意樂餐廳 (天澤商場)

營業中

休息中

好鍾意食佢哋嘅早餐特別係佢嘅煎雞扒炒蛋、午餐肉配薯蓉沙律+齋啡！超級豐富嘅西式早餐加$6就有通粉～下午茶減脂嘅朋友可以選擇雞扒包配沙律！補充蛋白質和能量，做健身嘅朋友都啱晒！

今日放假就搭下車去食個早餐，左去天澤樂意餐廳，通常都係食晚餐，今次試下佢個早餐先，叫左歐陸式早餐：有牛角包🥐雜菇炒蛋、沙律菜，當然唔少得杯咖啡啦，食物中規中矩啦，屋邨集團餐廳都唔抱太大期望，個牛角包唔熱，其他都熱嘅😂咖啡好飲，因為機沖有水準🤣不錯啦⋯⋯

話說之前我發現中午有大件夾抵食嘅牛扒定食，於是乎就買了返屋企試吓，發現驚為天人個牛扒嘅口感啱啱好，也Juicy，個醬雖然一般般，但係配住食都好好吃。佢仲係靚牛扒好似$70就食到我覺得唔錯幾抵食。我試過佢的晚市牛扒，我覺得仲好食過佢個晚市牛扒，晚市嗰塊牛扒太難咬🤣

試過呢間嘅堂食牛扒，都算ok，薯條又新鮮炸。但外賣真係好差，試過幾次外賣牛扒，真係完全唔掂。薯條又涷又難食，件牛扒有三分二都係筋，根本冇肉食，比左百幾蚊但食唔飽，仲要賣到咁貴，食到一肚氣。廚房都唔知係咪特登比d難食嘅扒做外賣！

Lunch叫左哩個餐：蒜香鮮大蝦扁意粉（配特飲紅豆冰）落order時，侍應話紅豆冰無貨，叫我轉其他野飲。然後我落左杯凍檸水。但出黎張單我就覺得奇怪。原本個餐，我有杯價值$6既特飲，因為你餐廳無貨，我轉左杯普通凍飲（價值$3），點解唔係免費轉俾我不但止，仲要話凍飲加$3, 要多收$3 ?@@我問收銀姐姐，佢話公司規矩係咁......

雙流心蛋好正😊煎得好靚又唔燶，豬扒薄切好林好入味，沙律🥗菜有幾種唔同既菜混合，加上芝麻醬好可口，仲有薯蓉配搭，蒜蓉多士好厚身啖啖飽滿，麥皮加埋牛奶好香滑，熱檸檬水有粒粒正

叫左個15002豬扒早餐套餐相當豐富，豬扒煎得好香好林好入味，加埋有好多沙律菜好健康，和沙律菜種類滿足口感喂另外加購左火腿通粉好飽肚套餐蒜蓉包加咗香草好正唔會好單調，亦都提高咗口感，好滿足。

環境有情調，燈光柔和，不會刺眼，喜歡比較暗的環境非常好，叫了一個健康早餐套餐，配了一杯熱檸水，熱檸水我有點不習慣接受不了，因為是檸檬🍋粹沖成的，沒有檸檬片。野菌炒蛋好滑溜菇味香濃，沙律菜好新鮮，沙律醬份量啱啱好，牛角包飽滿滿足，都算大隻，牛角包如果再香脆啲會更好。火腿通粉好好味，火腿好多，當然食得好開心。

全部垃圾食物，吉列魚柳煎到黑曬，上菜慢，食完一個先上一個，服務態度極差，邊張單係邊張枱都唔知，格離枱話系佢既就自己槍，而家食緊自助餐？！得一個服務員肯幫我哋跟下

去呢間意樂食下午茶揀左照燒雞排麵 配多士落單呀姐講野細聲 又黑面 放低杯水勁重手唔知仲以為得罪佢但唔夠10分鐘 就送到枱 😍四眼哥哥非常輕手放低碗面 同野飲 冇嘈音仲禮貌咁問有冇其他需要做到踢晒腳 仲好好禮貌對客抵讚

今天下午抽空入咗去大西北的天水圍盡頭，天恒邨，找一位新認識的朋友，請他到天水圍山指導航拍機應用。由於午餐都未食，所以隨便找一間不用排隊，不太人多嘈吵的食店快食，然後去跑山。豈料就是這樣得到報應...遇到可能是整區的劣食之王？這又可能不對，因為我不知道此店是一直劣食稱霸，還是近期才稱霸。各位可以睇相片自行研判...餐牌賣相個人明白，餐牌相片和實物是會有些差距，但離譜到咁，都是近幾年個人首次碰上。碟嘢：１）天使麵幼條無味２）洋葱是應是接近未煮過，辛辣味極重。３）所謂白汁呈奶水狀，幾乎無味：我很努力品嘗和估下是什麼味道的白水，真係估唔到。卡邦尼意粉醬味道沒有，傳統快餐店白汁麵撈味道沒有，生粉水味道也沒有...可能只是我作為小小食家要求高，我將相片向三位我偶爾光顧的商品店員評價下。他們評價如下:１）碟嘢咁垃圾既；２）嘩，食店生意真係好難做喎，夠呃食客為生既；３）用商品說明條例舉報佢啦，貎似廚X既？而更火上加油的是埋單，個人向收銀反映，你們的食物好難食。收銀員用不耐煩表情+語氣說道：哦你話嗰個天使麵呀嘛......雖然不是她製作，但代廚房講聲唔好意思，或神態上表示小小嫌意，令客人消消氣都應該吧！

下午茶餐🧡豬扒包配薯條🍔🍟呢個份量一個人食岩岩好👍🏻豬扒唔算好大塊，但味道唔錯又juicy😋加上個包都幾脆同香口～配埋野飲正！下午茶餐必食之選😆😆😆

今日唔想煮飯去天澤商場行吓睇吓有乜食，見到依間餐廳個餐牌圖文並茂，個晚市套餐都幾吸引喎，不過再望真啲，原來個晚市二人套餐淨係外賣㗎咋，我哋想食但唔想外賣，廢時返屋企又要清潔啊。所以就唯有入去叫兩個一人餐啦。依間餐廳嘅價位雖然都屬於平價，大概五六十蚊就有一個晚餐（飯呀意粉咁，但扒餐就要接近$150）加埋嘢飲就七十零蚊啦，唔算好貴，但係內裏環境唔錯嫁！裝修及座位，都坐得舒服😌。我哋兩個人被安排咗坐卡位，可以舒舒服服咁有一個二人世界。 我哋叫咗一個龍蝦湯飯一個焗豬扒飯，一杯芒果冰冰同一杯紅豆冰。龍蝦湯飯有好多海鮮湯底都有好濃郁嘅蝦味，蕃茄焗豬扒飯係用炒底，係我最鍾意嘅，主菜可以推介俾大家再食，但係杯紅豆冰我就唔推介俾大家！杯紅豆冰超多奶完全唔好飲，好似飲緊一粒粒嘅紅豆加鮮奶咁，都唔係傳統嘅紅豆冰味道。

今日夜晚行咗去天澤商場搵食見到間意樂餐廳好似幾吸引就走咗入去環境裝修都唔錯， 座位幾闊坐得幾舒服嘢食方面見到餐牌都幾多選擇最後嗌咗個焗豬扒飯同埋龍蝦湯飯當然唔少得夏日凍飲啦我哋就嗌咗個芒果冰冰同埋紅豆冰個焗飯好快就嚟咗前後都係約10 分鐘時間非常有效率(西西里式鮮茄烤豬扒焗珍珠飯)個樣對板，芝士有拉絲，飯有炒過完全足料當然唔少得個龍蝦湯飯啦(龍蝦海鮮湯珍珠飯)個飯有好濃嘅龍蝦湯味，海鮮有蝦，青口，蜆同埋有啲菇同事都有啲芫荽味個人嚟講鍾意食芫荽就非常鍾意最後當然唔少得兩杯特飲啦不過味道略為甜其實都好嘅，因為你飲幾啖都可以加水又可以變多半杯出嚟總括嚟講我得呢餐都食得幾開心同埋幾經濟實惠推介菜式：西西里式鮮茄烤豬扒焗珍珠飯龍蝦海鮮湯珍珠飯#性價比高#坐得舒服#西餐

小編好鍾意食拉麵！有時會周圍去試，曾經食過一間可能係全香港最好食嘅拉麵，但係今次小編食咗個拉麵真係想同大家分享吓！拉麵食過唔少今次係呢間舖頭食嘅拉麵，個拉麵質地完全唔似拉麵，似冷麵多啲，呢個真係似一個公仔麵咁！仲話九州豬軟骨拉麵，個湯底完全無味，非常之涉係拉麵之中配上冬菇，好夾似有少少唔係好啱牙、肉就真係好鞋！有overcook 既感覺！配左隻蛋上去都算係咁啦！不過不失！餐飲業叫咗杯熱檸水，可以勉強合格！至於服務態度方面！又真係比較一般！可以再做好啲！