愛群餐廳

營業中

休息中

細細個好鍾意來愛群食扒，因為唔洗100蚊有2大塊扒加甜品同飲品，仲有餐湯同麵包，非常之抵食，而且亦有返D質素。不過自從早幾年裝修完，唔知有無易手了，不過D食物就大不如前，和從前的感覺很不一樣。麵包只是微溫，忌廉湯是水汪汪的，反正扒的味道及份量沒有太大改變。而雪糕和Jelly亦跟以前一樣，味道普通。質素下降了，但收費漲了2成還要加一。總括來說，性價比較以前差，不過待應及老闆的服務都是用心就加回一點分數。

平安夜只有我和另一位同事上班聽同事說愛群餐廳十分出名 開業十分多年店內環境舒適 可能時間尚早的原故 客人數量不多 點了午餐A 黑椒牛柳粒意粉 配紅湯紅湯沒有什麼特別黑椒汁味道適中 牛柳粒軟淋意粉煮太久太淋 配菜尚有餘溫

愛群餐廳䇄立多年，年幼時跟家姐和媽媽也常常去光顧，今天重踏這裏，心裏感覺時光倒流一樣，懷愐一番。午餐的食物價錢不是很昂貴，大概是50元之內，除了午餐可供選擇，也有扒類，價錢大概120元左右。今天與姐姐們選擇了三個相同午餐食物，就是吉列豬扒拼雞骨腸，可選飯、意粉、薯菜，這個套餐還包括餐包，餐湯及飲品， 價錢只是53元，十分之抵食。 請記住需知價錢好並不代表食物好啊~由於豬扒全是肥肉，經過烤炸，沒有一口是可以吃的，所以不得不向侍應生投訴，幾經辛苦多番唇舌，才肯換上一塊較為好一點的豬扒，由於我們點了三個共同食物 ，但他們只是換上一塊豬扒當作賠償， 感覺上令我們有點兒不快，相信沒有下次光臨的機會了。

食物-比以前差好遠，加左價後份量小左，質素差左，冇估計錯換左廚師服務-完全冇服務態度，仲要收加1服務費環境-免免強強總結-以後都唔會再去了，新愛群太失望了希望以前舊伙記返黎做就好了。

今年第一餐生日飯由弟婦同我慶祝🎉🎊。我地揀左我讀書時成日去嘅"愛群餐廳”。愛群餐廳依然屹立不倒，總有它的原因，百零元一個铁板餐又有，不同种類意粉只係5拾幾元 (加$20元就有埋湯，包及飲品)。今晚我食鉄板龍蝦拼牛柳🥩，好豐富，好好味😋👍🏻。

上一次光顧，已經是幾年前了；當時，還未裝修，晚飯時候，很多食客吃鐵板餐，整間餐廳，充斥著濃烈的鐵板餐油煙味，所以，印象麻麻。今天，舊地重臨，餐廳新裝修，地方算是不錯。食物方面，我們叫了兩個下午茶餐。Honey叫了熱奶茶和炸雞翼配雜果沙律。熱奶茶是地道的港式奶茶，茶濃奶滑，不錯。炸雞翼香脆，即炸起，不油膩。我叫了凍咖啡和黑白西多士。黑白是朱古力醬和煉奶。西多士的麵包軟熟，炸得不太焦，內裡的麵包仍軟熟。黑白相也不太甜，幾好味。兩個下午茶餐，大大份，只售$40左右，平靚正之選！而且，茶餐廳最重要的是｢杯茶｣：咖啡和奶茶都

好掛住個茄汁意粉。即刻去食。個湯可以接受～簡左牛扒餐，加5蚊要茄汁意粉牛扒好明顯係落左好多鬆肉粉去整。意粉有陣怪口味，我真係好吾明點用茄汁意粉有一陣中藥味！出奇地只有個跟餐雪糕好食頂吾順～完全失望。

呢間老牌餐廳，曾經光輝歲月，我亦留下不少回憶，近年幫襯次數越來越少！自從佢重新裝修之後，服務及食物質素每況愈下⋯⋯今天星期日，打算坐得舒服啲食個早餐，貪佢好坐！星期日嘅早上，客人相對附近其他餐廳已經不多，自己選擇坐在門口近街的卡位，其實環境絕對不錯！早餐Menu，選擇好正路，價錢定位亦合理，我選擇了黑松露煙三文魚配凍咖啡！上枱時，看著那幾乎看不見的黑松露，心諗，唔係卦？係咪漏左招，少到咁，仲以為係黑芝麻！於是客氣的問下待應，這是應該的份量嗎？得到的回答是，係咁嘅份量⋯⋯既然係咁，我亦唯有接受，究竟係我自己問題嗎？而黑松露亦沒有應該的香味，後悔自己這個選擇⋯⋯真係唔知點講，呢份沙律，我看了⋯⋯又看了，終於放下！失望加上影響心情⋯⋯望住杯凍咖啡，個心真的不是味道，其實餐廳硬件OK，究竟原因何在？替它可惜，亦替它難過⋯⋯

今日約咗朋友去佢屋企睇世界盃，開波之前梗係要食飽飽先，就去咗呢一間餐廳，我問佢都已經成10點鐘仲有嘢食咩？原來呢間餐廳營業時間到晚上12點。睇吓個餐牌，嘩，有冇咁抵呀，一個鐵板餐，平均都唔使＄100？我哋一人揀咗一個鐵板餐，你可以自由配搭，要唔要餐湯麵包，或者加飯又或者意粉之類，都係多十元、八塊左右，真係抵到你唔信！而且店內這環境都算OK啊，唔講仲以為去咗啲高級嘅法國餐廳，情調氣氛都唔錯啊！件澳洲牛扒都算不過不失，分量亦唔少，咁嘅價錢真係去邊度搵呀？我就揀咗凍嘅檸檬可樂，用嚟配鐵板餐就冇得頂！冇花冇假，兩條友埋單都係＄200左右，真正的平靚正！

今天是星期日的，早前預約需要在長沙灣工作。一早便出門，很早抵達那𥚃附近。由於未吃早餐的關係，於是順便找間餐廳，見「愛群餐廳」門外餐牌的"經典早餐"合胃口，入內光顧。餐廳內部環境觀感幾好，光線柔和。侍應服務態度殷勤有善。我點了沙嗲牛肉麵，腸仔蛋，奶油豬及熱奶茶。沙嗲牛肉麵有牛肉，生菜及公仔麵。份量算多，賣相一般。牛肉都算大塊，份量可以。牛肉質地似乎韌了少少，沙嗲味不太重也不太辣。生菜只有幾片，鮮嫩爽口。公仔麵，沒有什麼味道，只是靠濃烈的沙嗲味才有味道。不過，似乎煮得太腍，好明顯烹調時間掌握得不太好。奶油豬，外脆內軟，麵包的口感鬆軟。牛油香味加上煉奶甜味，非常好味。味道又香又甜。腸仔蛋，腸仔煎得剛剛好，肉質嘗算鮮嫩，味道不太咸。雞蛋，煎得不俗，蛋黃味又好。熱奶茶，紅茶及淡奶比例側重奶味濃，反而茶味淡。總括來說，沙嗲牛肉麵，腸仔蛋，奶油豬等份量算多，味道也不差。可以說是物有所值。

愛群餐廳開了應該有幾十年，算是長沙灣區集體回憶，附近茶餐廳價錢都差不多，如其幫襯集團式，不如支持下老街坊小店吧！今次叫了經典早餐，鮑魚火腿米線，腸仔煎蛋蒜香多士，熱檸水。米線煮得剛好，因為通常茶記都煮得太淋。蒜香多士有蒜香味，烘包都剛好，脆已不燶。唯熱檸水沒有挑核，所以會有點苦。

早/午歺早歺：喇沙肥牛米線豬仔包，肥牛少，米線吾好食，似自己係百X買個D甘。冇喇沙味，差！奶油豬包上下也不脆，D包好多粉，不喜歡！午餐類：扒飯，D扒算大塊。服務：ok

呢間餐廳歷史悠久，我間唔中都會嚟幫襯，由於近期呢一區好多新樓落成，人口漸漸增多，餐廳食肆嘅數目比以前亦都多咗好多，餐廳之間嘅競爭都好大，有競爭自然係要進步，可能正是呢個緣故，推大約半年前重新裝修，裝修後嘅感覺截然不同，坦白講，感覺係高檔左不少先不要講食物及服務的質素，裝修後嘅格局，我個人是很喜歡的，喺度Hea下，傾吓計，飲杯野，給人一個悠閑舒服的感覺，如果有機會坐係窗邊的位置，你一定會多坐一回，牆壁，及有一些黑板的感覺都會吸引你的視線停留咁嘅格局，相信都值得大家嚟試吓，當然你會問我除咗格局之外食物嘅質素又如何？坦白講食物質素，我個人覺得只是合格，未裝修之前，可能要求沒現在那麼高，今天總是覺得食物質素追不上現時其他餐廳進步的步伐，好像還停留在一些快餐聽的水準左右今天是星期日，但客人亦不算太多，亦無需等候時間，這正正是客人的選擇！早餐都是比較Basic，唯一要讚一讚的就是他們凍飲的杯子，我很喜歡，始終視覺對於我來講都係一種享受最後要提一提的，就是服務員的態度，他們好像也沒有跟上潮流的步伐，這一方面可以改善一下，加多一點點笑容吧！

從來都冇諗過會寫負評😐，但真係好失望。一直以來都係愛群嘅熟客，有咩食大餐嘅時候都會第一考慮。但今日真係。。。😑😑2個人坐低個陣好開心。啱啱飲完湯，餐包切左半邊都未食完，就有人過黎放低豬手嘅同時收走左餐包😧，問都冇問，都阻止唔切🙄，都算啦。個德國咸豬手怪怪地，啲豬肉味好濃，唔係鮮味🤢，重點以前食過幾好味，個陣印象好好！但我唔識形容，但印象唔似平時食開個種咸豬手味。拆左骨，食左啖，已經頂唔順個味，但男朋友冇乜所謂⋯⋯🙄🙄就咁等左好耐，另一個set好耐都未黎，加上又收走左個餐包，豬手又唔好味，淨等越等越唔順氣！覺得自己好委屈，就係咁屈住道氣。終於等到個扒餐，個侍應問都唔問就將黑椒汁倒落盤嘢度！我都唔知可以講乜🤷‍♀️🤷‍♀️，已經阻止唔到！唔通我同佢嘈咩？平時係會問咖，而且本身都冇呢個習慣，我并唔係想食黑椒湯牛薯條囉🙅⋯⋯⋯⋯終於，食左幾啖，條氣唔順，嘢飲都未嗌就走左，買單個陣有問過係咪真係唔食？真係想講，頭先收餐包個陣又唔見你地問下先？總之係一個唔愉快嘅用餐，冇諗過自己會俾負評一間幫襯左咁耐嘅餐廳，so sad。。。最後一肚氣咁走😤😤以後都唔知仲繼唔繼續去。

食早餐我通常都會走包走多土因為我知道一定會食唔哂但食愛群早餐既多士唔走得 因為係蒜蓉多士 脆卜卜加埋早餐個個滑蛋上去 件雞扒都變配角😂愛群餐廳長沙灣青山道177-179號地下