意樂餐廳 (石籬商場二期)

營業中

休息中

下课就去干饭噜日式烧汁牛肉丼饭 大块的肥牛给米饭盖上了被子，🥩吃起来口感软嫩，拌上大米饭是是香甜软糯，还带着蛋液的香气，挺下饭的🍚番茄浓汤扁意面 吃了好多好多次了，牛角酥蕴含着特有的焦香，吸饱了汤汁又变得汁水四溢🥐，让酥脆中蕴含着绵糯的口感，比面条更好吃下一步，吃好了回家睡觉💤

一坐低叫左三個餐 有兩杯湯簡左白湯 等左大半個鐘都未到問左兩次先知無白湯 比左個紅湯黎個紅湯 咩味都無 又淡 啲菜又硬 難飲都嘔未試過咁難飲嘅湯落單服務又慢過人 落到一半 條友又走鬼左叫個待應黎 叫住 直行直過

今日晏晝正常同fri出去食飯，諗住呢個禮拜都未食過意樂，咁一坐低，就有服務員過黎問我哋兩個係咪叫嘢食，我啱啱攞到餐牌冇三秒，可能睇我哋兩個著校服以為趕時間，OK fine，跟住我話「等陣先」，個服務員就行開咗，跟住我同fri都傾好咗準備嗌嘢食，咁我fri係咁握手都冇人黎😅，咁都算了。幫我哋嗌嘢食嘅服務員，係一個阿姨，首先我哋兩個分別嗌咗自己想食嘅嘢，但我哋後知後覺冇話要分單，咁我哋同阿姨講返分單，佢竟然好大聲咁話「咁你哋唔早啲講？！已經落咗單，冇得再改！」講完呢句就揚長而去，完全唔理個客嘅感受😜雖然唔分單都得，我同fri都唔係好care，但佢嘅態度令我哋食飯如同嚼蠟。佢唔講我以為我宜家返緊工俾老細鬧緊😅仲有卡位，我哋兩個食意樂嘅次數唔算少，但正常嘅卡位係3、4人坐，但我哋兩個食嘢個陣睇到一個阿伯，佢一個人但係坐卡位，而且都冇人話唔俾佢坐，況且兩個人嘅座位實在太細，該餐廳真的是在做生意嗎？還是認錢不認人？服務員是否經過培訓？張*枚阿姨嘅服務態度實在令我不敢恭維😄其他呢啲咩拉麵嘅溏心蛋係酸嘅、廚房經常發出噪音⋯⋯對比之下真係「小」問題🤣

第一次黎呢邊食 入去嗰陣八點半左右 本身想等人引導入位 但係冇人理 我地就自己入去坐 然後d服務員先見到人 大嗌：冇晒粉面套餐 x n 呢間佢地九點半收工 睇完menu點餐 佢地d服務員趕住收工收尾 就話 你地快d喇 就黎收工 。點d炒噶就話等半個鐘 要等好耐 廚房好多餐未出 叫我地唔好嗌 。點嗰扒餐又催 點啊 要牛定雞，態度極差 反曬白眼👀唔知想點～想早收工都唔係咁囹樣🙄🙄🙄等緊餐噶時候 發現張單仲落錯，同一樣嘢可以落兩次。😇😇同埋有另外一檯客人等咗勁耐 我哋後邊先落單已經到咗一個Pizza但係佢哋都未到，個服務員仲要話：啲嘢到齊未 仲有冇人要加單 我坐得咁遠都聽到嗰客喺度講：黐線㗎仲話加單。然後佢哋就激到走人 唔食了。🫣🫣嗰服務員話半個鐘d嘢 15分鐘已經到齊曬，擺明想我哋唔食 佢地就做少d。🙄🙄總結食物還好服務態度極差ps 鰻魚飯份量：又少又鹹 （相較其他餐廳） 扒餐d薯條世界第一難食 意粉有芫荽又唔提醒 又唔係完整一條 整到咁碎 夾都夾唔到 難頂 Pizza味都ok噶 不過上面啲配料黐唔實 一拎就跌晒落嚟以後唔會再黎。💩💩💩

服務員態度差外賣又來要成半個鐘至45分鐘，態度仲要非常惡劣未見過有一間餐廳啲服務員係咁真係千祈唔好再去幫襯，不過佢已經係最少生意嘅一間😵‍💫😵‍💫😵‍💫

前嗰排我早餐，食咗個黑松露炒蛋set，之後發現個蛋裏面有勁多蛋殼，叫佢再換個蛋，另外嗰份都係勁多蛋殼，但係因為我趕住返工，所以我冇理。琴日我朝頭早食咗個餐蛋治裏便個蛋又係有幾舊蛋殼。今日我食個黑松露煙肉菇菌意大利飯，要我等足半個鐘。我之前買呢一間外賣夜晚裏面都係好多人大概10分鐘左右，之後今日同上一次個情況都係一樣，我等咗半個鐘之後我真係等唔到，而且24 25號都已經拎咗個餐我23號都未拎到，因為我仲有嘢做我發脾氣話3分鐘之內拎俾我，如果唔係我唔要啦，結果30秒之內佢拎咗俾我….真係要等到人發脾氣，你先肯拎俾人咩？同埋佢個黑松露煙肉菇菌意大利飯完全冇黑松露，仲有佢話菇菌炒飯，結果裏面得五舊菇，一大堆洋蔥，改名叫洋蔥炒飯算啦，而且我勁鍾意食粟米囉佢之前裏面冇粟米嘅，依家亂咁加啲落去，之前啲菇好穩定都係同一個品種，依家求其粒粒雜雜啲菇全部掉晒落去

今日唔知食咩諗住買外賣返去食就渣車黎呢度買下焗飯其實呢間都食過其他分店架喇呢間就第一次覺得佢d野性價比都算高既今日試左咖喱牛腩珍珠飯都唔錯不過我覺得d汁就少咗啲另外叫咗個龍蝦汁海鮮珍珠飯覺得唔夠乾身味道都OK嘅見未夠六點仲有下午茶買多咗個肉醬意粉$39幾抵之後佢跟餐可以加小食我加咗四隻雞翼不過偏鹹咗少少叫左杯熱檸水一飲陣味怪怪地就冇再飲喇感覺呢間質素好似冇其他分店咁好咁但還可以啦咁樣加埋食左$190

位於葵涌石梨貝·石離商場三樓地方環境空間感很大，燈光柔和，乾淨整齊，舒適感非常好！Baked rice 皇牌之焗飯松露野菌準雞扒焗珍珠飯一般的焗飯等候的時間較長，還間焗飯時間真的非常之快（可能今日人流比較小），焗飯的芝士很多，雞扒份量都很大，用的應該是雞脾用，雞扒味道有調味過，感覺味道大大增加了食慾感，配上珍珠米真是天衣無縫，推介！一定會再去光顧的一間餐廳，而且價錢非常優惠，服務非常之好啊！最後要講講凍檸茶，凍檸茶製作非常之貼心，預先會調好檸檬的味道，不用再拮，甜酸味適中，贊❤️

呢間野真係抵食夾大件呀一百蚊鬆d已經可以食到勁飽魚柳炸得好出色夠哂乾身，但係佢set死左係跟蕃茄汁就冇得轉呢樣野真係有d扣分但最正都係個凍檸茶，因為佢係已經幫你整碎左，但一定要叫少甜，如果唔係蓋過左陣檸味就唔好啦

喺附近睇完醫生，見冇人排隊就同老公入去食早餐。老公叫左個意大利蕃茄濃湯通粉配熱咖啡。食物都係普通野，蕃茄湯底冇咩味道，唔夠濃郁。而我就叫左個鮮野菌沙嗲牛肉，牛肉淋，沙嗲汁好少而且味道較淡。熱檸檬水冇檸檬🍋，味道好化學，仲好怪。睇唔透

今日返奶奶度食晏，一直都未食過意樂餐廳，12點去攞飛，等到12點半有位。一入座就梗係睇下D餐牌，價錢唔貴， $4x起仲包飲品，係幾扺食午餐叫左3款美國安格斯牛扒定食 $69 望住架車仔巡迴一圈先送到枱，牛扒同飯都已經涼左😑 仲要無蓋蓋住，感覺好唔衞生慢煮秘製咖哩焗烤雞飯 $55 焗野類就好D，送到黎都仲熱既，除左白飯，咖哩幾好食，仲幾辣😋米蘭肉醬焗扁意粉 $49 焗得唔夠火喉，肉醬味道唔錯另外跟餐可加 $28 叫小食半溶芝士配炸雞，雞夠脆，不過唔夠熱

11點3入嚟，諗住早啲嚟食午餐，點知佢11:30先開始午餐，咁嗌住個早餐食先。早餐10分鐘就到，轉牛角包要+$6，好大個好好食，雞扒肉滑，餐內圓圈一大塊，仲有少少沙律同埋薯蓉，呢個餐抵食過出面all day breakfast！CP值高！好味到食曬！不過我太大食，唔太夠，所以加多個通粉嚟到重點，我食曬個餐，男朋友個午餐都未到，過左15分鐘問個侍應，佢話嚟緊，再過多15分鐘，再問多次，佢催廚房，總共等左35分鐘，終於到左，11:30開始午市，12:05先到餐，佢嗌湯飯，唔係焗飯，午市人流仲要唔旺，同時亦有另一位客人都等左半個鐘，建議餐廳要再早啲準備午市，避免出現呢個情況！

同同事收工衝上商場醫下肚先食飽下場就去行下街先~.意樂好新净 冷氣好夠 坐既位置都好闊綽下午茶時段 都唔算好多人 食完仲可以坐下吹下水.我地一行2人 個個都話冷氣太大啦 個個啦啦林食完想快D走🏃🏻‍♀️🏃🏻‍♀️🏃🏻‍♀️.1) 粗粒花生醬厚西多士 $31 都真係幾厚身 花生醬都好夠🥜🥜 不過不失 正常出品 😚😚2) 煙三文魚牛角酥 $38牛角酥都好鬆軟 係好味既~🥳但個煙三文魚比較之下就太少啦🤣 1/3既分量

Stopped by ItaMomo cafe and tried it out for the first time.I didn't expect the food to be this good yet so affordable. From the soup to the snacks and main dishes, it just blows my mind away.Forgot to take a pic of the drink. But I ordered the honey tangerine ice drink and ribena iced jelly. Well, both tasted really good. Highly recommended place and will definitely come back for other food.Service is great too, plus, the bill comes up to HK$134 for 2 person. What a great deal. 😋Happy belly, ha

石蔭終於開返啲新嘅餐廳，意樂嘅價錢算抵，上次想食拉麵，已經可以用50幾蚊食到，性價比高，今次試吓嗌其他食。環境乾淨，闊落，同朋友坐都好舒服。夜晚八點幾過嚟已經冇咩人，可以即刻入座。餐牌種類多選擇，鋸扒、Pizza、飯、意粉、通粉、拉麵都有齊👍🏻唔使等好耐就已經到餐！卡邦尼個汁同長通粉份量啱啱好，味道唔錯。杯凍檸茶份量大，唔使篤檸檬，酸度剛好！湯飯唔會好鹹，料足夠，豚肉簿切，加埋啲娃娃菜一齊食，絕配！如果想食健康啲呢個餐推介！