愛・回味396餐廳火鍋小廚

營業中

休息中

冬天時食過羊腩煲午餐，八十幾蚊好抵食，啲羊夠份量又好味，今次食下午茶，選擇都多，最鍾意食厚切豬扒，又大塊又夠厚，煎得香脆入味，蔥油好香，可惜奶茶唔够香滑。下午茶時段人流唔多，坐得好舒服，空間夠大，waitress招呼周到。位置雖然有啲遠，但係免費泊車

食物味道不錯,足料花膠雞煲絕對係要食,各款餸菜份量及賣相也很好,還有自家制五花茶,還是免費任飲的,而且坐位舒適,職員服務態度良好,適合揸車人士到來,免費泊車的。

响新田村路附近的餐廳，好方便單車友，有大的泊車位，餐廳內夠寛敝。午餐50至60多元，價錢合理亦多選擇。今午叫左肉絲炒麵及焗猪扒飯，味道偏淡，不過好大碟，麵多脆，猪扒好厚，勁抵食！

見到車友話新田單車徑附近新開，個日放假就踩單車去試下，踩到去新田購物城附近再入d 就到。外牆好靚，有好多唔同既畫，色彩好繽紛，入面仲有洗手間門口有得洗手，最入有個位可以同時掛大量單車。泊好單車我就坐低揀下野食，見佢有打邊爐，不過我下午茶時間就揀左tea set, 老公就揀左飯。蔥油雞扒煎蛋飯：整得好靚，個樣討好，煎蛋脆邊，不過塊雞扒同我想像中有出入，無咩咸味，只係隱約食到有d 香矛味。下午茶生炸雞脾配蟹子沙律，百香果綠茶：百香果綠茶味道幾好，同出面台式飲品店既差唔多，仲有d QQ 喺入面，生炸雞脾同雞扒一樣，雖然好juicy, 但無乜味，而蟹子沙律太多沙律醬啦，如果小d 更好。總結：我覺得佢有心攪好間餐廳既，食物多元化，又好有心機擺盤，就當你今次失準，我會俾多次機會你。