意堡棧 (已結業)

今日在灣仔區工作，見此店好多好評，價錢又唔貴，本來打算外賣。點知到店一看，全城疫情當下，個身兼收銀和大廚的店員，竟然可以完全零防護措施，我掛隊時重聽到好似有兩聲干咳，即刻零食欲走人。眼見該店堂食面積很小，有好多外賣堆放住，估計應該主要是做網上外賣，以為客人都見唔到店內情況，所以衛生求其無所謂，希望老板見到為人為己能改善下。

今晚外賣🥡了一個好好味好香的香茅豬扒漢堡站在店前已被香噴噴的黑松露醬大蘑菇煎蛋漢堡🍔吸引決定今次試香茅豬扒漢堡這店的一人廚師👨‍🍳煮的野食基乎樣樣好味！上次食雞飯配的湯都好好飲！今晚坐係到的食客都係咁讚拿到回家又塞埋車個紙盒由熱變冷成個膠袋佈滿水蒸汽...這個時勢沖埋涼先開餐！前後兩個鐘💁🏻‍♀️無用任何方法整熱佢但佢仍然令我一食難忘最驚喜係打開個盒佢個樣仍然咁睇得👍🏻個豬扒有少少燶，但又辣又野味從來無諗過個豬扒包會有紅辣椒🌶️ka仲要個個橙色醬配到一流食得好開心下次熱食

又到星期一MASTERCARD驚喜優惠於OPENRICE付款滿$80減$50今次試一試另一間漢堡店店鋪就位於大家樂的對面旁邊是VTC職業訓練局只做外賣不設堂食的不少學生和附近的上班一族排隊購買但一早使用外賣自取設定好時間的關係，不用等待餐牌大部份的定位都偏向便宜，只是我選了個比較貴的外賣的包裝大概是這樣子日本鹿兒島和牛漢堡 - $68跟普通的漢堡一樣，芝士、生菜、沙津醬及蕃茄作餡料主角和牛漢堡，好像跟平常的沒有什麼大分別但漢堡肉身是容易咬的吃到最後漢堡都有些汁滴出來跟餐雞肉串+忌廉 - $13以為是燒雞肉串，原來是炸雞串大小比想像還要大有些位置炸粉比較厚看得出炸得比較黑

超平hkd28 海南雞飯 啲雞無骨好滑 份量夠哂多 個湯好特別 好濃 但係無味精 好好味 好抵飯。差唔多日日都食 服務都超好 見我晌出面等 叫我入去有風扇位等 又有差電租借 值得推介 。。

叫左網上外賣平台 諗住試下1. 去骨海南雞飯說好的去骨，結果俾咗雞翼尖啲醬全部落係個飯同雞度但係超鹹無醬既飯個口感好奇怪同好林2. 卡邦尼扁意粉蒜蓉味仲重過芝士味，極級油3.鹿兒島和牛漢堡啲肉好鞋，粉好多叫左套餐包埋1. 雞肉串超伏！ 本身見到個樣都唔想食咬一下之後發現啲炸粉苦既，然後咬入去啲肉超鹹真係放唔入口2. 雞翼單骨，上面睇落有啲七味粉但係食咗咁多伏野都唔想再試佢3. 餐湯(跟海南雞飯)金針蘑菇餐湯一飲落去勁大浸金菇味瘦水咁嘅色

當時係用hk01 肚仔訂餐,海南雞飯明明話送例湯，就算睇呢度食評都見到啲人有個湯飲去到攞餐嗰陣，疑似老闆嗰個戴眼鏡白色衫男人串到爆話：「張單冇寫喎，自己打返上去問啦！唔關我事。」服務態度極差拎到返去啲飯唔好食，海南雞叫做過得去。原來價錢同服務也是相對😡佢係openrice 同e肚仔都有得叫外賣，但係啲服務咁差。本身排隊都要等一等佢好似做到無耐性，處理唔到咁多人流真係唔應該整咁多喎。地方唔大排隊都要迫出街，佢做得平係多人買嘅。

意堡棧開左一段時間啦，門面同食品都唔太吸引所以一直未試過，最近開始用openrice外賣自取有得提早叫飯仲有折於是試一試，實在太抵啦有得平20蚊！一早就收到回覆已可取餐，果陣仲係11點半，午餐時間1點先落去拎，本身諗放咁耐唔慌好食，點知返到公司一開完全係意想不到咁靚仔，平時叫開外賣已接受左唔慌好食，無咩期望下食到佢覺得好感動仲有美味南瓜湯，以後會多多幫趁唯一美中不足係個飯點解要係雞油飯呢？雖然不算肥，但如果配白飯就更好

記得幾個月前發現呢間冇乜人知既小店的海南雞飯，又平又靚又好味，$28 雞既份量幾多仲有湯送，所以幾乎每星期都會幫襯。早兩日見到經媒體大肆報導下，幫襯既人多左好多，（香港人就是這樣吧！）縱然只是上午十一時多，我如常到達，見到男老闆同他媽媽都忙過不停，而我要等5個人，以前幾乎唔駛等的。不過老闆見到我都知係熟客，快手快腳做起個餐。奈何水準真係差左好多，南瓜湯好淡，未至於似水，但對比之前的濃郁真係差左。海南雞飯，雞既份量大概少左三分之一。從前係填滿成個飯盒的，不過咁平既價錢算係咁，只係以前太抵！太大落差喇！三個醬汁也稀左，真在disappointed~ 味道也沒有從前的鮮味～

日前看到報導，灣仔岀現了$28元一客去骨海南雞飯，不只飯，還有湯。就連長期與體重戰鬥、午餐只吃水果的我，也忍不住要一試。跟同事提起，大家也有興趣，今天就試了。先是那個湯，今天是南瓜湯，濃淡適中，一般南瓜湯通常都太稠，喝完已飽了。這個控制得宜。讚！飯份量不太大，不會吃完下午懨懨欲睡。雞油飯不太油膩，雞很滑，不太多皮下脂肪，只要不吃皮，也不會太肥。到醬汁了，醬汁才是最致肥的，店家標榜是自家製，也不太油，酸味醬很醒胃。薑蓉亦很值得讚，沒有油，很夠薑！伴菜的青瓜也很新鮮。整體來說物值很高，在灣仔租金高昂的地區，絕對是逆市奇葩！同事說，日前吃個兩餸飯也要$41元。這去骨海南雞飯絕對是要支持鼓勵的。唯一可以彈的，是米比較碎，這當然與成本有關，個人認為是可以將就的，畢竟只付岀了$28元。

今日去vtc, 經過呢間小店, 小店係大路旁邊有易拉架寫明$28海南雞飯.可能時間仲早, 當時店內一個客人都冇, 我同老公就膽粗粗試下, 叫左2個海南雞飯, 堂食!估唔到$28的海南雞飯仲有例湯送, 湯唔係味精湯, 應該係豆湯, 好特別. 但我本身唔好豆, 所以冇飲晒~主角南雞飯出場估唔到大大盒, 雞同飯唔少之餘仲好滑雞下面仲有少少青瓜做配料. 總括: 雖然平, 但絕對不是伏, 反而比起某些話自己係正宗海南雞飯的店鋪更好味.下次經過一定會再食. 少有的有良心食店~

香草雞扒漢堡 ($38)評分：9/10.呢個漢堡我要十萬個推介大家去買 😆😆😆 因為性價比實在太太太高喇～ 小店空間細細，廚房一眼睇晒，主要都係做外賣為主，賣小品製作嘅各式意粉同小食🍝，見佢哋漢堡🍔嘅相影得非常精緻就俾佢吸引咗過嚟。除咗雞扒之外仲有好幾款都大路嘅肉類配搭話系食過其中最好食嘅雞扒漢堡一啲都唔過份 😙 從內到外每個細節位都處理得超班真係冇得扣分 😀 雞扒首先 size 已經贏晒 😍，又大塊又厚身，落咗香草醃煎得非常香口 👍 亦都真係成塊都好嫩滑，火候平均～就算係最面個層都冇 overcook 😙 麵包都有驚喜，因為真係非常鬆軟同富牛油香，麵包索咗牛油變得軟身，夾埋特調沙律醬做點綴，兩樣野嘅味道完美結合 😋 評論只有兩個字 —「正呀 💕」 唯一要講嘅就係啱啱煎起個陣真係非常燙口，一定要攤凍少少先食，如果唔系可能有啲人受唔到會即刻轉個頭爆瘡 😅 熱氣度分分鐘更勝薯條 😅 不過難怪嘅，佢哋真係百份百即叫即製

I was on my way to a class when I noticed this shop's banner. I needed a light meal at that time and thought to try this place out. It's run by a nice old lady along with her son. Their menu is both in English and in Chinese. There's so many to choose from. I saw quite a lot of customers taking out their sirloin steak burgers, clam and garlic pasta, porkchops with rice and also truffle french fries (this one seems to be a must for everyone). The shop is pretty small. Most of the shop was occupie

當我正想一個人搵飯食嘅時候，咁啱見到呢間店呢個牌，灣仔區有$28一個餐，不可思議🤣見得一個堂食位，所以就排隊買外賣返教會吃😆眼見婆婆得一個，我前面仲煮緊意粉，當我仲諗緊走唔走嘅時候，佢就突然去搞我嘅海南雞飯😱然後二話不說又問我後面係咪要海南雞飯，就一次過攞咗兩個外賣出嚟😅😅佢嗰度寫咗$28送湯，送完即止我咁早所以係有得送嘅😆😆湯係飲得出番茄薯仔，有冇豬骨我唔知不過感覺係好足料，因為覺得啲薯仔有少少溶，而且好似冇味精而海南雞飯呢，無骨已經贏晒仲要青瓜新鮮飯有薑絲👍🏻👍🏻👍🏻薑蓉夠多👍🏻婆婆一個人好叻吖

小店開左一段時間，終於一試。最普通既雞扒漢堡，三十幾蚊，灣仔呢個價錢，不算太貴。雞扒十分美味，如果只係淨食個雞扒都值得。之前試過鹿兒島和牛漢堡，漢堡扒不太乾，不過不失。其他漢堡價錢就小小偏貴。

It is so cool to taste the real Italian food in such a small and simple shop. The spaghetti are professional and taste like in Milan. Must try the truffle French fries, they are gorgeous, crispy skin with hot and soft potatoes inside.The chef cooked in front of me, can request to change ingredients. He is so nice too.