成天粥品點心

營業中

休息中

今日有啲感冒 又無咩胃口所以就買碗粥同點心返屋企食 皮蛋瘦肉湯都幾大碗 唔會太稀皮蛋同肉既份量都有唔小葱花蝦米腸粉好大份 多葱多蝦米腸粉都算滑 加埋甜頭油 無得頂燒賣正常發揮 大大粒 啖啖肉而且有4粒 唔使爭鯪魚球就普普通通叫做大粒食得飽外賣包裝都pack得幾好拎到返屋企都無倒瀉或漏😂

同朋友本來想食腸粉但未開門，近近地去咗呢間粥店，叫左2碗艇仔魚片粥和炸両，個人認為粥底口感太糊，粥裡竟然一粒花生都冇，其他配料也不多。炸両凍嘅，裏面條油炸鬼淋哂，腸粉唔夠滑。不過員工服務態度和清潔度ok，不會再幫襯。

今日心血來潮想食吓點心，對於我地小資女嚟講，唔想花咁多錢，就決定用app外賣點心，慳返茶位、加一嘅錢可以嗌多兩籠點心係一個非常好嘅做法。以下嘅相係食咗一半先記得影皮蛋碎牛粥 - 粥煮得都幾綿，牛肉好夠味，不過唔夠碎牛肉球 - 牛肉味幾出，口感一流糉 - 好大隻，裡面用嘅都係肥豬肉，對於唔食肥肉嘅我嚟講，如果夾雜瘦肉就好了，蛋黃偏小叉燒包 - 叉燒好有口感，略嫌汁少了一點，食落較乾叉腸 - 如其他食評所講，皮太厚，唔夠滑，芫荽味唔夠出整體嚟講，以呢個價錢食到咁多嘢食，其實都無得挑剔，期望下次食會再有進步

連日來聖誕大餐食得太豐富，係時候中和下～去食返d粥品、點心🤣全餐基本上都正正常常、不過不失都係一般傳統老店既味道唯獨兩樣野特別讚👍🏻👍🏻油炸鬼😋外脆內軟，好耐冇食過，一試都係停唔到口👍🏻燕麥粗糧糕😮有d似鬆糕，但結實d，清甜d，好開胃👍🏻整體來講，用傳統眼光去睇呢間店，係keep得幾唔錯😊

排骨冇味，鳳爪個醬都係冇咩味，腸粉都係一樣，皮又厚，總之點心，腸粉非常一般，其他野唔想再試，食過一次就算，仲諗住試下新野，現在試完後結論就係，唔會再行入去第二次了

皮蛋咸瘦肉粥 $26 + 果皮牛肉腸粉 $20，外賣盒每個$1粥料算多，粥底比較稠，淡淡地都幾好，但瘦肉 "鞋" 而無味。牛腸無果皮味，有非常少的芫荽味，料份量可以的，但有好多細細粒不明物體，咬唔到要吐出來，有些核突。這店賣粥和點心，滿心歡喜以為這一帶終於再有點心專門店，可惜衛生方面令我有些卻步。點心放在門口方便外賣，但現時不適合這樣做，更見到有些點心籠放在離地只有幾吋的架上，希望是用完空的，否則真係有欠衛生。以為堂食點心會在廚房出，原來都係在外拿入去。