影片
港鐵銅鑼灣站 E 出口, 步行約3分鐘
繼續閱讀
營業時間
星期一至日
11:00 - 21:00
以上資料只供參考, 請與餐廳確認詳情
一個品牌嘅建立已經唔容易，仲要由一間社企去做起，更值得敬佩嘅喺，當中嘅組成喺由超過半數嘅殘疾人士而嚟。所講嘅「品牌」就喺東華三院屬下專門訓練及聘用殘疾人士嘅社會企業「愛烘焙麵包工房」，今次多得食友送贈，讓小弟有幸品嚐佢哋製作嘅曲奇。愛烘焙麵包工房由2010年7月成立至今，都已經渡過咗4個年頭，旗下除麵包工房，仲有餐廳、輕食站等等，詳情唔多講，有興趣可以瀏覽一下店方網址：http://ibakery.tungwahcsd.org。咪以為佢哋聘用殘疾人士就只喺做吓手作仔嘢過日晨，單喺曲奇，都已經有唔少皇牌口味：今次收到食友所送嘅喺「腰果朱古力曲奇」，一包有7塊，包裝得簡約精巧。沖番杯白咖啡，一邊嚐曲，一邊嘆啡，輕鬆渡過埋「等收工」嘅時段。腰果朱古力曲奇外表烏黑，但朱古力味極之香濃，咬落又鬆脆，而且，曲奇內佈滿大大細細嘅腰果粒及朱古力粒，腰果既香且脆，稱得上上佳之作。所以，絕對唔好睇少一啲殘疾人士嘅能力，只要好好訓練，一樣做出成果。從附件嘅單張，見佢哋有一款新產品「抹茶曲奇」，可能在你嚟講抹茶曲奇無咩特別，周街曲奇店都有得買，再細心留意，原來依件抹茶曲奇喺由京都凱悅酒店首席餅師於年初嚟香港訓練一班愛烘焙團隊所製作而成，背後故事真不小。銅鑼灣皇室堡Pop Up店經營到八月尾，咁你又幫襯咗未？多謝好友心意，又可以等小弟多寫一篇曲奇食評系列「好友狂嚐曲」！
繼續閱讀
早前托食友代買曲奇送給朋友作生日禮物，她介紹我試吓「iBakery 愛烘焙」的出品，咦，係喎，差點忘記了這間集烘焙工場、烘焙 Café 及烘焙教室於一身的社企添。其實早於幾年前拜讀 KC 食評，已知道有這間為殘疾人士提供多元化訓練及工作機會的「愛烘焙麵包工房」存在，不過由於店址唔係位於香港仔就堅尼地城，對筆者來說實在是有點隔涉，其後亦不了了之，若非食友再次提起，還差點忘記了這餅店添。雖然其後因我想訂購的曲奇沒大罐裝關係而改買了另一品牌，但食友知我一直都想試這裡的出品，竟然靜悄悄購入了一袋種子提子曲奇送贈給我，十分窩心。食友寫得一手好字，筆跡端莊秀麗，每次送禮物給我都會附上一張小字條，而且還會記下我喜愛的口味，比兒子更加細心，好感動呀！至於這包種子提子手製曲奇，一袋 8 塊，以無鹽牛油、低筋麵粉、全麥粉、提子乾、燕麥片、亞麻籽、黑芝麻及白芝麻等製作。唔好以為加咗健康的燕麥同亞麻籽，啲曲奇就會嚡到爆，其實啲曲奇咬落唔單止夠脆口，加埋內裡帶點煙韌的粒粒提子乾，口感更是豐富，當早餐或下午茶吃，配番杯熱茶，既健康又飽肚，值得推介。也在這裡順帶介紹一吓 「iBakery」，其實愛烘焙團隊是由不同能力，但同樣熱愛工作的人所組成，當中超過一半為殘疾人士，致力為顧客提供優質安全的烘焙產品。而 “i” 即代表團隊推動「社會共融 Inclusion」的決心，亦包含「我」能做到的意思。至於中文名的「愛烘焙」，則代表烘焙團隊對工作的熱愛，在那裡工作，不單可賺取生活，更可獲得尊嚴和滿足感。如果大家經過開店子位於皇室堡的 Pop Up Store，不妨支持一吓。
繼續閱讀
之前睇到其他COMMENT覺得好吸引 而且PACKING好靚,咁岩放假行街經過一定要試~ 佢地個booth 其實有得試食, 我試左抹茶同朱古力果仁兩隻其實都好食, 但由於想要個紙盒所以買左抹茶極香濃抹茶味道, 即使係有糖粒係面都唔會太甜, 而且食完之後口腔仲會有陣抹茶香~讚~唯一美中不足係入面膠袋太短, 唔可以食一塊之後夾番實個開口, 不過其實都唔可以放太耐, 所以請人一齊食一次過食晒lor~~
繼續閱讀
一直都想到其cafe幫襯，但礙於地點較隔涉，一直都未成行，聽說它在銅鑼湾有個pop up store, 即刻去逛逛有咩野啱先，順便支持下一班自食其力的殘疾朋友，一舉兩得！地點很易找，銷售員好有禮貌、熱誠推介他們同日本Hyatt Regency Kyoto合作的新抹茶cookies, 有較甜及普通甜度的, 有淡淡抹茶清香，不太過分地平衡了曲奇味道。 而且有送人都不失禮的包裝。另外亦買了其他幾款試試: 牛油、種子提子、朱子力果仁、double朱古力，都不錯,個人比較喜歡種子提子,種子提子都好有嚼囗，餅很鬆化也不太甜。無論哪款亦很有心機包裝，但在價錢方面，就略為高，每包6~8件(視乎餅的大小)，要廿幾三十元，當想到付出會好有意義，就暫時忘記$的問題。
繼續閱讀
出差回來後的第二天，下班後怱怱去整理破損的指甲，趕到店裡已經遲了15分鐘，剛坐下就覺得肚子有點餓，師傅知道我餓了，就馬上從櫃子拿了一個包裝精緻的 草綠色小盒子出來，説請我吃，打開小盒子，裡面放著一小包十片的翠綠色曲奇，她説是客人送她的，就在店對面的皇室堡商場買的。打開來吃，即時散發著清清綠茶幽香味，翠綠色曲奇原來是抹茶曲奇，曲奇酥脆可口，有著濃郁的抹茶清香味，但牛油味依然豐厚。整理好指甲後，隨即跑到皇室堡的一樓，就看到ibakery的攤位，擺放著不同口味的曲奇及餅點，義工店長很熱情的介紹ibakery的背景，它們的各款產品，亦讓我試食了幾款不同味道的曲奇。ibakery是東華三院轄下訓練及聘用殘疾人士的社會企業，為殘疾人士提供多元化的訓練及工作機會，用心製作優質的烘焙產品，讓他們可以努力融入社會，發揮所長。這次的推廣活動主要是推廣他們學員製作的曲奇，特別推介抹茶曲奇。原來它們的抹茶曲奇是由日本京都凱悅酒店的首席餅師專誠親自來香港教授愛烘焙麵包工房的學員，採用京都抹茶材料及曲奇配方製作，由學員們全人手製作，融和了綠茶的甘香及曲奇的鬆脆，還提供無糖配方，只是已經售罄。抹茶曲奇共有3個不同綠色的禮盒，亦提供多款味道的鐵盒裝曲奇，用來送禮亦好。除了抹茶曲奇外，它們還提供多款曲奇，包括榛子、全麥杏仁、種子提子、腰果、玫瑰、雙重朱古力及薰衣草味，同時亦有一款叫意式脆餅的，味道非常香脆，薄薄的一片都含有豐富的杏仁片及南瓜籽，很有咬口感。最後我買了2盒抹茶曲（$48/100g/10片）及2包意式脆餅（$35），他們在5月18日還提供買滿100元減10元的優惠。這個攤位只會經營至8月31日，實在是个值得支持的社企，大家不仿都來支持一下殘疾人士，讓他們能努力地在香港社會上站起來。
繼續閱讀