愉景森林 (已結業)

上星期囡囡帶我o黎試bbq...發現lunch set 都係幾十蚊...可以揀兩款烤物...再送一杯o野飲...可以揀跟薯菜/意粉/飯..叫完o野食都要等幾耐...可能因為真係即燒啦...好在都可以睇o下景...環景真係ok...邊睇海景...邊聞到陣陣bbq 香味...越o黎越肚餓...終於等到上檯啦..叫了牛扒/豬扒/雞扒每樣都有兩串...其實兩個人應該叫四種...今次蠢o左添...牛扒ok...豬扒較鞋...雞扒好滑...不過意粉就比較少..真係得兩啖度...其實呢間o野都幾適合星期日d relax 時間去食...幾舒服...應該都會再去試埋火焰雪糕

尋日去左食lunch, 好普通啦,可以下次try bbq food啦．

國慶和朋友在此開飯有煙花睇又有好味晚餐非常滿足環境服務一流與同區餐廳比較起來價錢平而水準還要好一定會再去

個日等船, 上左去食tea野食無咩特別, 哇, 謂到野飲就真係嚇死叫左兩杯waitress 推介既特式野飲, 茶唔似荼, 果汁唔似果汁, 九唔搭八, 仲要唔平. 千萬唔好飲

服務很好的一間餐廳, 難得的是價錢不貴而又有無敵大海景, 相比很多昂貴的餐廳景觀及服務質素也好過百倍, 和舊女友曾經在這裡度過難忘一夜, 和現任女友在這裡開始, 不是回憶中的餐廳嗎?

今日係父親節，一家人就到此餐廳一試，一行四人叫在四個set dinner，再加個火焰雪山同老豆慶祝，逗得老豆鬼咁開心...落樓都只係百多元，真係抵到爛呀!!!哈哈^^雖然咁平,食物依然好吸引，最吸引就係燒雞扒同埋隻燒「大蝦」，真係燒到岩岩好架，又唔多油喎，口感一流，不過就一定要襯熱食呀，其中一隻「大蝦」就係因為放得太耐，凍晒，唔好食lu~ 至於個火焰雪山，味道唔錯，雖然味道唔算太濃，不過清清地都幾好，可能係因為d蛋白冇咩味啦...因為同d waitress冇咩接觸，所以服務方面就唔多清楚，不過見佢地同其他客都有傾有講，笑容滿面，都好似幾nice

環境好正好舒服,對住270度維港心情都靚晒食物都OK 好食,勝在夠創新最正係服務態度親切之餘,唔會煩親人,good!~而且係中環黎講,有咁既景色,價錢都算幾低值得推介!(圖為本人推介之甜品－士多啤梨雪山)

去完赤柱再去西環探朋友後諗住食埋飯先歸家見今日天氣涼涼地專登黎試下呢間對住維港既露天茶座叫左兩個set dinner(一碟意粉加一杯飲品)同迷你鮮什果子火焰雪山set dinner要左香辣燒雞扒拼意粉同炭燒西冷牛扒拼薯菜因為即叫即整都等左十五分鐘左右先有得食雞扒同牛扒用竹枝串住新鮮燒起燒得o岩o岩好唔會un而且醃得好入味唔駛點汁都已經好好食薯茶係新鮮即炸炸完唔會油淋淋食晒都唔見有一攤油o係碟點少少茄汁已經好食至於意粉雖然只係水煮上檯先俾汁你加但d汁都好香黑椒味但唔辣又係好好食食完心思思想食甜品追加一個火焰雪山等佢上檯時因為佢有兩張搖搖椅又玩左一輪加埋個維港view真係好開心到個甜品上檯時侍應又好細心咁講解佢笑容又好但個甜品講真就一般d總括黎講食物都算有質素而且又扺食黎開中環一定要試

琴晚我同個朋友慶祝生日．個度ｄ侍應真係好好．環境都唔差．值得一試

上個禮拜中午時份，由尖咀鼠去中環搞d野。搞完野，未到一點，拿拿林搵位食飯，如果過左一點就煩等位。諗起呢度有間餐廳，即管一試。叫左個豬扒珍寶腸飯，豬扒大大塊又唔韌喎，珍寶腸size夠足，外皮脆口唔韌，唔難咬。而跟餐的紅湯就略嫌冇乜料到，餚得不夠入未。咖啡就一般啦，不過不失。呢度午市竟然爆滿，但因為得兩個姐姐仔侍應走出走入，我見到有d客足足等左成九個字先有得食。所以一定要早d黎。幸好，兩位姐姐的笑容可嘉，想嬲的客都會暫時俾面。露天位無敵大海境，秋天最岩，夏天和冬天就可能差d了。

見呢間餐廳食評咁好, 昨日去完長洲就專登走去幫襯, 去到17:40還有下午茶餐, 就叫了雞翼配薯條+ 凍O茶($30), 雞絲炒意+ 凍O水($27), 雞絲炒意先上, 賣相普通, 但一入口就覺得幾好味, 之後個雞翼配薯條又到, 個薯條炸得又熱又香, 連我平時麻麻地食薯條既人都差唔多成碟比我食晒, 而個雞翼仲正, 醃得好入味食完之後, 我同朋友已經諗定下次會來食晚飯, 因見佢個SET DINNER 只是三十多元, 真係好抵

較早前曾到此餐廳食LUNCH，都好抵30元有一個扒餐加飲品(不過等得比較耐)，仲可以趁LUNCH時RELAX一下，吹吹海風，人都醒D!!近期再到此食LUNCH，WAH!!更加抵食，首先有餐湯LA，再食主菜，我吃的是肉醬意粉，D味道好正，同其他餐廳有少少分別，又有餐飲!!最後更送"湯丸子"，好正，熱LA LA，外面有D糖同芝麻，裡面是豆沙，好正!!!大家一定要試試!!!!今次亦唔需要"等得太久"LA，好快有得食!希望呢間餐廳繼續努力LA!!

我跟一班朋友27/12去吃晚餐，甜品就是發光O者O厘（原理一樣，是在O者O厘糖中放了一粒發光的東西）。食物質素不錯，但我相信平日的款式和價錢會更吸引！另外聖誕期間還有玩具送（響炮之類的派對玩意）這晚剛巧有一班看似是跳舞班同學的聚會，期間他們更當眾跳舞，而侍應們又請其他食客一同跳集體舞，氣氛不錯！臨走前侍應還說不好意思，因為27號沒有司儀坐陣，所以氣氛差了些少！其實已經很不錯了！可是那晚天氣轉涼，有點冷。繼續努力吧！

平安夜與兩位朋友到此一試聖誕晚餐，估唔到好多人，全場差不多都是一大班朋友來歡渡聖誕。由於餐廳可欣賞到「幻彩詠香江」，放煙火是大家都喝采大叫，雖然比較嘈吵，不過好熱鬧。食物方面味道不錯，每位$138的聖誕晚餐，包頭盤、主菜、甜品及飲品一杯，可算超值。最難得是我其中一位朋友是素食者，大廚也臨時為他安排特備晚餐，估不到他的主菜竟然是火鍋。我的朋友也很滿意大廚的安排，我看見那個火鍋，差點也想分一杯羹呢!最特別是甜品「繽紛星光聖誕樹」(如圖) ，其實是大菜榚，上面放了閃燈，做型很有心思呢!

上次同一班朋友去離島旅行，回程到這餐廳食晚飯，每人消費大概五十多，相當抵食，D串燒好好食，尤其是雞中翼，好有蜜味，個皮好脆，一流！焗雪山$28 就有交易。待應服務態度好好，在那裡成班朋友可以無區無束癲了一個晚上。