意廊

營業中

休息中

下午去沙田麗豪酒店食下午茶自助餐，服務差，超級難食，我睇之前食評，極有可能係廣告。今日去沙田麗豪酒店食下午茶自助餐，一心諗住去酒店食，服務會好啲，但服務仲差過大排檔。首先無人收碟，侍應完全無反應．全場得一個無咁高，相信係經理男人，好啲有反應.其余一個較高及瘦的男子，3個女侍應.全程當客透明。先講野食（熱食只得4款，與食評有雞翼/有青口完全唔同）真實如下瑞典肉丸 :（超級油膩，肉丸仲要又碎又爛）肥豬肉 : （肥到一舊起，2舊止）pizza :（砌到又薄又厚，只得漿汁，超級咸）完全無口感麥香雞 :（粉多無肉，衰過佳宝啲貨）意粉 : 開始就係凍嘅，唔敢試較可以係西餅，但一開始就被搶晒。我算快手先搶到2塊葡撻。野食完全無Refill.野飲得一杯，我叫了杯凍檬茶，只比得少少糖漿.當然叫侍應攞，又係白等.最好笑係雪糕，跟本唔想比人食，要order,，係要企係道等，等厨師得閒先拿比你。我同厨師落左order,厨師就行左去。做其他野，企係道等左3,4分鐘。我同侍應講，可唔可以我先番位，一陣拿比我.佢話唔得（當時佢倾閒計）雪糕只可每次拿一小舊，相當小家。這間麗豪酒店意廊餐廳.真是差！

經過兩小時的考試，身心疲累，真想找一個環境優美的地方坐下來，又可寧靜地享用一個人的午餐。走到沙田河畔花園附近，周圍的食店都人頭湧湧，真是不能吸引我入內。真是有種“那人就在燈火欄柵處"的感覺，竟然給我看到這一間意式餐廳。一步入店內，已被它的輕音樂籠罩著我，好舒服，內裏雖然佔的地方不多，但都五臟俱全。最別緻的是它的沙律吧，放在大廳中央，非常吸睛。別以為在酒店用餐會價值昂貴，相反，我點了一個紅酒燴牛尾配法包，加28元再有餐湯和甜品，這簡直是超值，而且是無限制用餐時間，還有無限次任食沙律吧!!! 這簡直是沙田區一個隱世的休閒好地方。

見到x 安旅遊做團購，105 元在酒店餐廳任食pizza , macaron 等多款歐陸美食。比在酒店食high tea三層架划算得多。意式風情意大利薄餅及任食馬卡龍雪糕下午茶自助餐（團購價$105, 原價$118)看到食物bar 檯，只有小小的熟食長桌，以及小小的甜品區，難免會有少少失望。而且都不見有macaron 的蹤影（雖然我不喜歡吃）。熟食區的食物用酒精爐溫熱著，但普遍食物都是不溫不熱的。「白汁黑松露意粉」煮得爽口，白汁creamy, 但味道不濃，磨菇及黑松露也不多。發現熟食桌上有鍋「白汁雞皇」，汁醬濃稠，奶味濃郁，雞肉亦大大件，啖啖肉。用來伴剛才的意粉就very good 了！「香草龍脷柳」都幾大件，醬汁濃厚，但有少少腥。「黑椒雞翼」的外皮相當香脆，且有陣陣黑椒香，不俗。「烤豬肋骨」有濃濃的BBQ 醬味，味道香甜酸辣，但肉質頗韌，肉肉依附在骨頭上好難咬開。「意式肉丸」的味道好似宜x 傢俬餐廳的，肉味濃郁。醬汁換上蕃茄汁，味道酸甜，好醒胃。「炸春卷」餡料不多, 像是”來貨”. 亦不夠香脆招牌食物- Pizza,有多款味道，源源不絕輪流供應，例如有Margherita Pizza

買咗 XX 旅遊嘅美食劵，$210兩位已包加一，真係好抵。食物種類好少，不過樣樣都好好味，重覆再食都開心，所以食一餐就夠。肉嫩滑，味道各具特色。(燒豬骨，雞翼，龍脷柳)pizza 不停換款，絕對滿足到鐘意食 pizza 嘅人。茄汁豬肉超稔，白汁雞皇超滑意粉軟硬度剛好，白汁香草磨菇味道完全食得出。任食 Movenpick 雪糕，抵哂。其他甜品種類多到不得了。仲有馬卡龍雪糕，心太軟等等任食，樣樣食物都係令人食咗會好開心。

前日(11-12-2017 Mon)同老公冇飯帶,我就提議join埋佢o黎,我上次o黎食覺得唔錯o既呢間食晏(o個個食評: https://www.openrice.com/zh/hongkong/review/%E9%96%8B%E5%BF%83share-e2920616),我o地去到同樣唔多人,女侍應俾o左張靠窗四人枱我o地,我同老公都揀$138.00o既意大利麵餐食,落完單後,老公去攞頭盤同沙律,佢攞o左好耐,餐湯都到o黎,一樣係南瓜忌廉湯,我趁熱飲先喇,今次個湯好飲啲,係飲得出南瓜o既味道.味道: 5分老公終於返o黎喇,睇吓佢o既頭盤同沙律,好豐富,呢啲都正正常常冇問題.之後番茄醬海鮮意大利粉到o黎,青口唔大隻重要唔好食;其他o野都冇問題.味道:4 分然後係香草醬雜菜螺絲粉,落單時,男職員話冇晒螺絲粉,改蝴蝶粉冇問題嗎?啊,冇問題.上到o黎睇, 所謂雜菜就只有茄子,有冇攪錯?覺得被搵笨同九唔搭八,離譜.香草醬味道有啲怪,唔好食. 味道: 2分之後我o地食到兩轉沙律就夠晒,然後都叫佢上埋甜品,呢次甜品係杏仁布甸o個類,杏仁味唔算好濃,恰到好處.味道: 4.5分餐飲我o地都係要熱

尋日(22-11-2017 Wed)同同事一行7人o黎呢o度食晏,我o地冇book枱,都俾o左張靠窗o既長梳化位我o地,好好view,好正,我o地7個餐,沙律同頭盤都係自助,主菜就叫o左3個8吋pizza(每位$148.00),4個意大利麵(每位$138.00).落完單,我o地就去攞沙律同頭盤, 頭盤有兩款火腿同煙鴨胸,沙律材料多數都係蔬果,有新鮮,亦有醃o既,例如酸瓜.基本上蔬菜新鮮,只係有隻菜苗睇落好乾.我一共食o左三轉沙律同頭盤,而且三次都係落凱撒汁, 凱撒汁比較酸,食材大致清淡,酸瓜o既酸度適中,唔會太酸.而是日餐湯應該係南瓜忌廉湯,稠杰度o岩o岩好,但味道就偏淡,差啲飲唔出南瓜味,然後pizza同意大利麵都陸續到o黎:1. -2.  煙三文魚忌廉汁闊條麵,牛油果鮮蝦野菌pizza忌廉汁唔係好多,除o左煙三文魚鹹外,其他味道都淡淡,咁就令佢均勻.3. 野菌燴牛肉長通粉我冇食到牛肉,味道有啲似乾炒牛河咁.4. 夏威夷風情pizza幾乎全素,幾開胃.5.  西班牙辣肉腸天使麵我只食少少辣肉腸,唔係好辣,都OK o既.6. 番茄醬海鮮意大利麵呢個味道都算濃.7. 辣肉腸pizza我冇

有自助沙律吧(食晚餐+$40一位)正常既，有煙三文魚、火腿、芝士、沙律菜、通粉食左推介既青蟹意大利飯葡汁海鮮意粉 - 有青口魷魚蝦，其實唔肯定係咪葡汁但兩樣都無味!意大利飯未煮夠，明顯D 米未飲飽湯，食得出有落芝士同忌廉，口感都感受到，但就係無味意粉汁都係無味 .. 實在忍唔住要同經理講經理應變好快，都有解釋太多order而可以心急出菜影響左質素但講真 .. 忙就影響到未煮夠都上菜真係講唔過要果腹既我唔洗泥食意菜啦你俾米我塞飽我為咩呢 ... 經理就換過個意粉俾我地終於都正常，汁有D似葡汁味甜甜地，有番D creamy 口感，不過D海鮮都係無味所以我地最後係去食沙律吧食飽就算餐甜品正常

今日試左呢個一口價tea buffet, 老實講$118一位真係唔掂，一句講晒選擇唔多質素唔好，咸點方面得幾樣無味pizza同西班牙海鮮飯，雞翼，春卷同青口，甜野有好多，不過全部無寫咩來，有食物敏感人士真係好易食錯；蛋糕質地好'鞋', 得個甜字，梳乎里食得出好多未溶既糖，又升唔起；Movenpick雪糕得2樣，仲要order先有，小家左d囉；飲品得一杯。總括來說，無樣得，以呢個價錢可以食到好多正既tea buffet, 麗豪酒店唔該檢討吓，否則都幾難有人來。

這間餐廳在做買一送一 Weekend Afternoon Tea Buffet。看了其他人的食評和照片後，所以決定來此品嚐。要享受此優惠必須打印 Open Rice 的 Coupon。原本不想寫評語，因為怕太多人知道這家餐廳而讓我以後很難訂到位吃。此餐廳最適合女士們三五成群約定到來吹水八卦，兼享受甜點，打發時間。服務人員非常有禮貌，很快就引導食客入座。座位非常舒服，部長帶我和老公兩個人坐四人位靠窗的座位。很多自助餐館大多會推出很多食物，可以老實講一般人都無法嘗到所以食物，所以我選 buffet 餐廳都會注重 Quality，而捨棄 Quantity。這家餐廳除了甜點外還有少量的咸食，例如雞翼、青口、排骨、pizza和三明治。有些食客説 pizza 不脆，檸檬茶太淡，可是我卻覺得不是那麼一回事 wor。Pizza 不但薄如紙，而且邊邊還很脆，我不知不覺吃了十二塊呢！檸檬茶比較清淡，正好中和翻下午茶的甜膩。如果能夠約上幾個好姐妹到此消磨兩個小時，也是一個不錯的選擇。

早幾星期同朋友去左沙田行街，行左一陣就決定去酒店食個tea buffet，入到餐廳就望見了非常吸引的甜品檯😍，坐低之後就出去攞食物啦。食物款式因爲係tea buffet 所以當然係以甜品為主啦，不過令人驚喜的是竟然tea buffet的時段也有供應餐廳自家制的Pizza，回座位見到檯面上的promotion menu，散叫一個pizza 也要接近$150-200, 立即食多兩塊就回本😋。值得讚賞的是有一位員工Chris(應該是經理), 他服務細心，主動過來介紹了幾款甜品給我們品嚐，甜品款式亦多，重點推介係即整朱古力pancake。下次去沙田又有另一好去處啦😃

今個Summer 7月1日到8月31日🌞，Skin Food 同 Regal 酒店 Avanti Pizzeria做 crossover，推出全新柚子黑糖下午茶。成個Tea Set總共有13款精美茶點，每位仲可以選擇黑糖熱咖啡☕️或柚子冰茶🍹。 ▫️食後感: 整體都俾我想像中好🆒，最欣賞佢地既酥皮茶點🥙，一食落去chop chop聲，可能餐廳成日整pizza🍕，所以做酥皮既技術真係一流。另外，茶點做得都幾細緻，每件茶點都睇得出手工黑糖同柚子既味都食得出。依個價錢食到咁既質素，真係好我鬼「抵」💰。▫️小妹經過佢地餐廳門🚪，發現佢地放左7折coupon🔖，為返都係每人$134，想點先？咁大隻🐸🐸隨街跳🤣▫️順帶一提，下午茶供應時段由星期一至日3️⃣點到6️⃣點，每位食客都會送SkinFood禮物，佢地最出名既黑糖面膜都包括在內。另外，用下午茶單據或Regal卡，係8月31日或之前到Skinfood門市可以免費登記成為會員同迎新禮品一份🎁。

去完文化博物館，當然係医肚。响沙田不一定要去新城市廣場同人迫，就搜尋周圍，這裡最吸引，薄餅連甜品自助餐﹏都幾有趣。餐廳在酒店門口旁邊，行過看到入面環境，好舒服感覺咁喎未夠鐘入去在門口等， 見廚師在放甜品特別要求坐近窗，其實是玻璃門，晚上應是酒吧，曬住陽光開始嘆下午茶甜品都多種類，仲有朱古力噴泉可以食生果或棉花糖串。薄餅都有芝士，海鮮及火腿。唔明白點解即烤薄餅个底唔脆，是特色？？梳乎厘好香，入口即溶。 制作梳乎厘的廚師一直笑臉為客人遞上梳乎厘，我地在拎食物時，佢仲提我地有咩新鮮換出來。 其實熟食唔多，最好味是肉丸， 但燒排骨就太乾。黑糖布丁蛋也不錯，但麵包多士麵包冧左。本身喜歡慕絲及布丁之類甜品, 所以食左好多小杯。 這下午茶有優惠價錢， 而且在酒店食，輕輕鬆鬆好。

沙田新城市大多是些吃膩了的連鎖店為主,所以特地走過城門河,大概15分鍾步程,來到這酒店吃晚餐當晚的亮點就在這36安士和牛斧頭扒!巨型的斧頭扒，足足36oz，夠4人以上分享！建議是選7成熟，而剛好旁邊的位置是7成，中心近骨位置會接近5成熟，可以滿足不同人的喜好。牛肉脂肪量適中，口感鬆軟，十分Juicy！上桌後淋上燃燒中的酒精再燒一燒，焦香明顯，油香更突出！不過旁邊的配菜(薯仔、瓜等等)吸了剩餘的酒精，變得苦澀。除了有噱頭的斧頭扒，其他基本的意大利菜菜式都做得不做錯。前菜的無花果沙律，甜醋濃稠量足，無花果及火箭菜都好新鮮。龍蝦湯好有驚喜!原來看樣以為是普普通通的西湯，原來內有真龍蝦肉，果然足料!旁邊的多士粒十分鬆脆，是有蒜香的，一點都不馬虎。湯的龍蝦味濃，唯口味偏鹹，喝完整碗會口渴。粗身的寬意粉向來是我的最愛，因為它最能掛醬汁，跟這個濃濃的忌廉汁尤其合襯!意粉上有帶子及當中有菇菌，但帶子似是急凍貨，質素一般。最後來到甜品時間，上層及底層都是朱古力蛋糕，中間是Tiramisu，芝士味跟朱古力味好平衡，雖然沒有浮誇的外表但味道不錯！

放工搵野食．由於搬寫字樓太辛苦．同同事決定去食餐好既😌呢間西餐廳起酒店樓下．人流唔算多．岩晒靜靜地食飯同傾計唔知係咪太勞累．我地幾個女仔竟然叫到成檯都係🤣頭盤叫左個凱撒沙津仲叫埋龍蝦湯．真材實料好濃好好味．附送埋既脆飽粒都好新鮮．勁脆架！我唸我地餓昏了．竟然夠膽叫斧頭扒😂黎到真係超級大份．又厚又大．大過我地塊面．但唔知係咪太生(感覺得四成熟)．覺得味道一般．後尾再煎多一次熟返小小(大概七成)仲好味！佢仲配埋蒜蓉飽😋除左扒仲叫左款意廊特色Pizza．睇中左佢有和牛起裡面．好少地方既Pizza會放和牛咁High結果係好好味既．特式Pizza果然唔同D😋Carbobara無乜味．有D失色特飲不過不失．大杯D更好😌總括黎講係好味既．但都建議斧頭扒真係多人先好叫🤣我們太貪心了！同埋呢度用白金咭簽咭就有八折．即刻抵左呀😌👍🏻

上openrice訂位就話有8折,而且有見到話唔需要print卷出黎,到時開apps 掃qr code就得！可惜到左堆單個時個職員表示一定要print張卷出黎先用得囉! 好彩最後我有hsbc張credit card 都有8折姐! 如果一定要人print張卷,咁就唔好整個qr code出黎 好似好方便人咁啦！