悦川

營業中

休息中

🍲四川擔擔麵➰$48湯底好重花生味，有少少酸味，揀左小辣（程度係=10小辣）唔太刺激，食得辣嘅話可以揀大辣，面質偏軟身，配料唔算多，面嘅份量好多，味道係好好味嘅川味。〰️〰️〰️〰️〰️〰️〰️〰️〰️〰️〰️〰️〰️〰️〰️〰️🥘重慶麻辣雞煲➰$158揀咗小辣，由於小辣真係唔太辣所以下次可以嗌大辣。雞煲入面有芫荽、洋蔥、蒜頭同埋筍，配料好豐富，雞肉好滑同埋好多汁，上黎的時嘅開埋gas ,好有鑊氣熱辣辣咁食。麻辣味濃，好有花椒味同時又唔會食到一粒粒花椒，麻嘅程度剛剛好，唔會麻到唔舒服。係香港人接受到面有有川味的川菜。餐境座位都幾闊落，現代風設計，環境唔侷促舒服。有加一服務費。

見到有酸菜魚，即刻入去試下點左小辣，都做幾辣我同朋友唔係好食得辣，最後要過一過水先食到唔食得辣既人要留意酸菜魚不過不失，但其他小菜有驚喜果到啲房有得唱k，但隔音好差，我地坐廳聽到晒，都幾嘈下同埋佢都收得幾早

一行幾人來到熊貓酒店食個lunch!可能係星期五關係都好爆下，好在有訂枱！叫左個酸菜魚！ 好多魚肉又無骨！個湯一啲都吾油仲有魚味！辣同酸都做得好好！ 如果喜歡食酸菜魚既朋友真係吾好放過佢！同場仲叫左多款.. 水煮牛同其他 都好出色！

平時行過以為商場地庫先係美食所在地朋友今次帶我上2樓食辣野😋😋我地叫左2個lunch set一齊share食份量都好足 午市都唔馬虎架😍✨酸菜魚set lunch配白飯 包飲品裡面仲有寬粉🥢鍋荀 魚肉都係大件 唔係比魚柳🤣啖啖肉好惹味🥰🥰口水雞set lunch配白飯 包飲品好味道😋😋😋唔會好辣 仲有青瓜係底 雞都滑✨唔會好厚肉鞋身加多份小食☺️ 但唔記得左咩名係涼皮類 味道都唔錯 不過係比較難夾 好容易碎開建議用匙羹幫手🤣

節假日二人餐 268 可以選擇酸菜魚、水煮魚、番茄魚 三選一乾鍋系列 牛蛙、牛肉、魷魚、肥腸 三選一小菜魚皮、雞絲涼粉 二選一 主食 紅油抄手還有一個忘記了 也是二選一.四道菜 268 還配2杯熱飲 設加一酸菜魚用新鮮魚片，滑嫩 裡面加了寬粉、萵筍、芽菜、酸菜.乾鍋牛肉份量便少 夠鹹夠麻辣（裡面配有薯條）比較吸油.紅油抄手，皮太厚不建議選擇雞絲涼粉還是不錯的總的來說價錢還算合理.不能不說豬手份量好大.炸鍋豬手依然好入味，值得推薦

🐟  見到呢間川菜六月做緊晚市食滿$500就可以加$1蚊要多鍋酸菜魚，好抵食！趁六月仲未完即刻去試下！    1️⃣大刀風味白肉（$78） 白肉堆到好似一座山咁，係偏肥既五花腩，每片都好大片，白肉既底係冷麵同埋青瓜絲，作為前菜都幾唔錯，另外仲有碟醃蘿蔔，好開胃～  2⃣️安格斯牛肉豆腐腦（$168）豆腐好滑😋面頭既牛肉份量都幾多，伴埋清淡既豆腐食，好加分！呢個好好食！  3⃣️四川擔擔麵（$48）同我想像中既擔擔麵唔同，呢款食落除左辣味之外唔係好食到其他味😞花生香、麻香欠奉。  4⃣️紅油抄手（$48）抄手夠辣，好多蒜粒，食落都惹味既～  5⃣️魚香鮮蝦茄夾（$98） 呢個好特色！我地同行幾個人都一致認為呢個好好食😍一開始鐵板上，職員會倒啲醬汁落去，淨係倒汁落塊鐵板到，「咋」果聲已經令人期待，之後食落都好符合我地既期望，醬汁甜甜地，每一件既餡料有人釀到啲蝦肉同埋茄子，好好味～  6⃣️湖南小炒肉（$88） 唔錯既～辣辣地，肉都係肥啲既，不過大部分都係青椒，冇咩肉。  7⃣️膠原脆皮豬手（$128）店員好貼心地提供埋手套，方便我地食。食落外皮夠脆，而且都有啲肉食下。  8⃣️炸奶香饅頭（$48）食親川菜我都必點炸饅頭🤤

平時四川菜入面我最鍾意既一定係酸菜魚！酸菜魚味陣辣得黎唔過嗆又帶出魚鮮香既風味真係令人食上癮.今次見到呢間新開既四川菜不論環境同菜式都唔錯就去試試.大力風味白肉肥瘦分明既豬五花白肉質感相當爽彈！雖然係五花肉位但入口唔會好膩,作為前菜相當開胃.白肉再配上花椒辣汁,味香又帶一陣陣辣勁及香料香味.白肉底下仲有涼麵承托住,涼麵掛上大量辣汁,入口爽彈相當夠味.藤椒清香魚一上枱已經聞到香濃既酸菜香,湯底呈金黃色而且係面上加上大量青,紅辣椒及青藤椒,湯底帶淡淡酸菜香味及辣椒既辛香感.魚片厚身而且嫩香滑溜.配菜加上䈑筍及鴨血,令整份清香魚既口感更豐富.孜然寸骨寸骨上灑上大量辣椒,入口充滿濃厚孜然香味.肉質唔會過乾而且仍帶有肉汁,啖啖肉好滿足.味道充滿濃厚香料既風味感.爽口冰粉食完咁多辣野最後當然要清一清口腔既辣勁.呢碗冰粉帶紅糖既香甜之餘亦帶少少花生碎及提子乾.冰粉嫩滑Q彈,口感好似食緊仙草咁.冰粉味道帶少少甘香,加上香甜既紅糖剛好平衡返甜膩感,唔會過甜.芒果梳打充滿熱帶味香既芒果甜味,配上清爽既梳打相當解渴.他

聽聞原來荃灣都有唔錯嘅川菜館，呢日同朋友收工後就嚟探店喇。行入去先知道裡面空間感咁大，而且仲幾乎坐滿晒人好癲！環境裝修都幾別緻，座位又坐得舒服，下次可以帶屋企人嚟再戰呢😚• 悅川上上簽 $88其實即係四川著名嘅小食冷串，以竹筒造型奉上，裡面係一串串唔同嘅食材，有肉有菜，例如有豬耳、鵪鶉蛋、芝士腸、雞翼尖、蓮藕、青瓜等。醬汁有少少似口水雞嗰種，偏油一啲，味道又辣又香🔥• 富貴海鮮香鍋 $398主角當然係正中央嘅大肉蟹！蟹肉肉質結實，食落鮮甜啖啖肉，以辣勁十足又富麻香嘅醬汁翻炒，惹味非常，辣度都有返咁上下，夠刺激過癮！另外仲有鮑魚、大蝦同魷魚，鮑魚仲足足有六隻添啊，真係超滿足🤤• 孜然寸骨呢道菜就比較重口味同偏鹹少少，外層炸得香口，後勁帶孜然香氣😗• 爽口冰粉口感清清涼涼，黑糖味非常突出，最啱食完辣嘢解下辣😌

🥢紅糖糍粑好出色嘅甜品🌟主要用上糯米粉製成 外皮炸得好香脆👍🏻 中間質感軟糯🤤 再灑上黃豆粉同埋黑糖 好滋味😋.🐟藤椒清香魚魚肉份量都好多🤩 質感鮮嫩👍🏻相比起平時食嘅酸菜魚水煮魚 味道偏清淡啲 但湯底都好鮮甜☺️配料方面有鴨血 萵筍 冬菇 同埋秀珍菇🍄 全部都好吸湯😋.🍡悅川上上簽好特別嘅前菜❗️ 一串串嘅食材再淋上辣汁 辣汁味道好惹味 後勁都幾犀利🌶最鍾意豬耳同埋豆腐乾 好吸汁🔥.🐮安格斯牛肉豆腐腦安格斯牛肉做法特別 用辣粉同榨菜醃製粉蒸 味道酸酸辣辣好特別😆 底下豆腐好滑溜😋 送飯一流👍🏻

悅來坊喺熊貓酒店隔離2樓有間川菜專食新派嘅京川滬創意料理餐廳裝修都幾有靚幾舒服又有空間感同埋sofa位.🌶 悅川上上簽 $88呢個簡直係必點❗️菜式賣相似足求簽筒支支都係上上簽🥳最鍾意鵪鶉蛋、豬耳、雲耳辣油超級香辣有後勁最鍾意係鵪鶉蛋同蓮藕有七、八款食材（每款兩條）.🌶 血旺肥腸烤魚 $328烤魚選用足足兩斤重既江團魚 🐟輕輕炸香過令到魚肉唔會散開煮滾之後就可以起動食啦魚肉幾厚身啖啖肉！細骨唔多～可以放心食配料就勁囉..........!!!超級多大腸、金菇、鴨血、椰菜花、萵筍全部都係入晒味呢😍.🌶 膠原脆皮豬手 $128大大嚿豬手五大舊🐽炸得香脆～～滿滿嘅骨膠原邪惡有滋陰😂.🌶 紅糖糍粑 $46 每次食川菜都會處於個兩難局面就係究竟食紅糖糍粑定係黑糖涼粉今次第一次黎就試試紅糖糍粑先用糯米粉製成既糍粑外層炸得幾香脆而中間都夠軟糯灑埋黃豆粉、黑糖～賣相一流呢📸不過記得上枱之後要即刻食熱辣辣先係最好味喔

完全唔合格。花椒青香魚有魚骨都算，有魚鱗真係接受唔到。個湯有色，但好奇怪地無乜鮮味又無鹹味，直頭係淡味，得個辣味。酸辣魚皮個鹹度直接落入洗腎級別。完全未食過咁差嘅川菜

上星期去咗荃灣食飯食物很不錯 其中有2道菜令我好驚喜就係🔸風味白肉🔸紅糖糍粑我邊食邊讚好好味而糍粑個質感更係我食過最好味的！✦ 大刀風味白肉大愛！❤️個汁似蒜泥白肉加口水雞嘅汁咁，非常之惹味，好香、辣度適中。白肉肥瘦分明，肥膏位係爽口的，一啲都唔膩口。底下仲有小麵同青瓜絲，撈埋個汁食真心正！✦ 血旺肥腸烤魚（每日限定）條魚勁大條，就算4個人應該都夠食。外皮燒香咗，而魚肉係好滑！個汁唔算太濃味，但愈煮會愈辣，好過癮！有鴨血、大腸，腸夠肥，好好咬口。✦ 膠原脆皮豬手外脆內QQ，個皮好脆卜卜，加上香濃嘅孜然粉味，好岩送酒。皮下膠質好厚，好似食啫喱咁，好正。✦ 紅糖糍粑係我食過最好味的糍粑。❤️師傅蒸好糯米，再盅成糍粑，米香十足，外層勁鬆脆，中間軟綿煙韌，口感好正！如果紅糖可以再多啲就perfect 。✦ 爽口冰粉清涼爽口，黑糖香得嚟唔會太甜，仲有啲提子乾同花生碎，增添口感。

平時都淨係會食酸菜魚 今次就特別啲 試咗佢哋個富貴香鍋海鮮🍲估唔到個麻辣鍋咁足料！超多海鮮！除咗有一斤嘅肉蟹之外 仲有六隻鮑魚、八隻大蝦同魷魚🦑食落真係非常之惹味 最鍾意食隻蟹 超級大隻 肉味鮮甜🦀

酸菜魚平時食得多，今次試吓其他麻辣菜式🦀富貴香鍋海鮮💰$398有咁多海鮮嘅麻辣鍋，絕對唔可以錯過，有足一斤大肉蟹、6隻吉品鮑魚、8隻大蝦、魷魚辣得好過癮，雖然食落少少麻嘅感覺，但係非常之惹味，肉蟹啖啖肉又大隻，非常鮮甜，鮑魚都好正，鮮味彈牙🐷大刀風味白肉💰$78平時都鍾意食白肉，今次呢個特別在白肉下係冷麵，撈辣汁食夠晒刺激，增加飽肚感🐖孜然寸骨💰$158香口菜式，醃製好炸起再加入醬汁炒勻，味道濃郁🥢紅糖滋粑💰$46食親酸菜魚嘅川菜店都必點呢款飯後甜點，外脆內軟夠煙韌，沾上多啲紅糖較好食💰$748/2ppl🚩悦川 (荃灣) @yuechuan_hk 📍荃灣荃華街3號悅來坊2樓201號舖

唔講唔知原來荃灣悅來坊有間聽講好好食既川菜，今日放假就同屋企人一齊黎食喇。餐廳裝修充滿氣氛，乾淨企理又闊落。餐牌都係各式各樣既京川滬菜。涼菜方面我地選左 悅川上上簽（88）聽個名完全唔知咩黎，睇餐牌相原來係 重慶既地道菜色麻辣串串，即係將唔同既食材煮熟之後浸泡係麻麻辣辣既湯底度。今次既食材就有雞腳，豬肚，雞翼尖，雞肉，魚蛋，脆皮腸，豬耳，蓮藕，木耳，青瓜，滷水豆腐。一次過可以食到咁多款食材都幾新奇。因為係涼菜，個湯汁係凍凍地既。見到鮮紅色不過食落唔係好辣，麻味比較重。主食我地食左藤椒清香魚，都好大盤。除左魚肉之外有大量既菇同萵苣等等配料。一上枱就聞到勁香，落左藤椒既湯底帶麻勁。魚肉食落爽滑又冇骨，連湯一齊飲埋。我地又叫左個招牌小菜 膠原脆皮豬手 估唔到有成5大件豬手，件件都炸到勁靚，面頭再鋪左d調味粉，咬落去個皮勁脆，入面既肉汁爆發出黎勁入味，淡淡肉得黎仲有大量骨膠原，食過唔停口。甜品方面我地就食左 2碗爽口冰粉，爽口彈牙既冰粉用紅糖水浸住，仲有d花生，提子乾等等可以豐富口感。食完咁多重口味既食物之後食碗涼浸浸既冰粉真係好舒服好refreshing。另外我地都有飲左壺白桃烏龍茶同2杯