愛群餐廳

營業中

休息中

20年前係依間餐廳食人生第一份T骨，20年後重遊舊地，得到既係一份無左肉眼部分既帶骨西冷，問職員T骨係咪轉左係咁，我話我成份上黎已經無左肉眼個部分，佢話轉左供應商，應該係穩定啲既，可能咁啱依件切到咁，話如果一上台發現就話佢地知會好啲，依家咁好難拎返入去(都真係就食晒，因為無左忽，3刀都就食完)佢咁答，我真係除左笑一笑，都唔知可以點。最後比錢有返另一個職員講，希望佢哋留意下啲出品，我得到既係一份帶骨既西冷，我20年前食第一次T骨係依度20年後食竟然係咁，之後我㩒門走左了(我比足全數，無問過任何折，佢都唔似會想補賞我啲乜)P.S. 20年前係依間店既叔叔侍應教導我食T骨的。。。。真笑話。。。

【 早餐選擇多】喺屋企附近食早餐，我多數會選擇「愛群餐廳 」，佢地的早餐選擇好多，有輕食也有扒類早餐，份量都足夠，環境寬躺坐得比較舒服，但侍應的服務態度就有待改善。我今日就叫左份早餐A，係沙嗲牛肉出前一丁，跟餐仲有份炒滑蛋和牛油豬仔包，餐飲點了熱阿華田。出前一丁的麻油係另上，方便我哋自行加減份量。碗麵有小許白菜，沙嗲牛肉都ok多，夠食。值得一讚係份炒蛋好香滑，口感柔軟，奶油豬仔包脆卜卜，配搭奶油好香口，好好味。

琴日行完街成日，番到屋企附近好肚餓又口渴，去咗樓下的愛群餐廳食下午茶，我都幾鍾意係愛群餐廳食嘢，自從裝修後餐廳環境變得更舒服乾淨，加上防疫措施都做得幾好，入餐廳要量體溫，每張枱都有哂隔板，見佢清潔枱面時都有抹下個隔板。今日下午茶叫左常餐，係沙嗲牛肉出前一丁，炒滑蛋和奶油豬仔包，配凍檸檬茶。好耐無食出前一丁喇，餐廳會將包麻油分開上，如果喜歡再香口d 的可以自行加麻油。奶油豬仔包香脆好味，有好香的奶油牛油味。

服務真係極度令人失望。一入去填表(我哋四個人)，但reception個位好繁忙，又要填4張，所以想拎張表入去坐低填。門口短頭髮半剷青個阿姐話，「唔可以拎入去填，坐低咗就唔會填，唔會拎返出嚟」....我嗰刻真係呆咗一呆，驚我坐低唔填，你可以追我交返。其實我唔介意企喺門口填埋，但阿姐嘅態度真係令人覺得好不被尊重。另外，門口嗰刻真係好多人，又有叫外賣嘅人又有侍應，個阿姐又無安排我企一個好少少嘅位。填表期間，新入嚟嘅叫外賣嘅客人又無人招呼，見我企喺度就向我落單。搞到我好尷尬。其實，容許客人坐低填係咪可以考慮吓呢？甚至你堅持都可以，但態度真係要改善。食物方面，我叫咗鐵板T骨扒，味道唔錯。份量以$168嚟講都合適，有餐湯、餐茶同甜品。但你預咗係嗰啲舊式西餐廳，用梳打粉"乸‘’到鬆哂嗰種牛。同行嘅人叫咗個鐵板牛柳都唔錯。唯一令我有正面印象嘅係杯餐飲好大杯，同個羅宋湯幾好飲。我細個住青山道，好耐無去，今日特登返去幫襯，真係好失望。其他員工態度都好好，但嗰個阿姐呢態度真係破壞哂整個團隊嘅努力。縱使食物ok, 我以後都唔會幫襯。

又係愛群餐廳的外賣飯堂，我哋一家最愛，打個電話叫定再落去拎，好方便。西冷牛扒拼雞中翼意粉，不得不讚塊西冷牛扒真係勁大塊，又林又重牛味，食肉獸啱哂！配菜有生菜和紅蘿蔔條，幾健康。焗葡汁雞皇飯，一盒有好多雞塊，好林幾好味，但我覺得葡汁太多，食到中途已經覺得有d咸，要狂飲水。

屋企附近的愛群餐廳開咗好多年，裝修後環境更靚，坐得更舒服，所以都多左去食。疫情後都成日係餐廳叫外賣，外賣自取仲有9折，幾抵！今日就點左兩份Set Lunch，一盒焗洋蔥牛扒意粉和乾炒味菜叉燒烏冬，一個飲羅宋湯，一個飲忌廉湯，餐飲要熱檸檬水和熱奶茶。焗洋蔥牛扒意粉內的牛扒份量好多，起碼有5-6塊，而且好林，小朋友都可以輕鬆食到。乾炒味菜叉燒烏冬的酸菜好開胃，叉燒配料仲多過烏冬，我覺得烏冬份量要再多d先夠飽，食到中途就開始覺得有小小油膩。

因為六時後沒有堂食，所以諗住打電話去外賣自取，一打去問有咩聖誕大餐可以揀，點知一問，佢哋個女侍應好似唔想撈咁，叫我睇餐牌就上 社交平台睇，咁我唯有上 社交平台睇啦，點知餐廳 社交平台乜野相都冇，點叫餐呀？最後唯有死死氣去餐廳點餐，點完餐大概等20分鐘左右先有，好心整好自己個 社交平台先叫客人去上網睇餐牌，雖然個扒餐算正常，但佢哋嘅服務真係麻麻，真係唔明佢哋老闆點樣容忍到佢啲侍應咁hea做，希望可以以後改善下，如果唔係點樣喺長沙灣競爭呢

愛群餐廳在長沙灣據說已經歷史悠久，路過此舖，我們當然要嘗一嘗它的馳名港式羅宋湯！ 😋😋😋羅宋湯果然名不虛傳，非常足料，雜菜用料頗多，以港式羅宋湯來説，可以話已經發揮了應有水準跟湯的餐包熱熱的，這點非常重要，因為現時很多其他餐廳上桌的餐包雖然花款多，但入口沒有暖暖的感覺，缺乏了跟湯餐包最重要的特色！ 西冷牛扒併雞肉串配薯菜： 西冷牛扒有點硬，不是十分易嚼，可幸是其他配菜都味道不俗！焗菠蘿火腿雞柳濶條意粉，味道 ok, 用料非常多，看得出是用心之作豬扒辛辣麵配奄列油多，這個相當好味，值得一試！值得一提是餐廳會定期更換 Menu 菜式，以小型餐廳來計，算是用心經營的小店！ 👍🏻👍🏻👍🏻

【 念念不忘的羅宋湯 】住係長沙灣的多數都認識愛群餐廳，開左好多年，早前仲大裝修過，餐廳環境變靚左，感覺上更乾淨舒服。疫情期間日日留係屋企，簡唔中想休息下煮小一餐，我都會係愛群餐廳叫外賣，打電話叫定先，之後再落樓拎，外賣自取有9折，又抵又方便，原來愛群餐廳的社交平台每日都會上載當日的餐牌，睇完先打電話去叫餐好方便！我地今日LUNCH點了一份香煎豬扒香腸飯，一份海鮮菠蘿炒飯，一碗羅宋湯，一碗忌廉湯再加兩杯餐飲。重點介紹愛群餐廳的羅宋湯，咁多年都係好足料，味道仲非常好飲，我每隔一排就會好掛住好想飲。香煎豬扒香腸飯，不過不失，份量夠大碟。海鮮菠蘿炒飯，都好多料，炒飯入面有帶子，菠蘿，魷魚，蝦，三色椒等，口感唔錯。

一直知道 愛群餐廳在長沙灣區屹立了幾十年， 外表看來好old school。 這個區各種食肆林立從沒有打算入去吃。在疫情， 不少餐廳倒閉。 今天心血來潮泊車在門外走去試試。 原來餐廳裝潢 不知何時已變了身😊午餐時分我叫了一個午餐A餐, 是馬來咖哩 豬軟骨我選擇了意粉。 對對這類型餐廳尤其午餐set lunch， 沒有抱什麼期望。 望著咖哩賣上已覺得質素不錯， 吃入口更加時哇一聲。咖哩充滿南薑 薑黃香茅， 咖哩打不是稀稀的水， 加了椰汁仍是杰杰的， 但不是獻汁， 而是感到足香料 的咖哩蓉融入汁內。 另外值得一提就是那個豬軟骨， 香淋程度令我🤩🤩， 啖啖肉絲如鎖住油香。57蚊包凍飲性價比高😍

注重每一個細節的餐廳，連餐包都是温暖軟軟的，怪不得每晚都爆棚！🙆‍♀️每份鐵板餐都夠晒份量，大大塊牛扒令人感動！唔好以為價錢平就質素差，特厚切牛扒!💥爆膏芝士龍蝦！💥脆皮司華力腸！💥一定要再來encore!而且性價比高！一個套餐才百多元，仲包甜品🤩

見之前d食評話呢間餐廳d野食麻麻地，但食落去又唔係話咁差丫。個湯都唔算好差(咁好飲就唔會係好飲既）飲飲下湯食緊包就上扒，可能唔算多人都做得幾快。個扒5 成熟，汁係自己上。我覺得5成幾好，下次食牛都叫5成熟先初初好驚牛利會"un"，點知又幾嫩。薯條同紅羅白都幾好。如果要意粉/飯要加$10另外又有餐飲，最後又有甜品 （雪糕／啫哩)甜品係一球vanilla 雪糕我覺得員工服務都ok 環境都ok整體黎講我覺得ok

今日午餐食愛群，去懷念下以前先。午餐選擇唔算多，我自己自在有包有湯，有從前的感覺。午餐 E 呀，唔該。先上餐包同奶茶，餐包唔熱，叮都無叮過。奶茶可以，茶味濃少少仲好。羅宋湯夠足料，我就喜歡食湯料。如果大家好酸的羅宋湯，呢個就岩哂你地。主角係~焗洋蔥牛扒意大利粉。洋蔥份量舖滿，圖上已放一邊；牛扒足一塊，唔洗自己動手切，已切開焗；中式意粉做法，我最喜歡個汁，帶動意粉的味道，好味。自從裝修之後，都有黎過呢度食。今日黎，又再諗返，真係唔同哂。

放lunch ，四圍都多人就隨便入一間嗌左茄汁鴛鴦扒飯飯，跟餐湯過餐包。賣相都唔錯。餐湯 : 冇菠菜味嘅菠菜湯 ，有少少失望餐包 : 反而麵包又幾鬆軟茄汁鴛鴦扒飯 : 雞扒都算厚肉，無咩雪藏味豬扒就比較多肥膏，個汁係舊式冰室嘅茄汁味。

係深水埗食lunch，經過呢間愛群餐廳見到有好多人喺入面，地方又好似幾大幾闊落咁，所以就決定試吓食佢啦。佢一共有四款午餐可以揀，我就要咗個焗忌廉汁野菌雞皇飯，配埋忌廉湯同熱檸檬茶。個雞皇飯超級大份，焗得都好靚，有少少焦喺上面，好香口。野菌都幾多，雞肉好大舊，有埋雞皮，好正。忌廉湯有配埋餐包，個餐包好軟熟，忌廉湯嘅份量都幾多，配埋一齊好好食。午餐黎講，50蚊有咁多嘢食，真係幾抵。希望下次可以試埋其他餐啦。