惠澤居

營業中

休息中

今次第一次試呢一間茶餐廳，係下午茶時段，佢都算幾多食物嘅選擇，正常嘅炸雞髀配薯條、西多士、豬扒包、公司三文治等等。我叫咗一份雙拼三文治，鹹牛肉炒蛋烘底，都算整得不過不失，另外再叫了一個豬扒包套，豬扒包比我有啲驚喜嘅感覺，個包好香脆柔軟，好好食，另外個豬扒都好香又大塊，真係幾抵食。而且雖然間茶餐廳細細地，但係都有卡坐，用餐都感覺坐得好舒適，侍應叔叔態度又很好，又識氹我小朋友又會同佢傾吓偈，我囡囡都話下次要再嚟，到最後比完錢，侍應叔叔請我囡囡食兩粒糖，我哋用餐體驗都感覺很好。

最近惠顧這間餐廳兩次，分別吃了梅菜肉餅飯和蟲草花雲耳蒸雞，兩個飯都吃不到一半便不想再吃下去，因為肉餅和雞吃下去都有濃濃的雪水味，不想太浪費惟有用例湯伴飯，但其實飯頗硬（今天吃的飯口感更覺是未煮熟），算是勉強吃下去而已。其實明白香港大部分食肆都是用冷藏肉制作食物，這是理解的，但很少（在此食店附近的食店比較下，更從未吃過如此重雪水味的肉類）吃過如此重雪水味道的，況且是兩種不同的肉類都是如此，須知道這食店價格並不是同區附近食店最便宜的（可說並不便宜，以茶餐廳來說，日夜晚飯（同款式）不同價錢實難以令人接受），如此質素，一定不會推介給別人，以後惠顧也需考慮呢？

事關晚市有個咕嚕肉，嗌完之後隔咗好耐店完先講話冇。隔咗一陣有六個人坐喺我隔離，聽到佢哋都有嗌咕嚕肉，心諗店員都會提話冇，點知又真係上咗個咕嚕肉?!🤯🤯🤯最差嘅係佢哋上之前兩個店員夾埋一齊同我轉位……話隔離六個人太迫喎😕🙁欲蓋彌彰唔想被差別對待 就唔好食呢間野喇自己睇路😌👎👎👎其實大家都係成年人 我明可能太忙交接未必做得咁好但只少唔洗搞場大龍鳳 搞小動作啦😒我第一次投稿 就係忍唔住為自己嘅不合理差別待遇發聲🙁真心唔推薦 負評👎👎👎

外賣叫個早餐，倒瀉咖啡得返兩啖都算我叫蕃茄湯叉燒米粉，一粒蕃茄都冇，成個湯勁淺色，同餐廳反映係咪出錯單，餐廳話佢個蕃茄湯係咁淺色，冇出錯。當我三歲細路仔黎呃，錯又唔認，成碗粉一啲蕃茄味都冇，同我講話淺色，邊有咁不負責任嘅餐廳？

果朝我去食早餐，我坐向梳化位，野食都未到突然眼尾見到梳化有隻野爬過黎，轉頭一望係隻大曱甴🪳。我立即彈開，有個女人職員話佢自己唔驚走去捉咗隻曱甴。但一句唔好意思都冇，態度極差。以後唔會再幫襯。

途經沙田，夜已經十一點幾，肚餓難耐，就喺呢度叫咗一份海南雞飯。冇幾耐就上枱，雞件擺得好整齊，睇落好吸引。我試咗啖雞，首先覺得火喉控制得好好，雞肉食落好嫩滑，而且食得出冇特別加工，原汁原味。不過可能我太夜過到去，餐廳都應該差唔多關門，如果早啲去，我相信味道更加好，因為個飯食落我覺得比較乾身。不過如果配埋雞肉同埋雞汁，咁就非常好啦。雞肉嘅份量都唔算少，而且有雞髀，食落好滿足。另外，佢個例湯我覺得都唔錯，幾足料。我覺得呢個海南雞飯絕對抵得上呢個價錢。下次肚餓，我都會再嚟呢度食。

食物質素唔錯，有水準，同以前上一手金滿都既時代一樣，特別係杏霜，超好飲，搵唔到另一間餐廳比呢度更好飲但音樂太大聲，而且音樂又幽怨，又係d慘歌，愈食愈唔開胃可唔可以靜小小，完全搞唔掂，本來想幫襯都搞到唔想來

我平時比較鍾意有鑊氣嘅小菜或者粉麵，見到呢間裝修都幾新淨，就入咗去試晚餐，果然冇失望，馬拉盞炒豆苗，豆苗新鮮，夠鑊氣，而呢碟豆苗嚟講都算幾有水準見到呢度仲有乳鴿，同埋有砂鍋翅，價錢合理，下次會再嚟試。

違反商品說明條例-外賣買鹹魚煎肉餅，變咗係福建炒飯不要試，沒有茶餐廳嘅經驗。十分混亂，四周圍都仲有好食過佢嘅，平過佢。呢個午餐$60不要中伏。俾錢沒有八達通，如果用八達通要佢去對面有連繫嘅小食店先至可以。

新店開幕以往食過一次正常先諗住再幫襯，今日叫蒸鯇魚飯（$65，外賣加$2），回去打開發現只有魚頭一個，完全無肉食。打電話去舖頭說明，仲要比人責怪自己無叫魚腩咁點解老闆唔寫佢係蒸鯇魚頭飯呢？ 不會再幫襯