悅軒海鮮酒家 (已結業)

我食過好多差的食肆，未食過一間差到好似呢間咁，我願意花時間打食評！7:30落單食火鍋，紙上一堆湯底選擇，但選完就樣樣都無，算！等左好耐都無上鍋，三催四請，結果係個部長唔記得落單！算，重新再落，40分鐘後仍然未有鍋！火都黎埋，仲問我要咩湯底，再幫我落過，我話我唔理你有咩湯底，你起碼俾個鍋我！我心諗我落清水都好！落單落左已經一個鐘，一碟菜都無上過，任食2個半鐘，你俾我食5個鐘都無用！唔止一枱係咁，枱枱都係咁！大家唔滿意，同部長、職員講，佢地仲要聲大夾惡咁鬧番轉頭，發唒脾氣！完全沒有服務態度可言！仲發D客脾氣！最最最衰仲要係厄人！係厄人！真係勁想去消委會投訴！火鍋108（每人送一碟肥牛），加多50可以升級，任食肥牛。我同家人加左50升級，黎左2次肥牛（每次都少）就無再黎過，催極都無！最後話廚房唔知點解切唔到肥牛！根本就沒有任食！咁同108有咩分別？埋單係158再加一！找錢時又找錯，2枱D數亂哂，有D客人都係計錯錢，同佢理論勁耐！真心覺得唔單止無下次，連呢次都唔想有！

約左6點，等左成一個鐘都冇嘢上，仲要全場得三圍，完全唔知佢地做咁咩，中伏！行政又亂到七彩，book位個阿姐都超不耐煩，個個做嘢龜速，未試過食咁的放題，唔會再來了

朋友在團購買了海鮮蒸煱+椰子雞煱四人餐，中伏位如下:~ 套餐包每人半隻波士頓龍蝦，經理話未返貨 沒有，叫我地食四隻鮑魚代替，點知比我揾到成蘿龍蝦向缸內游水，才黑面話: 我吾知返左貨。~ 套餐包任食的貴價食物如:肥牛，海蝦串，只提供過一次，催了三，四次也不再有補添。~ 套餐說的椰子雞煱，六時入埸話有，食完蒸海鮮叫佢上煱時，女部長發脾氣話冇(因當時起碼有五枱客同時投訴) ，後我們頂吾順發火男經理話有，不過當時己九時正，仲係椰子水烚雞，不是圖片說的椰子雞湯。~ 只可說呢次係我地吾好彩。報告完畢！

今日行過見廣告牌寫住$98蚊2款小菜唔知真定假咁平，咪上去睇下，呢度見到有好多都係食火鍋，得幾檯小菜，心諗會唔會中計，都上到黎咪試下囉，叫咗個開邊蒸海生蝦同燒鵝，比想像中好好多，啲海蝦好新鮮彈牙粉絲超好味，燒鵝以為好細份，出黎都有1/4隻，2個人黎食1個白飯14蚊，茶位10個，埋單都係145超低食

又係lunch，又去搵野食。聽同事講有單酒樓有啲好抵嘅雙併飯加點心，好！就去睇下先😁的確有啲粥配點心，鳳爪排骨配點心，等等~但我深深俾燒味吸引住😆係你喇燒味飯！$29 一盒雙併燒味飯，仲有一包紙包飲品送，你仲想點？ 以為$29一盒一定好少？好難食？ 咁又錯喇！係抵食好味又大件😆厚切叉燒，仲要係我愛嘅瘦叉😋 啲叉燒醬仲要好香😊 切雞，係雞脾位，又滑又嫩😋仲有兩款紙包野飲揀❤最重要係我愛嘅薑蓉任落😍 要幾多自己揀😍大大盒飯，結果蓋唔住。個盒都爛埋😂最後，我既然食晒🙈🙈🙈

因為買左團購，今日同屋企人一行六人黎呢度食粥底火鍋任食，一去到第一感覺...會唔會中伏。。。冇人嘅一開始好似冇人理我地咁，慢慢佢地就話我地知有邊度拎野飲野食等，呢間嘅staff都好nice又好肯幫手執枱我地點左六款海鮮(原來唔係每人叫六款，而係成枱叫六款)後佢地就拎左個粥底鍋黎，然後係海鮮，海鮮好大碟，佢地會教我地每樣野要蒸幾耐，仲會有埋個倒數鐘比我地用海鮮當然唔可以期望佢係好新鮮，但見上枱嘅份量絶對唔少，唔會係要用粥麵或丸去塞飽你嘅感覺然後又比左張紙我地點野食，基本上係冇漏單(只係漏左是日海鮮,但因為大家都好飽就冇左問)黃色紙裡面似乎蝦特別好，encore左，夠大隻彈牙都有唔少丸，腸，餐肉，菜等等，最後先見到有炸魚皮比較唔滿意嘅係半隻片皮鴨，竟然有骨。。。而且感覺好求其。。甜品有細雀巢雪糕(芒果，vanilla, 紅豆，芝麻同朱古力味)+兩款糖水總括黎講，大部份食物都ok( 係片皮鴨比較差)， 服務好好，飲品種類較少但團購黎講算食得過

一行11人係觀塘收工，諗住打邊爐，行到金港點知轉咗名叫悅軒都無咩問題咪上去睇下囉，坐低睇下有火鍋有蒸氣鍋，咪食好啲有海鮮食，橫掂佢都4送1人頭，如果今日多個人就 免3個啦，依家免得2個都好啦，海鮮飛常新鮮，啲侍應又會教你點蒸點玩，食完海鮮火鍋料任食，汽水啤酒任飲，成班朋友滿足哂

野食少種類，話有70款，其實得二三十款，而且等左成晚得1碟牛，不知所謂，埋單要4百蚊。唯一可讚就係侍應好有禮貌，每次催單都好有耐性咁叫你拎住菜食先，真係敬業樂業