意樂餐廳 (彩雲商場)

營業中

休息中

由於下午茶時段無須等位，入內便就坐，餐廳內有很多位置可以掃QR CODE手機點餐，過程方便易用今之選了下午茶焗豬扒飯配特濃熱朱古力特濃熱朱古力好甜，岩哂我好味，焗豬扒飯好香芝士味，豬扒有少少脆，但飯比較乾身。價錢合理

今日嚟到呢度行商場，見到意樂整緊個新優惠，免費送杯咖啡，新口味，忍唔住入去試下。見到隔離枱個豬扒飯芝士拉絲，但係本人唔係咁鍾意食豬，所以嗌咗個雞飯，如我所料啲芝士拉到好長，每一啖都有雞同埋芝士，正

今晚到彩雲分店吃了一餐生平最難吃的牛扒,所點的是芝士牛扒餐,大家可想像牛扒用清水烚至四成熟再煎之後客人再淋上黑椒汁,這份芝士牛扒幸好有芝士少許咸味及黑椒汁的味牛扒本身就根本毫毛肉味,伴飯的醬汁亦太甜,還有奇怪的汁醬兜同放鐵板上,請問客人怎拿起灼熱的金屬食具呢?以住在貴品牌吃早餐或雞扒給了一份信心,但今次的經驗令人太太失望.

$37 意大利蕃茄與餐肉漢堡扒通粉 加熱奶茶 抵食平淡，蕃茄湯唔會太濃，正常發揮，都飽肚，係下午茶時間不錯的選擇，點餐時較多人，不過上餐都快，都多人幫襯服務員的態度也ok，不過不失

堂食明明勁多位，我地見人少先2人坐4人座，更甚者有人1人坐4人卡位。個經理咁嘅人明蝦人，趕走我地入裡面坐2人座。入到去發現隔離成行4人座都係2個人坐，姐係恰我地後生，玩野姐。阿叔阿姨就唔敢趕，後生就要比人蝦。服務態度勁差，又唔係繁忙時間，叫佢執台叫左3次。

這吉利扒豬做得好差，完全睇吾到佢系吉利豬扒，佢只能是煎豬扒。服員解說粉上得少所以做出黎是這樣，就是說我一陣俾埋單俾少左錢可吾可等於俾左錢呢？不會做得和圖片一樣得吉利豬扒就把圖片改吧。

之前陪阿媽嚟食飯，睇佢啲封面嘅相好似都幾好食。但係呢入到去之後坐喺張枱呢，就一直都冇人嚟執枱，等咗一陣之後終於有人執啦，喊咗啲嘢食嘢飲，啲嘢食嘢飲先啲食都ok，嗌咗個雞扒飯芝士幾多但係啲檸茶檸水冇檸檬，真係好失望囉

平日夜晚8點半左右 自己一個 入面無乜人 咁我就自己揀位座啦 座左張4人枱 跟著阿姐埋嚟問我幾位 我答一位 佢就想我轉去細枱啦 咁我見都無乜人 四人枱仲有幾張吉枱就唔願起身啦 點知阿姐上身咁 係咁鬧 話我嘥咗佢張枱 你咁態度我更加唔會郁 都算啦 佢鬧完我就行開去對住啲熟客不斷咁數我 又係話我霸住佢張枱 好啦我又扮聽唔到快快脆脆食完諗住走 點知全間餐廳侍應玩小學雞 無人幫我落單😡 到最好忍無可忍 我大叫落單！先前個阿姐好似知道玩大咗咁樣 即刻有咁遠走咁遠！終於要個收銀員走來同我落單！永遠唔會再幫襯！不知所謂嘅服務！

下午同屋企人去探婆婆，所以搵下嘢食，咁見到意樂，就試下意樂餐廳。我認為係呢個邨入面，無其他嘢食。所以佢係排哂隊😂首先講收銀..好忙...又要安心出行、又收錢...又外賣...🥲所以態度差都明...咁我同屋企人叫咗一個安格斯牛扒定食，同龍蝦湯海鮮飯。咁牛扒定食都正常可以，唔好太期望係咩靚扒，但不過不失係可以食嘅。但龍蝦湯海鮮飯，海鮮配料好少，龍蝦湯偏咸。飯太少，撈唔到汁。但海鮮量都足夠，不過蝦就有晦。整體其實都可以，真係一間係屋村好普通嘅餐廳。

大概9點半食完早餐埋單，因為真係冇哂散子，只好比500蚊佢找，佢話冇咁多，叫我比八達通，大佬啊，八達通有錢就唔洗比你找啦。開門都幾個鐘啦，又唔係一早叫你找比我。咁同佢講比20蚊紙我都得，佢都係話冇。仲話我個個講都咁講，心諗個個都咁講，點解唔揾人唱？附近咁多鋪頭，係米唔識用口去問人去唱？最後米有死死地氣找反錢。👎🏻👎🏻👎🏻又要串人又唔先做好自己，唔該真係要培訓下啲員工，好多時除左收銀，入面啲阿姐都好冇禮貌

話說我食過天澤商場嘅分店，覺得好唔錯，於是再encore呢間舖，叫左一個茄汁焗豬飯，凍檸茶，同埋加＄９要左個忌廉湯首先講講佢個飯，五十幾蚊黎講，芝士分量算係幾佛心，性價比算係幾高，而豬扒無乜特別，飯炒底都算香口，最大敗筆係個汁度，太酸，太重茄汁味，好人工化嘅感覺，係個芝士挽回返少少分數，雖然大家都知茄汁飯未必真係有蕃茄係入面，不過落返一片蕃茄做下樣都唔過份掛？再黎係個忌廉湯，非常稀，有一粒粒粉狀好似未攪勻咁？非常後悔加錢要埋個湯最後係個檸檬茶，其實我本來係好欣賞佢個凍檸茶，唔使督檸檬，檸檬好清香，味道又唔會太酸ｏｒ太甜，但一擺底我已經覺得隻色唔對路，點知真係無加檸檬汁，可能佢真係太忙喇，不過唔緊要啦，呢間分店真係無下次！

不會再吃這間垃圾餐廳1. 外賣時間久2.職員態度差3.爛吃外賣等了40分鐘，問職員，職員說：「與我無關，有外賣自然會告訴你」但我們從沒看到職員出來叫外賣🙂我們43 號，但44號和45號已拎了外賣，我們仍未收到再告訴職員，他才催廚房為什麼跟我們同一時間到，但選擇在餐廳裡吃的人，吃完，我們還未收到我們的外賣不斷可以叫飛，廚房可以做給他們，但永遠不做外賣🙂難吃：我吃了risottoomg 乾錚錚飯也只是普通的飯

咁岩黎呢到睇醫生，行過睇到呢間意樂睇到個餐牌幾吸引就入去，環境都幾舒服，早餐都有好多選擇！早餐叫左《雞扒流心蛋煙肉牛角包》，仲有杯凍OT$48，早餐黎講唔係平！但份量同質素黎講好抵！雞扒有一大塊，3小塊煙肉，一隻蛋，小小沙律同埋勁大個牛角包，呢個份量係cafe食起碼$88以上，味道幾好，蛋可以再流心一D，不過以價錢去衡量，絕對係抵食既！而又好食！講埋食物方面，雞扒其實係一大塊再加多一小塊， 醃製味道不錯夠入味，蛋我估係一早煎定的，牛角包味道都ok，好大個食唔晒😅如果要講係唔夠鬆脆的！整體係很好，因為呢個價已經比預期好很多了！一個小小屋苑有間唔錯既餐廳已經好驚喜！值得一去！

彩雲商場入面呢間都算幾抵食既餐廳！粗粒花生醬厚切西多士 31💰（配英倫糖漿）附送熱飲香濃既花生醬，同時食到花生既口感，表層炸既程度拿捏幾好，唔會過火或者唔夠色澤食落個口感層次幾豐富，不過糖漿加花生醬 食完有啲漏香辣欖油煙鴨胸肉炒天使麵 42💰（附送熱飲）煙鴨胸調味幾好，份量都幾多食落酸酸辣辣，幾開胃啱好抵銷返個西多士甜到漏既感覺

落單11:30取餐，11:15有訉息可以取餐，11:35到達餐廳，服務員竟然話㩒錯掣，其實餐還未做好，要20分鐘後才可以取餐。我便去附近商店逛逛，到時間便過去取餐，但還未做好，要再等，10分鐘後再問，說還未得。因我要趕去搭車，於是再問，服務員說包裝中，我便去催她，待她包好，即刻攞起外賣跑去巴士站，怎知滑倒，弄傷腰背，甚為庝痛。如果不是因為餐廳服務員㩒錯掣，引致廚房誤會訂單已完成，誤時給我。我不會趕時間而跑去追巴士，弄傷腰背，甚為嚴重，不可以上班。如果不是這個原因，我覺得這間餐廳好味抵食。