意樂餐廳 (大興商場)

營業中

休息中

平時係意樂食早餐就食得多，今日終於可以試下佢既下午茶。可能平時比較少食tea，一睇餐牌就覺得好抵食😂我地一行3個人總共點左5款食物，埋單都只係$101！平均每人$34都唔洗！仲要飽到捧住個肚走，抵食到喊出黎！黑白脆脆（$22）好耐無食過脆豬，一見到餐牌有就即刻好想食。不過原來要下午4:00-6:00點餐先可以做到$11的優惠，內心掙扎左一陣，最後都係用原價叫左一份😅。黑白脆脆的黑白即是朱古力醬及煉奶，兩樣都係甜的，配上脆的奶油豬仔包，好好食🤤🤤 （極邪惡）粗粒花生醬厚切西多士配英倫糖漿（$27）黑白脆脆已經夠邪惡，呢個簡直係邪惡之中的邪惡😂面頭除左有一大舊牛油慢慢熔緊之外，中間的粗粒花生醬都放足料！米蘭肉醬芝士·脆脆薯條（$27）上面有一層厚唧芝士，仲可以拉到絲，咬落去成口都係芝士！正👍🏻！不過上面的肉醬就有少少偏咸，要不斷飲野先ok水牛城辣汁烤雞翼2隻（+$10）表層烤到脆卜卜，裡面的肉仍有辣味剛剛好，好嫩唔會鞋，只得兩隻唔夠喉😂😂法式焦糖燉蛋（+$15）我原本以為這個燉蛋係熱食的，但原來是凍食的，所以上面的焦糖已經變硬及變成獨立一塊焦糖片。另外中間的燉蛋部分不夠滑，所以這個甜品一般

💖心心推介💖 意樂墨魚汁鮮蜆魷魚意大利飯🍛🍚🍛🍚🍛🍚🍛🍚🍛🍚🍛西式擺盤，意大利飯作基底，中間把蜆肉連殼放得漂漂亮亮，再放上魷魚圈和一些配菜。墨魚汁意大利飯十分入味，讓人一口接一口吃。星級夏威夷pizza拼田園沙律&紅湯🥘🍲🥗🥘🍲🥗🥘🍲🥗🥘🍲🥗打卡必點，擺盤十分豐富，紅湯濃郁香味十足，田園沙律清爽開胃，比薩足料而且外脆內軟，令人吃得非常滿足。芒果啫喱冰，利賓納啫喱冰🍹🥂🍹🥂🍹🥂🍹🥂🍹🥂🍹每次到餐廳必點飲料，入面啖啖啫喱，口感和味道滿分。💗💗💗💗💗💗💗💗💗💗

越來越多分店既意樂雖然開到周圍都系但系可以話野食一樣但煮出黎都可以唔同屯門大興呢間同得相比起天水圍天慈 同天澤食既都好味好多 唔知大家又會鐘意食邊間呢🤗雜菌忌廉天使麵佢既天使面唔會煮得太林 幾好咬口雜菌數量都唔小 配埋洋蔥 煙肉一齊煮增加香味忌廉 奶味夠重 但又唔會太油膩所以絕對可以清哂😎咖哩牛腩飯做得出色😛佢既咖哩牛腩飯個汁好正 因為佢好夠辣勁又香忍唔住一口接一口咁食牛腩炆得林 入口都唔太洗點用力去咬🤣好味👍🏿😊希望大家去食既意樂都可以一樣咁好食因為間間煮出黎都真系可以唔同🤣

那晚唔想煮飯，一個人去屋企樓下間意樂鋸下扒先。叫咗個安格斯5成熟呀，來到見到夠安格斯咁細舊，好失望，唔到認證的安格斯牛加左價?我上次食大塊好多。但認證的安格斯堅真貨，真係5成熟，好好好食，好有牛味，配埋個好正牛肝菌汁(個汁好鮮)，重提昇美味，但食幾口就無晒了! 薯條好惹味也好好食。還有D配菜太少了! 個香濃野菌湯，好金寶罐頭，好味精，無咩菌香，唔好飲。芝士肉醬焗茄子又D九唔撘八，我覺得芝士肉醬同茄子唔夾，份量又少，乜呢牌食材來貨加了價，要轉嫁消費者? 那杯熱柚子茶，好好飲，我稍加分了，但整體唔合格。

放假一早去跑個步輕鬆一下跑跑下原來都11點半了就同老公去附近意樂餐廳食個lunch吧！食個我必叫的焗飯加凍飲解渴啦🤣我好鐘意食焗飯，呢間必會Order既：「帆立貝海鮮龍蝦汁焗珍珠飯，配凍檸樂」龍蝦汁好香濃，焗飯比較香口，配上青口、蝦、蜆肉、芝士....好好味呀！我次次食都唔會厭😂屯門良景都有分店，不過我最近愛上呢間，地點方便一點，環境都很乾淨整潔，日間或夜晚又唔會等好耐位，坐位也寬敞舒適。👍🏻

*新年流流食好西*意樂*心心同屋企人過年要飯飯都掂，所以點左牛肝菌野菌意大利飯，其實係一道燉飯，牛肝菌野菌汁配合，加上少少菜係上面，色香味俱全，值得推薦比大家一試。食完真係飯飯都掂。*心心屋企人點左胡麻蒜香煙肉豬骨濃湯讚歧烏冬（+$2），香味濃郁既豬骨湯加上煙肉，蛋，海帶，烏冬既組合，簡直係天衣無縫。*心心好中意依間既芒果啫喱冰冰特飲，建議大家一定要加配，吾係會走寶。*心心屋企人點左熱檸檬柑桔，飲完成個人暖笠笠又潤喉。*一個人或者朋友家人聚餐都非常適合

經過，見附近又冇乜邊間食肆可以吸引到我，入面又好似坐左唔少人，所以就入左呢間意樂餐廳🍴喇。🍽🍽🍽🍽🍽🍽🍽🍽🍽🍽🍽入面既裝修都幾特別既，都見到有心機放左係到，有時食環境都好重要架。🚪🖼🍽🥣🥢🥄🧂叫左個午餐。係咖哩飯，賣樣都唔錯架，味道都幾好，係辣左小小同埋啲飯硬左小小。再叫左個焗芝士薯條🍟熱辣辣黎既時候好好食,不過好快食左幾條就凍左嚕🙈啲座位小小迫，如果大小小會舒服啲😊

見到個名甘長就知依道料理係幾甘重量級數……再講多次，依道料理叫慢煮秘製咖哩牛坑腩小鍋配珍珠飯。價錢: $50 提提大家，依道料理係又香又辣，小編吾係太食得辣，都食到一半。其他要分比屋企人食，因為真係辣，而且份量多。小編最愛咖哩汁撈飯，差吾多都清晒成碟飯。仲有外國進口既薯仔特別好味，連皮煮熟，食落好滋味，夠晒飽。主菜牛坑腩都煮得好入味，容易咬，整體味道都接近滿分。😍☆推薦大家親友聚餐都可以黎食☆

之前食過tea 都唔錯，點知晚餐好失望點解咁既叫左2個拉麵個麵好硬湯底無味唯一勝在足料叉燒有4舊，海鮮都有蝦硯…飲品半價…抹茶紅豆冰粒粒豆有咬口不過抹茶味好淡大失望

普通嘅一間平民餐廳有得食下西式野..價錢平但係食物質素都好高..特別喜歡夜晚呢一個扒餐⋯有湯有薯條有沙律仲有大塊厚身牛扒👍🏻👍🏻👍🏻👍🏻👍🏻👍🏻👍🏻👍🏻都唔洗100蚊

人沒有太多很隨便就有位子蕃茄濃湯說是含鈉最低，少鹽較健康但我都覺得味道好濃好鹹，點解呢？下午茶真係好扺，30幾蚊一位有湯麵有飲品，份量都無因價就貨，讚！另外果豬扒包配薯條豬扒煎得好香，麵包亦都脆口薯條炸得好香脆30幾呢個味道，物有所值

加拿大認証安格斯牛扒$88取消了往日的燒三色椒, 被芝士肉醬取代的配菜。街坊餐廳食評更新, 以往不是選龍蝦汁焗飯就是選這個扒餐, 今次有點失望原因是叫錯了六成熟的牛扒, 事實上沒有鐵板上這個扒的熟度可以說是只有四成熟, 飽肚是絕對夠的但無奈餐廳的輸出時好時壞。如果要看彩數來選餐的話, 還是選龍蝦汁海鮮焗飯比較穩穩陣陣。

今日忙左成日，當然要去食好西，稿賞下自己啦～黎到依間西餐廳，一定係為左食依塊肥大既安格斯牛排! 依塊牛排仲要經過加拿大認證，叫左7成熟剛剛好，一咬落去就知道幾正，再沾上牛肝菌汁，內外都係滿滿牛肉味！依張係收據，2個人食埋單都係200幾，每人平均都係100幾，超抵食!甜品有3款可以選擇，小編覺得加配16就有得食焦糖燉蛋，好抵食! 出面買一個都吾止，所以焦糖燉蛋勁推介!!!野菌湯係西餐廳主打餐湯，不過依間真係整得好好味，每啖都食到粒粒野菌，小編表示十分滿足……

放假日當然要睡到自然醒，每次睡醒再出門，都剛好是下午茶時間，就早午下午茶一次過吃啦 這裡是屋邨內的新式茶餐廳，下午茶選擇很多，而且價錢也很親民，有焗飯，湯粉，炸薯條，三文治等等，總有一款合心水；點了以下兩個餐：意式鮮茄肉醬焗扁意粉 ($34)因為是即焗，所以熱辣辣的，肉醬夠多，焗意粉就是要醬多才好食 酸酸甜甜的，但個人喜歡偏酸的口味，但這焗意粉CP值很高吉列炸豬扒配薯條 ($30)炸豬扒的粉不會過厚，也沒有炸過火，不會太乾身及硬，好味～而且很喜歡這種沾了炸粉再炸的薯條～好味CP值真的很高的餐廳，有興趣試試這裡的晚餐

冇嘢做嘅日子一定係瞓到12點幾1點先超身😴出得去食嘢啲menu都轉晒做下午茶嚕🤭近排發現咗呢到嘅下午茶選擇多，份量多，價錢親民😍係真正嘅cp值高😆👍🏻.#西西里式鮮茄烤豬扒焗珍珠飯 ($34)😋好味指數：(7.5/10)飯嘅份量都幾多🍚豬扒食落去肉質都幾淋而且有好多塊🐷芝士都幾多咖，撈勻佢啖啖都有芝士咁濟🧀食到尾仲可能有成大塊芝士係到添😍如果覺得太濟唔緊要，因為呢碗焗豬扒飯都幾多蔬菜😛有茄子、蕃茄同紅蘿蔔等等🍆#漢堡扒意大利蕃茄濃湯扁意粉 ($29)😋好味指數：(7/10)煙肉、野菌、餐肉、香腸、火腿等等今次就揀咗煎焗流心蛋(食食下發現，其實咪姐係太陽蛋🤣🍳個名係改得幾吸引嘅)漢堡扒同扁意粉都係大家平時食開嘅質素咁，不過不失😚個湯嘅蕃茄味係ok嘅，而且入面就有啲番茄粒係到😳🍅.#蒜香牛油多士 (+$3)😋好味指數：(6.5/10)嗌咗個蕃茄濃湯餐，就可以加三蚊有呢個多士🍞真係好抵😳!一嚟到見到成塊金黃色真係好吸引😋食落去蒜味就唔係好重😤不過加3蚊都算係咁呀👍🏻.⭐溫馨小提示📌小心比焗豬飯個碟辣親隻手😗