意樂餐廳 (錦英苑) (已結業)

附近冇嘢食，冇得揀，只好間中要食下呢間，食過幾次，每次已經食不同食物，水平都係一般，服務員都比較冷漠不太友善，特別女性職員，語氣都令人不太舒服，不想再去了，寧願食大xx都冇咁受氣。

帆立貝海鮮焗飯佢入面有帆立貝1舊、蝦1隻、蜆5隻、魷魚一條(圓圓)，其實佢啲海鮮真係好少，但係就要5十幾蚊，飯都唔係好多，啲飯好濕好水，好多汁，不過又幾好味，只係個口感又點怪怪的，上面啲芝士都好多，啲芝士都好濃整個焗飯都好好味，好香海鮮味，亦好香芝士味只係啲海鮮分量有點少

放工後，屋企無煮飯，所以就落街搵搵野食咁，天氣太悶熱，胃口不太好，所以都係叫你個食物分享食算吧。叫左個「煙三文魚沙律」、「和風三文魚溫泉蛋烏冬」、「忌廉芝士焗西蘭花」。「煙三文魚沙律」，沙律菜很新鮮爽甜，煙三文魚啖啖魚肉，濃濃既芝士粉鋪滿沙律面，整個 沙律也咸甜得宜。「和風煙三文魚溫泉蛋烏冬」，煙三文魚沾滿了濃濃既溫泉蛋漿，雪白既烏冬細軟幼滑。「忌廉芝士焗西蘭花」，忌廉芝士絕配，加入西蘭花一齊焗，唔會膩。

今日行山行到晏咗，個肚係度勁叫。行過商場見到有間幾是正既餐廳，馬上跑入去睇吓有咩食! 剛好到下午茶時段，見餐牌上又有三文治、小食、焗飯、意粉……好多選擇，勁開心😚😋我今日就叫咗ㄧ碟蛋黃煙肉卡邦尼長通粉， 長通粉煮得煙韌， 配以炒香嘅煙肉同埋洋蔥蘑菇真係好惹味，不過蛋黃醬有D鹹👍，餐飲方面我叫咗凍朱古力，好香濃唔甜，另外我還加$10叫多兩隻柚子芝麻雞翼，雞翼皮脆肉嫩又入味, 外層還有柚子醬和芝麻，增添不少清香和甜美。總括嚟講四十幾蚊食個咁好味既下午茶真係抵到爛!! 當然要下次再來食過😁😁

最近愛上了這家餐廳⋯⋯之前都是去吃早餐，今天趁住假期，帶家人試試這家在mos的分店的下午茶。比起長沙灣的分店，這家面積小一些。即使是週末下午二時半，也沒有空位，我們等了十多分鐘才能入座。看來這家餐廳在這裡頗受青睞。下午茶的鴨胸天使麵比正餐便宜十幾元，正合適我這種always on diet的人🤩。這個餐雖然有些辣，但被醋的酸味中和了一些，辣味在口腔中停留的時間並不久，所以是我可以駕馭的辣度。炸魚薯條則有些over cook，不過小朋友很愛這種脆脆的口感😅。黑松露飯的飯粒有嚼勁，也很入味，份量又足，很抵吃。我們還點了個豬扒包餐，由於被ko的太快，沒來得及拍照🤣。4個餐共160元，真是蛮划算的。

食物質素可以，價錢可接受，但員工態度極度惡劣。個個黑口黑面，越高級態度越差。我走到卡位都未行到，員工就鬧未執好枱唔好行入去，執完無抹枱佢就無番過黎。咁我行得入去未呢？到叫野食，叫左個雞扒飽茶餐諗左切開二件易食啲，個高級職員話㕑房唔切。咩㕑房無刀用呀？食到一肚氣。其實我有俾錢架，點解要受氣呢？想食野啫。到俾錢，嗰個雲閃付機，唔知點解逢假日都壞，唔想俾優惠咪唔好放係度囉。佢好彩，屋苑無其他食店揀，大家被迫去呢間

天氣轉涼，不想願意外出太遠，近近地在家附近吃噸晚飯就好了，這家餐廳開業都有好一段時間，平時多數來光顧是吃早餐的，今天算是第一次吃晚餐，人流不多，但晚市選擇尚算可以，不單有西式扒餐，火鍋，還有日式湯拉麵。其實我幾喜歡他的裝修，感覺很舒服，只是我平常夜歸，很少晚上來光顧。今晚點了兩個餐，味道不錯。“帆立貝海鮮菌皇龍蝦汁意大利飯” 整個味道好好，龍蝦汁配海鮮，鮮甜，只是飯淋了一點。“蒲燒鰻魚炒珍珠飯” 鰻魚汁好甜，我還是喜歡傳統的中式炒飯多一點。

第三天早晨是我要離開朋友家的那一天，因為朋友媽媽要回來，所以我必須要將房間歸還，所以在與朋友分開前，我們一起在他家附近吃了早餐-意樂Itamomo，其實第一天在選擇大家樂或是意樂時就已經掙扎過，但當時基於一個人又不想花太多錢，所以選擇了大家樂，所以當朋友問要吃哪間時，我就說吃意樂吧，因為大家樂昨天已吃過。官網:http://www.tasteofasia.com.hk/zh-hk/brands/detail/9地址:馬鞍山錦英路9號錦英苑商場2樓LG01B號舖營業時間: 0700-2200電話: 2656 8020(寬廣店內空間)當天適逢端午三天連假的第一天，所以整間餐廳是滿到不行，等一會後店員帶我們就坐，坐的位置可以看到窗邊那一排位置的人，當時心想這種時候坐在窗邊吃應該會覺得超療癒，窗外有大樹看起來就很適合悠哉吃早餐的氣氛。(窗邊綠樹看起來非常舒服)(店家走工業風)他們家菜單很好閱讀，基本上都有圖可以對照，沒圖也可以看英文，當天我點了”黑松露の選”(是會惹怒會日文朋友的寫法呢!!)+ 輕盈無糖高纖牛奶麥片粥，朋友點了”美式早餐-千島吉列脆魚柳”，基本上，店家餐點與台灣早午餐餐點大同小

住喺馬鞍山下午茶的最佳選擇價錢唔貴，而且食物質素比普通快餐店好芝士焗肉醬薯條，每一條薯條都鋪滿芝士同肉醬，非常好味，而且價錢非常抵，連埋嘢飲都只係$27芝士番茄焗豬扒飯，味道都尚可，炒飯底，可惜豬扒比較細塊同埋薄。所以只係覺得一般蕃茄鴨胸天使麵，微辣，意粉唔會太硬唔會太軟，配上洋蔥，番茄粒同埋蘑菇粒。因為茶餐嘅份量比較少，所以兩個人叫咗三個餐，餐廳室內空間比較大，等候時間唔算長,好快就入到去坐低有得食。

早在多年前已對Itamomo這個名字不陌生，第一次食是在藍田分店，已經回味無窮，好食又抵食，屬可以encore之選，如今它已發展成為有多家分店的連鎖餐廳。想不到美食沙漠馬鞍山也有分店，在晚餐時段，點了安格斯牛扒餐，$92，有忌廉磨菇湯，牛扒和配菜；餐飲和甜品則可半價追加。上個月來吃這個餐是$88，一個月內加價$4，但仍覺物有所值。餐湯的磨菇切成很多的小粒，喝起來每啖都有磨菇粒，很不錯；而且好在沒有餐包，因為個人認為硬性配餐包有點浪費食物，吃餐包後會太飽，降低了吃牛扒的食慾。牛扒點了五成熟剛剛好，可惜老公的那份牛扒遲了一分鐘才出餐，就是這一分鐘的延誤，他的那份牛扒over cook了，不是五成熟了，不夠juicy, 而且太硬了，浪費了這塊牛扒，所以待應的配合也很重要，牛扒出餐應是first priority, 這要靠彩數。餐廳的梳化表面破爛，著短裙坐時覺得很拮，是時候更換梳化面了。

錦英苑一向不多食肆選擇，只有大家樂和維記餐廳，今次同屋企人一齊試食意樂嘅晚餐！我同家姐share一個加拿大安格斯牛扒餐，包一碗西湯係蘑菇忌廉湯，飲品就可以半價，叫咗熱柚子茶，係好多柚子盛惠＄11。我地叫咗七成熟以為自己好醒，點知係木板上，加上近來天氣凍，反而覺得太生同易凍。其實個侍應都有講是木板上，但落單個一刻唔醒目，不過個薯條係好好食，M記完全冇得比，值得一試，超級香脆！家人叫咗意大利烤茄豬扒焗珍珠飯，另一個係意式蕃茄豬扒小鍋珍珠飯，其實兩款都好似，只係一個小鍋上，一個係焗飯，茄汁味濃，兩款食物味道都ok，不過小鍋個飯就不太夠飯，男人食一定不夠飽！整體食物都ok☺️，好過次次食大家樂！

今日上左個friend屋企玩，諗住同佢一齊食埋晚飯先返屋企。呢個係一個屋苑商場所以餐廳唔算太多，所以就求其揀咗呢間，因為見到佢擺出嚟嘅火鍋餐牌都幾吸引所以想去試一試。但當我地叫侍應落柯打嗰陣，佢哋就話火鍋已經停咗，要我地再諗過。其實既然停咗火鍋，點解唔即刻收埋個餐牌，要食客再諗過食咩？因為太肚餓嘅關係，我哋好快做咗決定，最後點左肉醬薯條，菠羅照燒雞Pizza，酒煮蜆。首先嚟咗個薯條，見到個賣相已經扣晒分，因為部份薯條已經焗燶咗，薯條好「林」，冇咗一種脆卜卜嘅口感，肉醬食咗一口之後好想吐出來，因為實在太鹹，我哋諗住同店員反映下，先知道原來肉醬已經預先整好，鹹味係冇得調校嘅。所以店員亦都表示無奈，簡單講一聲對唔住就算。然後嚟咗個pizza，同樣亦都好失望。菠蘿完全冇菠蘿味，洋蔥偏多，完全掩蓋晒雞味，簡單啲來講食唔到有雞粒。至於個Pizza底，味道偏甜，唔知加左啲咩野，所以食落覺得怪怪地。最後個酒煮蜆，同樣令我地失望，因為從來都冇期待過，但反而係我哋最滿意嘅一啲餸。湯底算係非常足料，有青椒洋蔥等等嘅材料混埋蜆一齊煮，太多材料，完全食唔到酒嘅味道。最滿意嘅係，啲蜆無沙。總括來講：一不可再。

今日下午到此餐廳午膳，點單時點了一份$45，問服務員餐湯是什麼，她回答語氣差勁，對食客無禮貌，無笑容！食物方面，白湯過度稠身，粉粒顯然烹調技術欠奉，豚肉烏冬既豚肉帶濃烈既酥味，入次等貨豚肉做菜，此食店水準跟新開張時相差甚遠，不推薦來此店用餐！

今朝諗住食番個早餐就返工，已經等左成5分鐘，點知叫極都無人落order.叫左幾次個女待應仲要黑口黑面啤住話轉頭，之後就繼續傾計最後我決定去第二間食，今時今日咁既服務態度，馬鞍山意樂餐廳真係要檢討下，已經唔係繁忙時間，都咁樣，如果繁忙時間咪吾駛食....

又係晚飯時間，通常有特別理由先會同老婆鋸扒嘅，雖然今日就唔係有D咩慶祝，但就係好想好想鋸扒咁囉！Lee間之前成日都嚟食開早餐，味道都幾好㗎，價錢唔算貴，選擇又多，不過就要等下位咁囉！今次食晚餐就唔洗等位，就試下佢個牛扒先，見到Menu佢又唔算貴喎！仲要係包餐湯，近近地屋企，Lee度確係一個好選擇。講開個餐湯 "濃香菌皇忌廉湯" 濃味嘢，D菇味好重，忌廉湯夠滑，好啱我口味，如果可以添飲就仲爽呀！講下笑啫...個牛扒餐見張相就知有幾吸引啦！"加拿大安格斯牛" 七成熟啱啱好，牛味都幾重，唔靱，無咩筋，牛扒面煎得好香有口感，肉質鮮味，愛好辣嘅我，佢Lee度嘅黑椒汁夠辣，加分啦！除咗配薯條還配咗好多蔬菜 (紅椒、黃椒、茄子、脆肉瓜) 咁啦，不過有一半嘅蔬菜就去咗老婆個肚到啦！ 唯一我唔係好like嘅就真係佢個炸薯條，脆到咩味都無，齋脆，如果係粗薯條會好好多。最後我就加咗杯至愛"胚芽好立克"，咁就Perfect啦！而我老婆就食咗另一個勁嘢 "大和圓板燒 - 日式吉列魚柳拼豬扒"，由於佢怕隻蛋太熟，鐡板一到，佢已經整亂咗成個餐，所以都唔好意思影相比大家睇啦~ 唉... 講開佢嗰塊魚柳脆咗D，炸魚邊邊