回歸！曾經結業、最盛名時、筲箕灣、西灣河的恆河咖喱屋！質素仍保持水準！未落單先、免費送上地道印度脆餅、配緑色香料帶微辣醬、醒胃小吃😆腰果羊肉咖喱$128⋯⋯將腰果磨蓉成醬、加羊肉件炆煮、唔少得印度香料咖喱和saffron番紅花、提升菜味道、還有消炎、排毒養顏、嘻嘻😜、🐑粒夠嫩滑唔韌、口感一流！味道好夾、👅舔舔脷配牛油烤餅$24、鬆脆香口、外脆內軟、濃香牛油味👍🏻烤鬆餅$25、賣相似香港粥麵店的鹹煎餅、外層薄脆帶點微鹹感、感覺新鮮、口感特別、新嘗試！配搭一流、食到唔停囗、舔舔脷、免治肉餡烤餅$28⋯底面烤香鬆脆烤餅、中間夾住免治肉、口感豐富、帶出味蕾新口味！恆河咖喱屋筲箕灣金華街6號地舖港鐵筲箕灣站C出口、步行約2分鐘

曾經係米芝蓮一星的恆河咖喱屋，在東大街發跡，之後搬咗去西灣河，2018年結業，最近又回歸筲箕灣了。我哋今次食午餐，點了一客雜錦拼盤餐，和一客咖喱魷魚套餐。拼盤套餐有飯、印度烤餅麵包Naan和印度菜餅，仲有3款咖喱：雜菜，羊肉和雞肉。套餐就可以揀飯或印度烤餅。佢哋嘅印度脆餅比較辣，脆卜卜的好正。個人最喜歡印度烤餅，乾身爽口，下次打算買外賣食😎最重要都係講返咖喱，味道不算太辣，唔食得辣嘅人都應該可以入口，係好味嘅，但個人覺得烤餅比咖喱更出色👍🏻

恆河咖喱屋再度回歸筲箕灣，而且係電車總站旁，好方便，遊完電車河順便食下。眼見都多街坊食，雖然餐牌有中文，但入面員工都係講英文多。簡單叫左個晚餐C 咖喱牛腩，佢個餐會有送烤餅/酥餅/飯，我地要有牛油香味既酥餅，仲有小食(印度脆餅、咖哩角同雞件)送。餐湯係南瓜湯，唔算係濃湯但帶有d黑椒味。野飲我地加左$20想試MANGO LASSI，呢度係mango lassi 係用新鮮芒果同乳酪打製而成，感覺thick D，幾有口感又解辣。我地其實唔算食得辣，所以叫左少辣，好惹味，牛腩亦夠腍，個汁都係比較厚身，沾烤餅食一流! 不知不覺全部汁都近乎點晒。酥餅係比烤餅脆，但兩隻都好味，我自己就鍾意原味烤餅多。另外叫左牛油咖哩雞，個汁係冇牛腩個個咁厚，有香滑感，有少少牛油味同蕃茄味，再加有D香料味，唔辣但又有香濃味道。呢個冇跟餐所以另加左一份plain Naanz，亦非常好味。雞係滑又已經切成一粒粒，方便夾份餅內食。餐廳唔算好大，但都坐得舒適，好少食印度菜但都幾岩好味有風味，鍾意食咖哩的一定要試試!