愛尚果

營業中

休息中

買左舊芒果糯米糍，入面舊果肉成舊都係絲，明顯係芒果頭/尾位，果肉又細，又唔甜，仲要食到牙罅都係啲芒果絲，好差賣得芒果糯米糍就唔好慳呢啲位啦好心，仲要$15，$5都比多雖然平過其他鋪頭，但味道差，果肉差，服務一般，好似唔知係入面拎一舊糯米糍出嚟，同玻璃櫃嗰啲大小不一，玻璃櫃嗰啲大粒啲，點知入面拎一舊出嚟係細好多以後都唔會再食，原來啲果肉係咁參差，無心做嘅生意不如就唔好做，唔好難為啲客食到成口都係芒果絲！

好有問題嘅一間舖頭 1. 榨汁機冇洗過就整新嘅一杯2. 生果唔新鮮3. 環境污糟4. 價錢同質素不成正比各位諗清楚先再決定要唔要去試🥶葵廣有好多其他舖頭，呢間真係唔值得博

果汁嘅質素同埋價錢不成正比，一支果汁差不多$40太貴。梳打水系列嘅完全係冇味，剩係得梳打水味，但一杯30幾蚊。我本人驚苦，蜂蜜苦瓜蘋果，完全冇蜂蜜味，我要求加多啲蜂蜜反而要額外加錢。但係糯米糍好食嘅，芒果啖啖肉 佬，不過衛生就真係要改善下，有曱甴喺個雪櫃度行，真係好驚。（再返去買糯米糍先見到雪櫃有曱甴）總結嚟講，飲果汁可以去後面$15一杯，後面選擇多，又平。性價比極低，環境衛生需要改善，希望餐可以努力改善。

每個禮拜最少飲三四日 ,每次食lunch必買 我由68 kg飲果汁都飲到57 kg ,足足瘦咗9kg王牌嗰六支都已經試過晒童趣甘果甜啲,蘋果味重啲美若西施同五青草原係最好好一開頭好驚飲五青汁,呢間果汁店顛覆咗我對五青嘅認知 飲完呢間之後唔會飲第二間嘅五青,一啲都唔苦,仲要係好飲同埋我覺得佢好足料嘅,就算係五青汁,定係其他果汁 起碼我前一日生咗痱滋同暗瘡,第二日都消咗好多唔鍾意飲五青汁嘅朋友，一定要試吓呢間美若西施,係我鍾意飲嘅味道,酸酸甜甜咁,因為有橙同檸檬我見佢哋仲有芒果糯米糍同沙律買,都有好多唔同種類 (遲啲再出評價）對佢哋評價,真係幾好,佢哋都好有禮貌,仲要認得我 哈哈 都已經做咗熟客好耐啦 !!!!!好評,繼續加油

行過買支橙汁飲，$48一支都唔平諗住應該正正常常啦，榨完支野睇落有少少綠綠地色，無理到，照飲一啖，有陣疑似香蕉，同其他唔識形容既味道🌚認真一睇入面有啲綠色好似海苔咁樣既飄浮物之後行番去間鋪同佢地講，個阿姐態度好串咁話係正常，客人叫橙汁唔會真係完全橙汁，因為佢哋係好大手筆咁樣用蘋果黎洗佢哋部榨汁機（？）😅所以杯杯橙汁榨出黎都係咁，之後話榨過杯比我哋，佢後面有個切生果既阿姐一路態度勁串咁叫我哋望實佢榨汁，叫左3-4次結果第二轉既橙汁完全唔同色今次就係我飲左咁多年橙汁既顏色同味道啦我覺得其實你衰左就唔好咁多野講啦當啲客成世未飲過橙汁咩尋日行過又見到有客中伏話香蕉汁唔係咁既味，爆哂粗咁鬧😂突然醒起呢件事上黎補番個評價，哈哈完

有次陪女朋友行街，見到呢間賣的沙律賣相幾吸引，所以就買左黎當聽日的晏晝食食完發覺份量都幾夠，而且42蚊真係算抵因為出面細盒都5-60蚊，太貴買唔落手🫣最重要係入面既野都岩我食仲有幾個月就結婚要減肥，所以我同女朋友想每晚都食沙律做晚餐，有時自己懶，而且自己整又擺得唔耐，所以就搵左佢地的電話，whatsapp佢地問可唔可以拎去地鐵站，點知店長二話不說話可以，仲就我地時間又分享左佢既減肥心得真係好感動值得推介會再幫襯

在葵芳附近做完運動就去附近睇下有咩健康嘅食物，一上3/F經過呢間見到有雞胸沙律就立即買，一打開就俾佢嘅雞粒份量嚇親了，只有幾粒見這麼珍貴我就留在最後先食，因為我怕d沙律菜遮住了雞粒，所以我食完所有菜才再數數全部的雞粒，真的只有五粒碎少得非常可憐火腿有兩片細的，有一點變壞的味道這個沙律價錢要$42，不是太值得吧，相信沒有下次了！

【葵芳•愛尚果】————————————————————————超耐無去葵廣掃街嗱😍好多鋪頭都轉哂基於太口渴 即刻搵野飲 揀間平時少見嘅#愛尚果 即叫即做 標榜 不加糖 不加水 不加冰無添加 原汁原味 夠哂健康人生嘅蜜糖小姐😙🍯G2:青岀甘藍 HKD29羽衣甘藍。青瓜。蘋果。菠菜。檸檬抗炎❤️排毒修身❤️防癌 見到呢啲字眼啱哂女士🙊平時都有榨果汁飲 但好少買到羽衣甘藍 2位朋友試飲：草青味 但蜜糖小姐表示好飲😂同我飲開嘅類似 如果食開沙律菜嘅都啱飲😝份量唔多好快飲哂 如果有岀大杯會開心啲😌唔想咁草青味都仲有好多款選擇下次試五青汁 正啊😍。餐廳環境：📸📸📸📸服務質素：😊😊😊😊😊食物味道：👅👅👅👅👅性價比：💰💰💰💰消費 HKD29。✨✨✨✨✨✨✨✨✨✨✨✨✨#nkiki葵芳 #nkiki果汁店 🏠 愛尚果📮 葵芳葵富路7號葵涌廣場3樓303E號舖

估唔到我會為間飲品舖寫食評😛 不過呢間舖由佢開舖開始我每一星期都會嚟買一杯咁滯😂 而我次次都係飲童趣甘果，嗰到寫明佢有抗衰老、抗氧化同淨化腸道，前面嗰兩個我就唔知了，但淨化腸道我係相信有咁嘅功能，所以我先會嗰個禮拜嚟幫襯佢😂 連嗰老闆娘都認得我😂 我曾經有諗過學佢買部機，自己係屋企整，但又要洗又要買料，我寧願每星期過嚟一次葵芳幫襯佢😛 真材實料，無加糖🤓🤓 愛健康嘅你一定要嚟試吓🤓 下次試吓其他先😛

愛尚果都算係一間新舖頭，發現到佢係因為近排減緊肥，想買杯健康啲嘅飲品，唔想飲珍珠奶茶🧋😂 太多糖了😳 因為自己本身都有便秘問題，所以我係用飲五青汁嘅心態去叫😂 叫咗杯童趣甘果，聲稱抗衰老、抗氧化咦淨化腸道，杯飲品有甘荀，蘋果🍎，菠蘿🍍同檸檬🍋，估唔到我可以稱得上佢係好飲😂 健康通常冇好嘢😂 無加冰無加糖無加水！我望住佢整！真係真材實料😂 仲要之後嗰日我真係去到廁所😂 唔知係咁啱得定真係有用了😜

最近葵涌廣場開左一間果汁店好好飲，店長又好好人，我忍不住每日都要去買來飲，平時買「童趣甘果」😋，店長話最多人飲，連小孩都喜歡，今日試下「美若西施」😂，本身我很怕西芹😥，但試完原來都不難接受🤗老實說我對果汁本來沒有興趣，又怕甜，但這間店真係好味，出面好多都會加糖又加水🤮，但這間是不加水不加糖，全蔬果🤤