想甜嚐甜 (已結業)

今日見未食得飯但又有少少餓，所以兩個人走左去食糖水，係黃大仙我地兩個會食的糖水就只有想甜，所以就算要行一段路我地兩個都尼左食。去到果時唔多人，唔洗等位，今次食新野，食waffle海鹽焦糖爆谷香蕉 窩夫兩大件，超厚身，食完會好飽，可以當晚餐咁食；但窩夫要即食，如果唔係就唔脆香蕉上面會有D焦糖，食落都幾香；香蕉都要快D食如果唔係就唔脆鹹檸檬乳酪雪糕都大份，都轉左兩個圈，上面仲有D oreo碎仲有D穀類早餐的食物，令到食的野冇咁甜，好正啊

由於住附近嘅關係 呢間甜品鋪我經常都食好多甜品我都試過 芋圓 乳酪雪糕 窩夫 心太軟 等 都好好味 但今日我再次試食窩夫 就非常失望 今次d窩夫真係淋過毛巾😑 平時係外脆內軟嘅我地同職員反映 佢話d窩夫要擺一陣先會脆.... 但其實我地已經擺左一陣..... 最後職員轉過另一份比我地 無第一份咁淋 但都無之前嘅水準... 😑 非常失望不過其他甜品都仲好味嘅 棉花糖多士磚 熱辣辣又脆口 乳酪雪糕又好味桂花茉綠 好清香

已經係第好多次尼嚐甜食甜品，基本上係黃大仙我都只係會去嚐甜食甜品，因為真係好好味雖然每次去都好多人要等一陣，不過要食好野就要等餐廳8點後設有每人最低消費，大家要注意啊!!!!今次我係叫伯爵茶法式焦糖燉蛋，係第一次食今次有D失望係因為佢的器皿，因為上次見到佢有個好靚，打卡一流的碟上甜品，但今次佢係用個碗不過佢的甜品係冇變，仍然係好食的焦糖燉蛋面頭的焦糖好脆好香，蛋味好夠，但唔會好甜，唔會好膩伯爵味好重好香份量一般，做飯後甜品岩岩好

喺慈雲山食完晚飯, 行落鑽石山時經過一間好細嘅甜品舖, 門口menu好似幾靚咁bor😌.海鹽焦糖爆谷香蕉🍌船 (HKD48)好靚嘅香蕉船呀🤩仲要係乳酪雪糕添, 香蕉面以火槍燒到脆卜卜嘅焦糖, 而軟雪糕面亦唧左焦糖漿+爆谷, 整得好用心.•紫心甜薯心太軟 (HKD50)有粒雪米糍喺心太軟上面❤️, 紫薯好似熔岩流出黎, 勁流心, 最正係倒轉嘅乳酪軟雪糕, 要好快咁食好快溶唒.•朋友的黑糖芋圓仙草, 份量都唔小, 旁邊有一小杯淡奶按自己喜好加入

雖然舖頭細細，只有十多個座位，但裝修風格清新，不會感覺焗束。甜品方面選擇多，賣相造型精緻獨特，影相呃Like一流，而且定價親民，令人想一試再試。廿四榴心配乳酪雪糕 ($58)這裡以心太軟做招牌，款式較坊間的甜品店為多和特別，之前試過經典黑朱古力心太軟，味道真是無得輸！所以今次特意試下D24榴槤心太軟。未上枱已經聞到濃濃的榴槤味，心太軟上面鋪滿榴槤肉，再將一粒小泡芙放在榴槤肉上面，整成山的形狀，再配搭了倒轉的乳酪雪糕，賣相很有創意。但切開心太軟時流心效果不夠朱古力味道那麼澎湃洶湧，而且心太軟較厚身，感覺有點膩及滯，較為失望榴蓮海燕椰皇黑糯米 ($64)因為不愛吃黑糯米而又不想浪費就跟店員說了不要，店員主動地說幫我們轉為白珍珠，很貼心呢！餡料很足，有一撮榴槤肉、不少白珍珠於上面及很多海燕和椰肉藏於底部。第一口的感覺很清新，海燕及白珍珠口感很豐富。榴槤沒有搶了椰皇的味道，仍然保持到清甜，這個配搭很有驚喜！

食過一次尼度既芒芋就愛上左💞短時間內已經encore左三次尼個芒果底同其他甜品鋪既楊枝甘露、芒果西米露既味道完全唔同唔係得個甜字，好滑好甜好好味而且配料好充足，有新鮮芒果肉、牛奶布丁、小丸子、水晶珠、芋圓都有好多粒口感好豐富，啖啖都有料食每次黎都一定要叫！上次食過朱古力心太軟好好味今次試榴蓮心太軟，點知就好失望🤦🏻‍♀️聞落好香，切開流心都好正點知食落...陣味好奇怪唔係榴蓮味，有d似鹹蛋黃味但係又唔完全似...加埋乳酪雪糕一齊食直頭想lur番出黎無下次同上次朱古力心太軟係差天共地舖頭裝修好有心思又有ukulele比客人自由彈奏可惜位置好細，根本坐唔耐更加唔適合成班朋友黎價錢合理，甜品裝飾得又靚下次再試其他😆

想甜嚐甜位置雖然唔係旺區，亦太就腳，但甜品賣相精緻吸睛，而且有水準，絕不馬虎，同時滿足大家嘅視覺同味覺！呢度主打係熔岩心太軟，即叫即焗，保證流心。切開之後，流心真係好似火山爆發啲熔岩咁洶湧澎湃咁流出嚟，簡直一發不可收拾。搭配嘅雪糕亦並非一般雪糕球，而係自家製嘅乳酪雪糕。味道酸甜不膩，入口清新，非常開胃，而且兩者味道好夾，唔會搶咗對方風頭，反而係互相輝映，味蕾大滿足！另一傑作：充滿日本風情嘅荔枝玫瑰花之水滴，絕對心思誠意之作，絕對係「相機食先」之選！晶瑩剔透嘅自製水信玄餅內裡嘅花瓣清晰可見，再加上色彩繽紛嘅伴碟，成碟藝術品咁，真係靚到唔捨得食呀！相信可以滿足到一眾相機食先嘅朋友們。而且咁靚嘅藝術品只係$56，價錢真係抵到爛！

平安夜黎試下呢間糖水,喺黃大仙都開左2,3年,只係食過一次。店內佈置都幾用心, 可惜空間真係有限, 只係坐到十幾個人叫左兩個都係有台式芋圓既一個係仙草, 一個係椰香兩碗芋圓組合係差不多,食落冇咬口,未煮透或者係煮過龍, 同台灣差好遠椰香果碗個椰仲有少少酸味下次都係食返佢招牌甜品算喇

Small cute dessert restaurant. The menu offers quite a good range and the service is very good. We asked if some of our dishes can be placed in a takeaway container because we might not be able to finish them and the waitress was very happy to do that for us.The portions are small (normal) but filling and the price is relatively reasonable. There is a system for collecting stamps for every dish you purchase. Quite cute! Very nice experience in general. 

無啦啦想食芋圓個啲甜品，於是OpenRice 搵下有咩甜品店。發現左呢間小店，因為行左成日街都有D累見間鋪咁細, 好似坐係屋企食舒服好多~我地選擇左黑糖芋圓仙草配練花奶 $38，上碟好靚似台灣風，味道更加唔差，推介一試！

之前同男友食完飯，唔想返屋企住，咁啱經過宜間甜品舖就入去試下，入到去見到兩小口，我諗係情侶好努力咁煮野食，覺得好sweet好warm。食左心太軟同芋圓，心太軟好流心好好食，芋圓就唔使講啦一直係鋪頭嘅招牌。支持小店support

食飽晚飯, 途經呢一間甜品鋪,起左不如一試既念頭鋪仔細細, 鋪內容納3台人左右啦~ 但估唔到佢選捀擇多多嫁~我地就外賣返屋企食既, 因為行左成日街都有D累見間鋪咁細, 好似坐係屋企食舒服好多~我地選擇左黑糖艼圓仙草配練花奶 $38 同爆芒$42返到屋企急不及待住係SOFA開黎食由滿心歡喜到失望都係短短幾秒既事附上實物圖先~料明顯無相咁多, 味道唔夠,加左花奶都都係淡...糖水溝左水既感覺...相對地呢個好食D, 個名叫爆芒,但芒果得兩三粒~整體一般啦, 但滿達成左想食糖水既心

食完飯唔多夠喉，又想傾耐d，搵搵下就搵到黃大仙區呢間甜品有芋圓，二話不說就行左過黎。裝修都幾小清新！鋪頭入面有兩個女仔招呼緊客人，唔知點解覺得呢度裝修同佢地好match!佢地都十分友善同有禮貌！由於halloween關係，小店出左halloween主題甜品，但我地都係俾芋圓吸引，所以無揀到，都係揀左有芋圓的芋圓仙草有配德國忌廉，未加忌廉的時候會食到桂花糖的味，芋圓彈牙！而加左忌廉就會有種滿足感，但唔會遮左桂花味！芒果芋圓似楊枝金露，酸酸地好開胃，唔滯！第一次咁樣食芋圓，好新鮮的感覺！

其實今次已經係我第3次黎食”想甜嚐甜”。同老公食完飯就行過黎食，因為8點幾重早，所以唔洗等位。我點左最愛嘅海鹽焦糖香蕉爆谷窩夫，好欣賞呢度嘅窩夫外脆內軟，而且啲配料都好好食。今日個乳酪雪糕係特別版-萬聖節竹炭橙味乳酪雪糕。個乳酪底仲有啲培芽喺度幾香口幾特別。除左窩夫我覺得呢度個乳酪雪糕都好好食所以每次都必點。叫呢個窩夫有埋乳酪雪糕真係岩岩好。不過今次呢個竹炭橙味乳酪雪糕竹炭味就真係冇乜啦，除咗色顏色同平時唔同之外，味道就同橙味乳酪雪糕一樣。食既時候都見有幾個人就咁叫一支乳酪雪糕拎走食，都只係$14。因為鋪頭位唔多，如果怕要排隊就咁買支食都唔錯😋

黎到黃大仙食友記車仔麵，唔小心放太多辣咖哩汁，要食下甜野紓緩下個胃....食過深水埗康瑞嘅芋圓，先知道真正芋圓唔止有口感，仲越咬越滲透芋圓香味，食雞有雞味，食芋圓有芋頭味、蕃薯味....呢間我點佢黑糖芋圓加忌廉奶，芋圓得咬口但無咩味道、而黑糖味呢？頭啖飲落有陣怪怪的藥水味....唔知黑糖係咪一時煮過頭.....不過佢勝在夠材料豐富，仙草同小丸子都好食！賣相都吸引！另外我地仲叫左下午茶，黑朱古力心太軟加雪糕，配一杯飲品。個雪糕係黑炭味，但食落似乳酪酸酸地，而心太軟就好正！流心、夠朱古力味、再加杯野飲解渴，好抵食！港式甜品黎講，呢間都好唔錯！