意樂餐廳 (迎東邨)

營業中

休息中

東涌平時冇咩好食，聽朋友講迎東開左間意樂，好似唔錯，去試下1，接待雖然唔係預左茶餐廳有咩服務態度，去問佢拎飛，一個話叫我地收銀攞，收銀又話唔洗攞，點黎點去，算，想食餐飯姐2，堂食之後睇menu 落單叫野食，普通茶餐廳對答，個呀姐拎張單過黎，過左5分鐘再拎碗湯過黎，次次都：“拿，比你啦，比你啦”咁，施捨咩，唉，算啦3，上餐時間上完碗湯，個湯冇味既，以為好快有野食，太天真啦，出單8點27分，等左9個字有多，d野食先到，我明食物係要煮，不過會唔會耐左少少……？期間有幾枱都係到吹單，半個鐘冇野食4，食物質素叫左個飯都算正路，點知個扒餐，牛扒熟到硬 ，都還叫可以食，塊雞扒表面熟，入面係生既！同個呀姐講，好似我地錯咁，明知佢都係入去番叮，仲要唔知等幾耐，攞個外賣盒拎番屋企自己煎算唔想出黎食個飯都要嘈，自己都係做飲食，唔會去第二次啦

今日放假到迎東村探望好朋友，到左晚飯時間，朋友話帶我地食好野🤤食樓下意🇮🇹式裝潢西餐廳🍴鋸牛排🥩。話明西餐廳🍴，主打Pizza , pasta 🍝 , steak 🥩 fusion 菜等，價錢親民。榖飼安格斯牛+滋味脆薯條🍟+ 濃香菌皇忌廉湯🥄（仲可以以半價加配飲品）HKD 128:濃香菌皇忌廉湯🥄：香味十足，飲到好多菇菌打碎的顆粒感，口感飲落順滑，但略嫌質感不夠濃稠，有點稀。榖飼安格斯牛（七成熟）：不是用上鐵板呈上，但十分巧妙地用上吸油紙和木製板呈上，榖飼安格斯牛來自美國🇺🇸水草純淨的農場，肉質上乘，不知是否因梅納反應，牛排🥩表面呈煎香既蕉色，好吸引🍽，切開唔算太粉嫩，有點似八成熟，但不影響口感，食落牛味香濃，牛油🧈味更濃，岩鹽放一旁，想食牛原味又得，蘸上適量岩鹽黑椒，提升牛味。牛扒底下仲有兩粒車厘茄，可以清新口腔🍷粟米🌽有牛油🧈香，好邪惡😈薯條🍟係幼身個款，炸得恰到好處，好香脆可口，反而又碗薯條冇咁飽濟。安格斯牛柳炒珍珠飯（HKD 64): 珍珠飯夠大粒 ， 粒粒分明， 每一粒都沾滿了鰻魚照燒汁味，不吝嗇牛柳粒，份量多，高質有誠意。總結：大推榖飼安格斯牛排🥩餐 價錢公道合理屋村樓下

今早買左早餐， 共付$148.8共三份早餐因送到來嘅係全部錯，應該係整亂左第二個客嘅單，但果張單只係$71通知客服，要我等24小時🤬🤬🤬🤬🤬🤬🤬🤬🤬🤬🤬🤬想問我比左錢送到嚟送錯左，我無野食，仲要比左錢打番去餐廳， 又話送過比我，但無哂影最起碼覆番我個情況， 完全無聲無色做街坊生意咁樣做送左去比第二個，佢收到我三份早餐梗係唔出聲而家仲有呢d服務我而家$148 都唔知點， 屋企又無野食，要自己落街買好鬼嬲呀

真係唔好講笑，真係好抵食！一個雜扒餐$76好有誠意扒又夠大塊，配菜又多，有薯條，蛋，飯同埋菜飲品仲可以有半價嘅優惠。 抵食之外，味道都好食。薯條炸得好脆，唔會放埋塊扒啲汁一齊搞到林唒。

原來意樂有咁多分店都唔知，因為東涌餐廳選擇唔多！所以先留意到佢平得黎又好食 cp值好高，東涌居民一定好開心，西餐黎講平均一個餐$100有找環境又唔錯夠乾淨。下次可以試埋佢set lunch

嘢食到咗，餐具都唔俾。黑松露酥皮蘑菇湯好酸，廚師冇試味。有位店員想係我哋面前用我地用過既湯羹試碗湯，及時叫住個靚姐，依家疫情仲咁無衛生意識。投訴完叫佢取消個湯，冇取消之餘，仲要加我哋一蚊外賣盒 (無叫過外賣盒)。主餐（鰻魚炒飯) 一啲都唔熱，叫佢加熱都仲係唔熱。叫咗個夏威夷pizza( 煙肉，肉醬)，靚仔店員拎到過嚟我哋正諗住食嗰陣，啊靚姐2號無端端拎個海鮮pizza換鬼走我哋個pizza，再同我哋講呢個係先夏威夷pizza。但明明menu寫明夏威夷pizza係煙肉肉醬，點會無端端變咗鮮蝦魷魚呢？仲要鬼死咁自信同我哋講: 呢個冇錯呀。唯一正常嘅係杯凍朱同埋凍奶茶，仲有個咖喱豬扒飯。如果大家想試吓食到燥嘅話，不防黎試吓！$300 3個人，其中$200拎嚟挑戰我哋底線。

今日黎到東涌既迎東邨番工，呢個係新屋邨，野食唔多，係lunch 時間，係唔多既選擇下揀番itamono，貪佢係西餐廳得黎，唔算貴。走左入去，內在裝修唔錯，有簡單意式風格，唔洗等好耐就有得坐，我地兩個人一人叫左一個pasta，個樣都幾似，我就係食蛋黃煙肉卡邦尼長通粉。個長通粉有白汁，唔係煮到太稀，收得夠水，撈埋個長通粉食好好食，要將個白水收曬水，其實都唔係間間做到嫁，呢間都算做到，又有d 蛋黃味，配煙肉，呢個都算唔錯。

周末下午茶的精髓最重要是平！靚！正！意樂的下午茶正正就滿足到香港人對下午茶的執著及極致的要求。公司三文治套餐連飲品都只是$43，厚厚的三文治十分足料另加$32追加千島海鮮pizza，賣相不錯！但Pizza相對比較小份，有點不夠喉。另一推介是番茄醬鴨胸炒天使麵，份量剛好，套餐可以選擇配飲品或餐湯，剛好天使麵的味道偏濃，配上套餐的忌廉湯，是另人滿足的完美下午茶

由於唔想再食大快活，就試下入黎呢間裝修唔錯嘅餐廳。早餐時段原來都幾多選擇喎！叫左雞扒腸仔流心蛋，個蒜蓉多士好厚丫！價錢比大快活貴少少但睇得出質量比賽好！依家呢間成為早起必去嘅餐廳👍🏾👍🏾

一人晚餐的好選擇。平時我都好鐘意食吉野家的邊爐，估唔到呢度都有邊爐打。全部東西我最欣賞碟牛肉，好新鮮已經有啲質素，又唔會雪到結冰。至於湯底，我點了龍蝦湯，幾特別既選擇，加少少胡椒，連埋烏冬一齊食真係幾好味。不過啲菜就麻麻地，但整體黎講都值得一試。連埋杯野飲，總共係$89，比起其他連鎖快餐店既火鍋稍為貴少少，但係食得飽既，而且有肉有菜，仲有魚蛋烏冬，都算豐富。因為呢區無吉野家，偶爾想食一人火鍋呢度都係一個不錯的選擇。

還記得以前在長沙灣、深水埗附近一帶的工作，就可以到長沙灣、深水埗、石硤尾、甚至毛大角咀吃東西亦可以。現在，在這邊工作時，附近只有寥寥幾間餐廳，吃了一頭半個月已生厭。這次，就想到倒不如再走遠一點，到來這個島最邊皮位置的公屋邨，還要最內裏的位置。有兩間餐廳對著，一間叫做迎東一號，另一間就是在很多公屋邨都會見到的意樂餐廳。向來沒有家人那麼喜愛意樂餐廳，但是來到這邊，發現迎東一號的午餐又沒有包括飲料，也都是普通茶餐廳的模樣，倒不如去意樂吧。內裏環境偏向昏暗，但是座位不小，卡位挺寬闊，由於內裏人流不多，不像青衣長發邨那麼擠擁，因此即使獨自前去，也可以安排坐一張卡位。內裏的燈光掛飾，或是擺設，都散發出港式西餐那種地道的味道。意樂的午餐，包括慢煮咖喱、炒飯、炒天使麵、又或是番茄湯天使麵等等，通常都覺得這兒的湯粉一定不夠飽，亦都看到餐牌上面有一個牛扒、漢堡扒、再加煎蛋的珍珠飯，便點了這一個。可能很久沒有吃這種餐廳經典頹飯，即使看到名字，也沒有想像到，原來就像以前在葵盛商場以$13/或過幾年以$25在青衣涌美村買到的雞扒蛋咖喱汁飯/豬肉扒餐腸飯豉油汁一般。但其實就質素而言，這個飯其實不算太頹，最少，那個

尋日在東涌跑完步，搵茶餐廳食下午茶，見到呢間餐廳，第一次去，就試吓。個價錢睇落合理，叫了炸魚薯條及蕃茄鴨胸天使麵。個天使面份量都好大碟，好似lunch set, 仲要好好味。炸魚個皮不太好，適中，再加千島醬，好好味。薯條又炸得鬆脆，再加上叫了可樂，罐可樂是冰凍的，再加冰，好爽。個Service都幾好，侍應都有禮貌，因為新開張，人流不是太多，而裝修也OK，價錢算便同抵食，下次會試吓晚餐。相信應該也不錯。

住喺東涌要食嘢真係冇咩選擇，有鄰居話迎東村開咗間新餐廳叫意樂，食物都唔錯，所以今日就試下佢既下午茶。下午茶時間都要等位，不過我係叫外賣。我點左一個重量級公司三文治和粗粒花生醬厚切西多士🥞。重量級三文治其實都OK，都算足料，雖然有烘底不過因為外賣嘅關係，所以食嘅時候已經淋晒，同埋要$41但係就無薯條🍟。而我先生就覺得唔係咁好味，可能佢期望過高。至於花生醬西多士唔係好夠花生醬，所以味道一般。另外佢唔記得比糖漿🍯，好彩屋企有糖漿可以自己加，所以我就覺得唔係咁好味。同埋我先生覺得係用唔靚既油炸，好大浸油味。最後，阿華田☕️都唔係好濃，不過兩樣野加埋$71蚊，又點可以要求太多。

剛好有半日假，與家人一起到東涌新建迎東村餐廳下午茶。雖然這屋村新建，人流較少，但一來到這餐廳，下午時間仍人頭湧湧。等了一會便有位。由於我連午餐還沒吃，除了點了兩款下午茶套餐外，也點了兩款主食。下午茶套餐包括肉醬薯條餐（連一杯熱飲），和西西里鮮茄豬排飯。首先，薯條一上碟是熱洪洪，還有一點焦，但味道不錯，但我姐姐表示吃太多會覺得咸。而西西里鮮茄豬排飯，鮮茄感覺會與炒飯分開，沒有融合感覺，但以這平民價錢很值了。另外，也點了辣肉醬煙肉pizza，pizza底是餅乾那類，味道尚算不錯。最後點了墨汁鮮蜆魷魚飯，這個一般般，海鮮還可以。總結來說，下午茶$20-30真得很抵，會再來試其他茶式。

東涌北出名冇野食，新屋邨啲人搬咗入黎成幾個月，依家終於有間似樣少少但唔係大家樂大快活一粥麵嗰啲快餐了！雖然冇嘜幾間舖頭但係間餐廳都行咗兩個圈再打俾佢地先塭到。原來起惠康對角。裝修算唔錯，坐滿人都應該坐得舒服嘅。我叫咗佢地最sell嘅安格斯牛套餐，味道係港式醬牛扒，雖然唔係我中意嘅煮法，不過都不過不失。配牛肝菌汁好似唔似好夾，因為本身煮牛扒個汁已經好夠味，有啲多此一舉嘅配答。不過個汁本身係好味嘅，所以撈咗起個應該係唔記得落蒜嘅蒜香天使面度，令天使面生色不少。牛扒餐個薯條有驚喜，好脆！！佢配餐個磨菇湯好特別，感覺有好多切碎嘅菇菌，所以啖啖湯都有成口菇咬。總括黎講，價錢實惠，味道可以。睇佢早餐餐牌$30 有一碗通粉加多士加飲品，下次又試下先！