意軒

營業中

休息中

香港經營小食店困難， 有心嘅誠意小店更加越來越難找到。7月20日，星期六晚有事經過土瓜灣，順便搵下附近有咩食，唔打唔撞入左呢間小餐廳。當晚見餐廳個名都叫pasta, 所以就同女朋友叫左一個 牛尾risotto 同一個 牛肝菌汁捲意粉 試下。一試後非常surprise, 冇諗過呢個價錢既意粉(一個60蚊一個70蚊冇加一連湯及蒜蓉包)有呢個級數。出面賣貴一倍價錢既西餐廳都食唔到呢種味道。半開放式既廚房，睇住大廚不斷用心制作食物。有一位伯伯做樓面亦好細心服務。當晚食完本身想親口表達欣賞，但因為有其他食客在場加上鋪面比較細唔好意思，所以專登上泥寫返個食評表達欣賞。呢間小店會係我下一次專登再來土瓜灣既原因，下次試下啲扒類。想係呢度同老闆大廚同員工講聲加油，香港經營餐廳 礙於租金問題等絕對唔容易，希望以後都可以繼續食到你地用心既出品!

土瓜灣實在太多平嘢食，所以如果要60蚊食個晏，對於土瓜灣打工仔來講要求就比較高啦！呢間意粉屋地方細細，一個廚師兼做埋侍應，之前我試過佢嘅卡邦呢意粉同忌廉湯，印象中卡邦呢唔夠香濃，而個湯直頭係罐頭湯，我記得仲要加錢的。今次叫咗肉醬意粉$58包個湯或紙包飲品，我都係要咗湯，今次係雜菜湯，好似溝左好多水翻㷛，好淡冇味道，亦冇乜雜菜湯渣，肉醬意粉好食，肉醬同意粉分量配比剛剛好，唔知係咪因為用豬肉味道有少少唔同，仲有唔熱嘅蒜蓉包不過都算好食，希望廚師諗下點樣整好個湯，如果唔係就直接送飲品算。

土瓜灣內街又一誠意小店今日午餐無準備之下，搵食行過美景街，見到喱間餐廳。知道有這間小店已經開了一段時間，但一直未有機會試。今日有機會就一於試下😉先點了兩份午餐，有餐湯 及蒜蓉包。南瓜湯真材實料， 蒜蓉包 軟熟 好味。飲湯時 ，兩個小朋友見到師傅即場用心為我們製作。並非一般快餐店出品可相比！ 首先來了鮑魚汁海鮮天使麵， 第一口吃下去就覺得有驚喜，天使麵有鰻魚味，以為自己食緊鰻魚汁炒麵。 總括嚟講好味！第二度菜上卡邦尼意粉，白汁夠濃郁。 配搭磨菇及煙肉，加上食得出師傅嗰種心機。 兩位小朋友食曬都唔夠加多咗個 豬仔髀配茄汁意粉， 師傅見到有兩個小朋友，請佢哋食粟米。豬仔髀肉嫩，唔知仲以為係雞髀。 但豬味濃， 粟米香甜 、意粉蕃茄醬超好好味，小朋友一定好鍾意，下次可以再嗌。就算點餐冇叫餐飲，但店員會密密幫你斟水 ，水有淡淡嘅檸檬香味，so good。

土瓜灣美景街的一間小店，沒有華麗的門口店招，有的是美味的料理及老闆的熱誠好客！和友人兩個不小心發現的，相信這店也只是開了不久，主廚也是老闆的樣子，一手包辦點菜、烹調、上菜⋯全能的👍👍👍是午我們點了海鱸配扁意粉、肉眼扒配薯蓉、印度餡餅⋯因爲是跟餐的所以有蒜茸包、餐湯、汔水。另外，友人加配了$15即磨咖啡☕️這裡餐位大約只有10個位，地方比較少，香港哋真是吋金赤土😆，雖然地方是這麼小，但內裡也附有洗手間，真的是以想不到！是次埋單兩人才二佰多元，人均才$120！本來想試埋黑松露薯條🍟$28， 可惜吃主菜後已飽了，唯有下次再來品嚐

屋企附近開左間新餐廳 仲要係食西式野 係土瓜灣下路真係好少有 行過路過見到唔太貴 就入左去試下是日精選外賣無9折優惠 所以揀左係堂食 一黎即煮即食係好味啲 二黎有冷氣嘆 正當諗緊食C定D 老闆就主動推介麻花捲粉 咁就一於試下份量方面 係中午食 對我女仔黎講係飽既 包一罐汽水 男仔食 可以好似加唔知幾錢轉餐 有湯有蒜蓉包 味道方面 唔會太淡或者太濃 個汁食到尾都夠 岩岩好 個麻花捲粉 都幾好食 因為我自己唔鐘意食淋身既麵 鐘意係少少硬 所以呢個真係唔錯 同埋係下路真係無咩特別野食 好少可有意粉 上路可能多啲 但都唔平 以後又多個選擇啦少少建議 可能新餐廳關係 如果店鋪入面貼啲相 可能會吸引到更加多人食 同埋有圖睇會易揀啲 另外可以放少少音樂 咁就無咁單調 加油啊！

食物新鮮制造，意粉好正宗，偏硬，個湯好滑，整體好好味，舖細左小小，不過唔駛等好耐，出菜時間好快，老闆好好人，下次要試下佢塊美國西冷，見到人地叫好大塊，價錢合理，一個意粉一個小食100有找，有heart既餐廳已經唔多了，聽講大廚層經係九香，文華做西廚，所以以擺盤好靚，如果仲意相機食先就最岩，美景街已經好耐無一間日咁有心做既餐廳，平民價錢食到五星級水準 ，強烈推介，不過位就不是太好，剛開業已經食左兩次，介紹朋友食都讚好味