悅興茶餐廳小廚 (北角)

菲比熊

等級4

1.1K

12月27日, 聖誕節假期最後一日, 都係時候收拾心情~ 一野訓到下午茶時間, 唯有落街搵下茶餐廳食個平平tea, 行到水星街見呢間冇乜人靜靜地咁, 就入去啦~::: 豬扒麵 + 凍檸茶 ::: $22 + $2公仔麵湯底係清雞湯底, 只有少少味精味, 麵底都幾淡下, 因為煮得唔耐就上枱, 煙韌度算唔錯~ 豬扒炸過有香脆感, 肉地係半肥瘦唔會好韌. 整體ok咁啦, 好難整得唔好食.凍檸茶都有一般水準, 檸味茶味都夠, 甜度適中.::: 蛋牛治 + 凍奶茶 ::: $20 + $2食過無數咁多件蛋牛治, 呢度出品只能算是中規中矩~ 方包微硬感覺有少少唔新鮮, 內裡蛋牛餡反而有少少驚喜, 蛋同牛嘅份量比例平均, 煎出嚟嘅餡都有少少厚度而且唔會太油~ 不過就煎得過熟導致無乜蛋汁… 凍奶茶ok~ 比例ok之餘夠濃夠杰~ 不過唔知係咪d奶太肥飲完覺得有d膩…呢個時間冇乜人, 靜靜地其實唔錯, 好過對面大間d嘅茶餐廳比較嘈. 質素亦都係隨街可見嘅合乎標準.

12月27日, 聖誕節假期最後一日, 都係時候收拾心情~ 一野訓到下午茶時間, 唯有落街搵下茶餐廳食個平平tea, 行到水星街見呢間冇乜人靜靜地咁, 就入去啦~

::: 豬扒麵 + 凍檸茶 ::: $22 + $2
公仔麵湯底係清雞湯底, 只有少少味精味, 麵底都幾淡下, 因為煮得唔耐就上枱, 煙韌度算唔錯~ 豬扒炸過有香脆感, 肉地係半肥瘦唔會好韌. 整體ok咁啦, 好難整得唔好食.
凍檸茶都有一般水準, 檸味茶味都夠, 甜度適中.

::: 蛋牛治 + 凍奶茶 ::: $20 + $2
食過無數咁多件蛋牛治, 呢度出品只能算是中規中矩~ 方包微硬感覺有少少唔新鮮, 內裡蛋牛餡反而有少少驚喜, 蛋同牛嘅份量比例平均, 煎出嚟嘅餡都有少少厚度而且唔會太油~ 不過就煎得過熟導致無乜蛋汁…
凍奶茶ok~ 比例ok之餘夠濃夠杰~ 不過唔知係咪d奶太肥飲完覺得有d膩…

呢個時間冇乜人, 靜靜地其實唔錯, 好過對面大間d嘅茶餐廳比較嘈. 質素亦都係隨街可見嘅合乎標準.