影片
港鐵東涌站 C 出口, 步行約12分鐘
繼續閱讀
開飯介紹
餐廳環境寬敞，設有半開放式餐座。主打意大利菜，選擇多樣，包括意大利飯、薄餅、各式扒類等。紐西蘭青口較受歡迎，加入白酒、紅椒、蒜蓉等調味，配以香脆蒜蓉包一同享用。
繼續閱讀
營業時間
星期一至日
11:00 - 23:00
以上資料只供參考, 請與餐廳確認詳情
<東涌都有不錯既意大利菜>👍🏻喺東涌行入去私人屋苑東堤灣畔樓下 呢幾年開左唔少食肆 可能因為多外國人住既關係 都係西式菜多， 今次黎到試呢間意大利餐廳 感覺係半西餐半 bar既感覺 有室內亦有半開放式坐位 . 入面播住 now tv, 呢個時勢 餐廳唔播 cctvbee已經好好😂 . 食店 menu有各式既意大利菜 好似意粉 意飯 扒 甜品等等 仲有唔同生啤 食物質素都唔錯🍴印式咖喱角98 蚊🔥好耐冇食過甘大件既咖喱角 佢個皮炸得好香脆 入面既材料塞滿哂 有熱辣辣咖喱薯蓉🥔青豆 洋葱粟米碎等 口感飽滿 咖喱味好香 點少少類似印度菜既薄荷醬中和番熱氣度🔥 十分唔錯既小食🍴紐西蘭青口 138 蚊N Z mussel有成過10 隻青口 大大隻 十分新鮮 一上枱好香白酒味 紅椒 葱花 蒜蓉 牛油 調味 但冇蓋過青口既新鮮度 👍🏻 連埋生熟蒜鋪面 既香脆蒜蓉包一齊食🍞 都幾惹味🍴魷魚圈 120 蚊🦑初頭諗住120 蚊有 d貴 但原來勁多魷魚圈 佢個皮炸得香脆 茨粉唔會話太多 入面既魷魚保留番應有既濕度 夠彈牙 加 d檸檬汁🍋同沙律醬 都好食🍴南瓜蘆筍意大利飯 128 蚊🎃好傳統既意大利飯 佢既飯好煙靭彈牙 🍚南瓜醬汁香濃佈滿飯粒 加埋芝士絲 🧀青豆爽口既露筍點綴 增加層次感 所以成碟飯口感好好🍴燒春雞 245 蚊 🔥大大隻燒春雞 如果我冇食錯佢既雞用左 bbq sauce黎燒 加 d香草增加香味🌿 雞皮好香滑 而雞肉 就算雞胸個嫩滑度都唔錯 燒得熟度適中 🐤而薯角係粉質感嗰 d熱辣辣 點下茄汁 最啱襯啤酒👍🏻🍴apple crumble 58 蚊🍎呢個蘋果金寶 既雪糕係雲尼拿味 幾香甜 加 d藍莓點綴 金寶既黃糖整成既脆脆唔多 反而多 d甜既 nuts幾夠香脆。底層既蘋果比例多🍎 醃同焗得夠入味 保留少少 juicy . 整體都唔錯#意大利飯 #露筍 #蘋果金寶 #燒春雞 #魷魚圈 #青口 #咖喱角Score 平均分 <7.2/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻Value for $ 性價比：👍🏻👍🏻👍🏻Service 服務：👍🏻👍🏻👍🏻~~~~~~~~~~~~~#意大利餐廳 Resto restaurant,pizza pasta ribs and grill東涌海濱路海堤灣畔商場地下~~~~~~~~~~~
繼續閱讀
同另一半係呢間意大利餐廳食飯，幾仲意呢度附近環境，有啲似係國外既時候，附近亦都係幾多外國人黎happy hour。兩個人叫唔到太多嘢食。叫左個薄底pizza，牛扒，青口。pizza真係要食薄底，食上黎配料相對先多，啖啖有料，好正！good!青口整得好好食，蒜味濃，啱曬我。蒜蓉牛油包點埋啲汁黎食。最後大推呢塊牛扒，以佢價錢黎講，絕對值得食。通常係啲外國餐廳，尤其係食扒類為主多啲餐廳我先會叫medium rare，肉質夠靚，油脂好香。真係會食過番尋味！
繼續閱讀
Boxing Day日頭去完大澳所以夜晚出返去東涌，都仲係九點幾所以就搵吓有冇甜品食啦，我係一個Tiramisu愛好者，所以特登搵下東涌邊度有得食。搵完見到呢一間餐廳有，但係我唔熟東涌所以搵咗好耐先搵到，不過位置有啲吊腳，同唔近地鐵站，佢喺個屋苑嘅下面，個環境有啲outdoor嘅地方，啱Chill吓飲杯野。嗰陣仲好多人食緊晚餐，好似都幾多嘢食幾吸引。Staff好有禮貌完全冇所謂我哋坐邊度。😊我同個朋友已經食飽咗，所以只係嗌甜品，叫咗一個Tiramisu，同埋一個Apple Crumble，價錢非常合理，只係$55元一個，仲送2球雪糕。另外仲叫咗杯凍朱古力，但呢杯伏到不得了，係好大杯，但淡到不得了，只係一杯啡色嘅水。有啲無奈...😑😑😑但甜品就正常好多，首先Tiramisu我覺得係好味嘅，都幾大舊同埋夠濕，咖啡個味唔錯，但未到驚為天人，不過絕對可以Encore！而且佢個擺碟造型都唔求奇！但2球雪糕有啲空心。哈哈。至於Apple Crumble🍎，我覺得比較普通，肉桂味濃，但啲脆脆唔夠鬆，而且蘋果蓉完全唔爽口，味道正常，但口感扣分，不過呢方面好主觀嘅，份量都唔細。總括嚟講，呢間餐廳幾舒服，睇波一流，甜品性價比高，有機會可以試埋咸食。👍🏻👍🏻👍🏻
繼續閱讀
自從離開了東涌就冇咩機會食Resto，難得今日入東涌所以就叫返個外賣pizza食。本來諗住要個中size，不過原來要$150先可以送外賣，所以就買咗個大Resto Deluxe Pizza。一貫既味道，不過今次唔夠熱，可能始終係薄批，所以凍得快d。
繼續閱讀
我同幾個朋友入東涌食好西，之前有朋友介紹過Resto 所以決定試一試。近地鐵，好易搵。我地去到大約五點，剛好happy time時間。呢間餐廳time happy由4點到9點，時間好長。而且仲有露天座位，好正。我問過除左menu 上的酒,仲可以order客人自己想飲嘅酒。幾特別的服務。我地仲試左pizza，好好味。侍應都好好服務。超級relax的餐廳。下次會試返佢地dinner 。
繼續閱讀