意樂餐廳 (天慈商場)

營業中

休息中

想簡簡單單過情人節，而且經濟實惠又高檔次的食物選擇之一😻Yummy yummy好好味😋每次入完去都好滿足咁走美國認證安格斯牛扒🐂好高級嘅名...不過唔係我食的...我不食牛肉，望落去七成熟就知道煎得啱啱好美國豬鞍斧頭扒🐷配有蘑菇湯：蘑菇絞碎再加洋蔥🧅再加忌廉再加少少黑松露醬，夠香得黎又夠濃郁主菜：有薯條之餘再配薯蓉仲有啲蔬菜🥬大大份塊扒都好厚下...一個餐真的未必食得曬..而且即叫即做我相信塊扒係用牛油🧈煎完再焗的🙈好食😋一切落去啲汁不停流出嚟，一望落去就知肉質好靚唔會老唔會硬，識落仲有少少焦香味，真係好嫩..真係啱啱好..真係好精神..加$15配芝士白汁煙肉焗西蘭花🥦夠抵食

轉咗新menu, 不過係失望嘅。懶係搞好多花臣嘢，睇menu好似好正，但明付其實圖片與實物不同。份量明顯縮水。新menu小咗好多嘢食，但我最唔開心係冇咗抹茶紅豆冰😭😭😭

食物質素高，點了一份德國鹹豬手餐，價格相宜，有餐湯、沙律、薯條及飲品，鹹豬手外皮鬆脆，煮得相當入味，薯條亦是另一亮點；另外加配了一份夏威夷薄餅（只要點了一份主菜便可以用$35加配一份薄餅），相當抵食，薄餅皮薄鬆脆，芝士與肉醬配合得宜，整個餐點可以說得上是超水準之作。唯資深員工服務態度需要改善，對顧客的詢問顯得不太耐煩。可能正值聖誕時節，顧客量大增，食物方面供不應求，很多食物也相繼售罄。宜在特別的節日增加食物的存量。

加錢轉左黑松露忌廉酥皮湯，香味有黑松露，但係飲落同跟餐嘅忌廉湯分別不大，二碗味道都麻麻地，唔係難飲，但係一定唔係好飲的味道。安格斯牛扒餐，經過非常強勁嘅醃製，梳打粉味非常勁，肉質好難唔諗囉！對牛扒有要求嘅人就唔好叫呢個餐啊。拌碟嘅薯條，怪怪咁，話佢脆又唔係，話佢林又岩，又硬硬地咁。焦糖燉蛋，上面焦糖脆卜卜好吃。+11蚊叫咗杯利賓納啫喱冰，件啫喱有三件每件都係好似粒大型骰仔咁2cm x 2cm x 2cm，啫喱咁大粒，你係冇可能用飲管飲到，但係佢提供嘅飲管係粗過款，但係佢個啫喱係帶到係冇可能用飲管飲，佢又唔提供杯裝專用匙羹，我自己用飯羹畢來飲，原來要用飯羹先至乘載得起件啫喱，第一次飲到咁冇誠意嘅飲品。服務：坐低咁耐都冇人招呼有冇人比水，落左單，叫咗超過四次都冇人比水我，要自己親自去攞，明顯係大嘅就叫細嘅做，細嘅就做到口黑面黑。衛生：基本餐具都放咗喺枱面上嘅籃內，兩個义兩個匙羹都有漬

黎到天水圍諗唔到食咩，就試下依間同百分百餐廳同一集團既意樂。裝備同格局比百份百精緻同寬敞，打開餐牌食物種類亦都多元化！見到斧頭扒只係$98就即刻嗌黎試吓，點知嗌完先發現唔係牛原來係豬！落單前侍應已經講明斧頭扒製作需時，最後等左差唔多20分鐘，尚可接受。餐牌講明配有茄瓜，但最後變成焗薯同西蘭花，不過最重要都係塊扒！食落去唔算Juicy，肉質偏爽口，唔會覺得佢鞋，都幾有豬味，但塊扒比想像中細塊同薄。最驚喜反而係加配既紅豆冰，紅豆夠腍有豆香，亦重本落足花奶，奶味非常出，令人回味！

差唔多每日都去食，覺得好味同幾好坐，最怕啲餐廳明明無咩客，都好似想你快啲走咁，食左成個月早餐牛⻆包大大個好飽肚，午餐有意粉同意大利飯兩個都幾好味，晚餐就未試過，下次去試下個晚餐，仲有服務都可以。

昨日到此嘆個下午茶餐，點了芝士焗薯條、朱古力，還有一杯水。不幸地，來了的芝士焗薯條不像相片中的器皿—碗，而是一碟膠兜，而且內裡太乾，色香味驅強差人意。而且，還送來了一隻烏蠅，我懷疑兩次在那裡用膳致肚不舒服都和烏蠅有關，每次去都總會遇見烏蠅，可能都跑過去我杯水上，才令細菌滋生。再者，雞扒、豬扒也是太鹹了，焗物都不能上口了。本來環境氣氛是挺好的，幽暗寧靜，但現時總會遇上那些開著大喇叭用電話的大媽，從侍應殷勤對侍大媽的行為，大媽是店的老顧客吧，在香港找靜土越來越不容易。

一星期都會去幾次呢間餐廳。不過最近真係開始會轉其他餐廳食。第一環境不清楚。好多蚊同蟻。咬到手腳都係。第二食物好涷。好似放左好耐甘。不過以上都五係重點。重點一杯熱咖啡要等45分鐘。從落單開始到咖啡上枱。等左成45分鐘。已經催左好多次。而且係枱枱都係甘。五明點解要等甘耐。熱咖啡仲要係涷既。究竟係唔夠人手拎咖啡定係部咖啡機有問題。就算係即磨都冇可能會等甘耐。真係好誇張。見到枱枱都食晒。就係等杯咖啡。成個星期都係咁。應該以後都唔會再去。

今日係天水圍放工，諗住係附近搵野食。經過睇左下意樂個餐牌，就決定食了。我地叫左一份牛扒，一個飯，同一杯飲品。👌🏻1️⃣濃香野菌湯牛扒餐包左一個餐湯，味道清淡，無咩菇味，但都ok既，作為食主菜前既餐湯都係唔錯既。🙅🏻‍♀️2️⃣法式紅酒香茅燴牛肉配珍珠飯正所謂有時唔好淨係睇個名，叫既時候係因為個名吸引，黎到發現相當驚奇，因為係茄汁牛肉飯，可能係我未夠專業，我真係食唔到有紅酒同香茅味。成個飯我最中意係飯既質感，就係咁多。🥳3️⃣安格斯牛扒由於對上面個個飯既失望，我本來無咩期待，但點知個牛扒好好好好好好食！牛扒上枱個時已經係好吸引，食落仲正，五成熟岩岩，真係做到外脆內軟，我覺得真係好好食。加上價錢都唔貴，我覺得係值既。😀4️⃣牛乳抹茶紅豆冰個野飲不過不失，都幾濃，不過有d滯。最後埋單$197,有個扒依個價錢都算ok。

這間餐廳裝潢還漂亮呢～與朋友/家人聚餐適合不過點了4個食品 賣相也不錯呢·螺肉焗薯蓉薯蓉焗到外皮脆脆的 螺肉算煙韌的·芝士薯條芝士加上薯條簡直是絕配呢熱辣辣食很棒棒噠·卡邦尼意粉味道淡了一點 意粉的醬汁較小·黑松露意大利飯黑松露份量也不小 每一口也食到呢總括而言價錢中等 食物性價比OK 會再光顧的不要再說天水圍沒有好東西食喇

星期日落街搵餐廳食晏晝，見到意樂唔洗等位，之前又食過覺得幾好食，所以今日就揀左意樂啦。今日食左個海鮮豬骨湯拉麵，跟餐有湯或者飲品，我揀左羅送湯，再加$9有個沙律。先講個沙律，主要係生菜為主加芝麻醬，有半粒車厘茄添，不過無係車厘茄定生菜都唔新鮮，唔好食。而海鮮豬骨湯拉麵係冇豬骨味嫁，好淡，得味精味，唔好食。

下午去試左呢間餐廳，都算full場，可能因為學生放午飯！之前都有試過一次晚餐食鐵板餐都覺得唔錯。不過價錢頗貴，之後一直無再食！不過因為附近餐廳都多人，而媽咪又話5錯所以就try左一次午餐！裡面環境挺好，舒適。一開始試左個羅宋湯，味道可以。而且份量5算少！到最後埋單都係飲5哂！之後點了個三文魚炒飯。本身吾太肚餓，但媽咪話份量5多，結果最後食了三分之一已經好飽！味道吾錯。不過飯粒硬左少少。有少少哽胃最後三分二都打包了

一旧水两个人其真心唔错 ，天水围本身都冇咩好野食 。要又平又好食野我觉得衣间唔错 。我自己食左个黑松露烟肉菌皇忌廉扁意粉，个意粉好软好滑，滑到想拎筷子食 。有野食冇野饮点得咖 ，我饮左个牛乳抹茶红豆冰 。好重牛奶味 ，甜甜的 。我朋友食左个三文鱼凱撒沙律，个沙律个酱有洋葱既甜甜地既味有小小酸酸甜甜 。正 。

今日同男朋友一齊放假，突然想食扒歺，就去左意樂食拉，因為夠近，去到我就點左個安格斯牛扒餐，而男朋友點左個雜扒餐，我個扒餐得個湯好飲，而男朋友就話佢個個麻麻，無下次！

公司附近有意樂 所以下午茶都經常會係到食~今次嗌左咸牛肉蛋三文治~ 再加一杯熱檸荼份量對於下午茶黎講岩岩好~而且個咸牛肉蛋係非常之厚,加埋烘過既包一齊食真係好好味~另外我見佢啲意粉個樣都非常唔錯~ 下次會黎試埋佢~