惠隆號東莞佬涼茶

營業中

休息中

呢間標榜售賣正宗傳統廿四味涼茶老店，在深水埗區嘅歷史都可以講数一数二，揾食肥華年過六十但少年時巳由父母帶我到過此店飲其廿四味涼茶，直至經歷青年，中年，到現今暮年，若肥華有事要到深水埗區一遊時，亦必定到此店飲番杯廿四味，肥華由年少無知，淨係覺得呢杯廿四味除咗得過苦字，都唔知有乜好飲，點解呀爸呀媽每次來深水埗，都要逼我飲杯咁難飲嘅嘢，直至肥華步入青年，為咗剋制面上青春豆，才自動自覺心甘情願去飲呢杯廿四味6月13日已步入暮年嘅肥華又到此店飲廿四味涼茶嘞，但今時今日呢杯涼茶卻帶給肥華對父母嘅懷念，四周景像物換星移嘅回憶，加上此老牌涼茶店没有，多大變化的裝修陳設，和現今此店掌舵人的人情味，這刻此店呢杯涼茶在肥華心中又豈是一杯廿四味咁簡單😘😘😘

搬離深水埗區多年，但呢啲始終係充滿回憶嘅地方，偶然都會掛住呢間嘅涼茶，飲得出係老闆用心去製作，多年黎味道都無變，當然人情味都係啦當下飲一杯透心涼既銀菊露，真係一件樂事

夏日炎炎，成身大汗，行到深水埗呢間店，即刻飲番杯冰凍銀露，味道清甜冰感十足，一口氣好快飲完，見到店員把我飲完的杯慢慢浸落一盤水後，再慢慢浸落另一盤水，然後放回杯架上等一陣再俾另一個人用。

真失敗！深水埗去過十幾萬次 竟然冇幫襯過呢間60年老字號 一見到鋪面 就諗起中環專飲庶汁既老字號公利蜜糖銀菊露 平肝明目 清熱去濕 主要材料銀菊及菊花要飲一定要飲玻璃杯裝 $8 玻璃杯裝有風味極具特色銀菊露真材實料 味道跟坊間不同 因為加了蜜糖所以有銀菊及菊花既清香外 亦帶有蜜糖既清甜 到訪深水埗 絕對必試

往日飲開嘅紙包菊花茶都係加咗糖精 甜味係足 但只係一味死甜 飲得多都唔健康但係呢度嘅銀菊露入口好舒服 係天然嘅甜味 即場飲有分凍熱 凍飲清涼消暑一流 熱飲暖喉胃外賣廿蚊一支 可能比起其他舖有些少貴 但真材實料又係買少見少嘅老字號 值得支持

行街行到好攰，見到依間涼茶鋪大大隻字寫住銀菊露，就叫咗一杯嚟飲，小杯$5，大杯$7，大杯都真係幾大杯兩個人都夠飲飲落去有淡淡菊花味，仲有好香蜜糖味，兩樣嘢加起上嚟又真係幾夾，值得推介！另外，朋友有啲感冒，咁見到佢有得賣感冒茶$18一杯，就叫咗一杯嚟飲，苦口良藥，佢話飲完過咗1小時左右真係咳少咗唔知係心理作用定點，但係飲完真係見效，建議初起感冒的朋友可以去飲一杯，應該可以好快有效黎開深水埗的朋友不妨黎下呢間涼茶鋪度嘆下啦！

今日去買左杯黎飲，七蚊一杯，銀菊露夠晒冰凍，甜甜既蜜糖味，係幾好飲😜😜😜😜不過見佢放左十隻八隻玻璃杯，D人飲完既杯，就係甘放落果兩盤水到幾秒，就放番係個杯兜到，好似好唔衛生甘😂😂😂😂下次黎飲都係外賣，用紙杯好了。😂😂🙈🙈人地飲完，就將玻璃杯放入水中幾秒，就清潔好，放番入放杯既位置，比下一個客人用😂，呢點好似不太衛生。🙇🏻見到下次都唔想用杯飲，叫外賣算😂😂😂

係深水埗食咗咁多煎炸嘢，緊係要飲返杯涼茶。識飲嘅一定係嚟呢度，飲杯馳名嘅最正銀菊露。清涼口感，甜度適中，大大杯，又足料，係呢到先搵到。如果有人嚟深水埗只講得出蛋牛治，腸粉，唔算係真正嚟過深水埗。

東莞佬涼茶, 字號老, 信譽好 .... 但凡炎熱的夏天, 總想走來喝一杯 ....冰涼的 蜜糖銀菊露 $7 (大杯裝)蜜糖銀菊露 味道甜蜜, 清涼潤喉之餘, 更滿有菊花的幽香, 只要看見杯邊冒起的凝珠 .... 爽呀爽 !本篇完 ~

吃罷羊湯麵及小籠包後還是要喝點東西,口腔才會更清爽。首選當是附近的東莞佬涼茶。絕對有歷史的涼茶老店格局,沒有什麼魚蛋燒賣咖喱魷魚供應,只有銀菊露、五花茶和廿四味三款涼茶;看著這家老店,活像看到那些年年青男女約會的好地點,現在則只餘老闆一家在店裡閒話家常。涼茶店一邊是轉轉果汁機裡的冰凍銀菊露,單單看到那層冰凍水珠也感到裡面的菊花茶非常夠凍!另一邊是熱版銀菊露及廿四味,怕苦的還可加入蜂蜜嚕。大杯菊花茶以古老紅豆冰玻璃杯作容器,容量比外賣紙杯應多一點點,單單拿上手那冰涼手感已值回票價了。清清顏色的銀菊露有著淡淡菊花清香,以蜂蜜調味感覺清甜,冰冰凍的實在是夏天佳品;銀菊露當不及自家煲的濃度,在坊間而言已算很好水準了。

8-7-2013（一）在葵興喝過茶後，坐巴士 37 號，在車廂裡想著來法子，如何能做到他說的事，暫沒答䅁。坐至深水埗經行，下車後行經 東莞佬涼茶 ，好！就喝杯其聞名的銀菊露。$6 一杯，絕對真材實料。店員先把一大羹純蜜糖倒於杯中，再倒入銀菊露，拌了數下，便可喝下。暖暖的銀菊露，蜜糖是自家天然製作的，沒加任何人造色素；喝下一口，清甜甘香，夠唒天然健康，喉嚨即時舒服起來。這是我喝過最好的銀菊露，誠意推介！

是日因要購買一些化工原料而行經，闊別多年自然是要飲杯老相好。這裡的銀菊露真材實料！ 未入口已聞到銀菊露獨有的清香氣味，忍不住一大口喝下，口腔及味蕾即被銀菊的香味攻陷！沉醉於那幽香迴盪下,不禁又要再喝一口(飲得忘形，忘了拍照......不過上一個食評的相片也有夠代表性了，值得參考)這裡的銀菊露還有一個比坊間絶對優點： 就是甜度適宜！喝下去, 香與甜非常平衡； 絶無＂喝糖水＂的感覺，實屬健康養生的佳品！小店位處舊區，希望不會那麼快消失於市區重建計畫下吧.....

初訪「東莞佬」，還是同事介紹；一行五人，各要了一杯銀菊露 (大$6, 小$4)。銀菊露用上了玻璃杯盛著；七八十年代看電視中，女主角在茶座喝的凍飲，都是這種杯盛著的；好懷舊，大家都興奮不已。「這些杯都有三、四十年歷史了！」開朗健談的店員笑著道。銀菊露的確清新順喉；筆者近日感冒初癒，仍受喉乾舌燥之擾，肺氣也不順；一杯銀菊露喝下，即時感覺舒服了不少；清香的銀菊配上點點蜜香，比例剛好，沒有過甜的涸喉感...心思思想多試一款，老闆推介了五花茶；據老闆說，父輩的五花茶，只是加了五種配料去煲；但他研發了現在的這款新的五花茶，就以十種配料煲成 是哪些材料呢？老闆只是笑了笑。也許是商業機密，還是生怕講完筆者也不太懂。筆者沒有追問，倒是好奇想試試到底下了十種配料的五花茶是甚麼味道。要了一杯來喝；喝上去隱隱帶了點川貝的味道，味道比坊間的五花茶來得複雜，雖不像銀菊露那種清新直接，但加了蜜糖仍是甜而不苦不澀；而且潤喉潤肺的效果比銀菊露更顯為著一點.。老闆不貪心，就只賣四款涼茶，除了銀菊露和五花茶，還有廿四味和感冒茶；既是真材實料，專心致志做好這四款，就自有識貨之人；四款，夠了。沒有華麗的裝潢、沒有花巧的包裝，賣

我地參加「樓計色」個tour，個guide介紹呢間野，話佢好耐歷史，大家都好熱心咁買野飲，阿姐笑到見牙唔見眼。我飲左杯銀菊露，真係好甜，唔知係咪因為個日又熱又渴，所以特別好飲。我最欣賞隻玻璃杯，真係又懷舊又靚，唔知係邊度可以買到呢？下次要試埋佢個「甜苦」先。

今晚放工落咗車行緊返屋企，就醒起其他食家提過呢間涼茶舖，跟住就周圍望，終於發現"它"，因為我次次都行對面垃圾站條行人路，冇留意到"它"的存在。因為未食晚飯，所以諗住買返去飲，就同阿姐講要杯大嘅銀菊露攞走，點知佢話有加大賣 7 蚊，我諗都係飲唔晒，就話要杯細，問佢幾錢，佢話 5 蚊，但仲細杯過嗰喥隻細玻璃杯，點解外賣要貴 2 蚊咁多？又冇標明價錢，我未試過買涼茶外賣要加錢！話時話杯銀菊露真係幾清甜，加蜜糖 d 味幾特別，又有清香嘅菊花味，只係甜咗少少，但不次再去要即場飲，唔會再買走！